GMT+7 20/11/2017 04:44

ແອັບເປິ້ນເປີດໂຕ iphone8 ແລະ iphone8 plus ມີຫຍັງທີ່ໃຫມ່ແນ່?

 

 

ແອັບເປີ້ນເປີດໂຕ iphone8  ແລະ iphone8 plus ອັບເກດສະເປັກໃຫມ່ ປັບປຸງກ້ອງ ຝາຫລັງແວ່ນ ກອບອະລູມິນຽມ ສີສັນໂຕເຄື່ອງໃຫມ່ gold finish ແລະ ຮັບຮອງການຊາກໄຮ້ສາຍ

ເມື່ອວັນທີ 12ກັນຍາ 2560 ແອັບເປິ້ນເປີດໂຕ iphone8 ແລະ iphone8 plus ວະມາດໂຟນລຸ້ນໃຫມ່ລ່າສຸດປະຈຳປີ 2017 ຂອງແອັບເປິ້ນ ໂດຍງານຈັດຂື້ນທີ່ຫໍປະຊຸມ Steve jobs theater ທີ່ apple park ສຳນັກງານໃຫມ່ຂອງແອັບເປິ້ນໃນຄາລິຟໍເນຍ ພ້ອມເຊີນນັກຂ່າວມາຮ່ວມງານຍ່າງຫລວງຫລາຍ ພາຍໃນງານແອັບເປິ້ນໄດ້ເປີດໂຕສິນຄ້າໃຫມ່ອີກຫລາກຫລາຍຍ່າງຂື້ນເຊັ່ນ: apple watch series 3ລຸ້ນໃຫມ່, apple TV 4K ແລະ  iphone X ເປັນຕົ້ນ

ສຳລັບ iphone8 ແລະ iphone8 plus ເອິ້ນໄດ້ວ່າເປັນລຸ້ນທີ່ອັບເກດ ແລະ ປັບປຸງມາຈາກ iphone7 ແລະ iphone7 plus ໂດຍໃນປີນີ້ເປັນປີທຳອິດທີ່ແອັບເປິ້ນບໍ່ໄດ້ອອກ iphone ລຸ້ນເອັສ ອອກມາວາງຈຳຫນ່າຍ ແຕ່ແທນທີ່ດ້ວຍເລກລຸ້ນໃຫມ່ແທນ ມາເບິ່ງກັນວ່າມີຫຍັງມາໃຫມ່ແນ່

 

 

  • ດີຊາຍ ແລະ ຫນ້າຈໍ

ດີຊາຍໂຕເຄື່ອງຂອງ iphone8 ແລະ iphone8 plus ບໍ່ຕ່າງຈາກ iphone7 ຍັງຄົງໃຊ້ຫນ້າຈໍຂະຫນາດ 4.7ນິ້ງ ແລະ 5.5ນິ້ວ ແຕ່ປ່ຽນຫນ້າຈໍໃຫມ່ Retina HD ພ້ອມກັບສະແດງຜົນແບບ True Tone ຄືກັບທີ່ໃຊ້ຢູ່ເທິງ iPad Pro ສ່ວນບໍດີ້ຍັງຄົງເປັນອາລູມີນຽມເກດດີກັບຍານອາວະກາດ ຝາຫລັງໃຊ້ວັດສະດຸໃຫມ່ເປັນແກ້ວທີ່ແອັບເປິ້ນເຄຣມວ່າທົນທານທີ່ສຸດໃນຕະຫລາດສະມາດໂຟນຕອນນີ້ ສ່ວນຕົວເື່ງມີໃຫ້ເລືອກ 3ສີຄື: ສີເທົາສະເປເກ, ສີເງິນ ແລະ ສີທອງ

 

 

  • ກ້ອງປັບປຸງໃຫມ່

ກ້ອງຂອງ iphone8 ແລະ iphone8 plus ມີຄວາມລະອຽດ12ລ້ານພິກເຊວ ເທົ່າກັບ iphone7 ແລະ iphone7 plus ແຕ່ປັບປຸງໂດຍໃຊ້ເຊັນເຊີໃຫມ່ ກ້ອງຂອງ iphone8 ມີຄວາມລະອຽດ 12ລ້ານພິກເຊວ, ຮູຮັບແສງ f/1.8 ຮັບແສງໄດ້ຫລາຍຂື້ນອີກເຖິງ 50% ມີລະບົບປ້ອງກັນພາບສັ່ນໄຫວແບບອ໋ອບຄິຄອລ ຊູມດິຈິຕອລໄດ້ສູງສຸດ 5ເທົ່າ ສາມາດຖ່າຍວິດີໂອຄວາມລະອຽດສູງໄດ້ເຖິງລະດັບ 4ເຄ ແລະ ໃຊ້ແຟັດ True Toneແບບ LED ສີ່ດວງ

 

ກ້ອງຂອງ iphone8 plus ມາພ້ອມກ້ອງຄູ່ທີ່ມີຄວາມລະອຽດ 12ລ້ານພິກເຊວ ເທົ່າກັນທັງ2ຕົວ ລະບົບກ້ອງຄູ່ທີ່ແອັບເປິ້ນພັດທະນາເທັກໂນໂລຍີ ໄອພີເອັສ ຊ່ວຍໃນການປະມວນຜົນ ເຮັດໃຫ້ກ້ອງສາມາດຊູມແບບອ໋ອບຕິຄອລ ທີ່ຖ່າຍໄດ້ໃກ້ 2ເທົ່າ ແລະ ການຊູມແບບດິຈິຕອລໄດ້ໃກ້ເຖິງ 10ເທົ່າ ແລະ ຖ່າຍວິດີໂອໄດ້ໄກ້ເຖິງ 6ເທົ່າ ໂດຍບໍ່ສູນເສຍຄວາມລະອຽດ ໂຕເລນຈະແບ່ງອອກເປັນເລນ Wide ມີຮູຮັບແສງຂະຫນາດ f/1.8, ເລນ Tele ມີຮູຮັບແສງຂະຫນາດ f/2.8 ນອກຈາກນີ້ຍັງສາມາດຖ່າຍພາບຫນ້າຊັດຫລັງເບີແບບໃຫມ່ທີ່ເອິ້ນວ່າ Portrait Lighting ທີ່ສາມາດປັບໂທນແສງຂອງໃບຫນ້າໄດ້ໃນຂະນະຖ່າຍພາບໄດ້ ສ່ວນວິດີໂອຮອງຮັບການຖ່າຍສູງສຸດທີ່ 4K 60fps


ກ້ອງຫນ້າຂອງ iphone8 ແລະ iphone8 plus ຄວາມລະອຽດ 7ລ້ານພິກເຊວ ເທົ່າກັບ iphone7, ຮູຮັບແສງຂະຫນາດ f/2.2 ສາມາດບັນທຶກພາບດ້ວຍຂອບເຂດສີກວ້າງຂື້ນ ແລະ ສາມາດຖ່າຍເຊວຟີໄດ້ຄົມຊັດ ແລະ ສວຍງາມ ເຖິງແມ່ນວ່າຢູ່ໃນບ່ອນມືດມີ Retina Flash ຊ່ວຍຈັດແສງໃຫ້ພໍດີກັບສະພາບແສງໂດຍຮອບ

 

 

  • ສະເປັກແຮງກວ່າເກົ່າ

ແນ່ນອນວ່າ iphone ລຸ້ນໃຫມ່ທີ່ເປີດໂຕ ແອັບເປິ້ນຈະອັບເກດສະເປັກໃຫ້ແຮງຂື້ນກວ່າເກົ່າສະເຫມີ ສຳລັບ iphone8 ແລະ iphone8 plus ມາພ້ອມຊີພີຍູໂຕໃຫມ່ A11 Bionic ແບບ 6ແກນ ທີ່ມາພ້ອມຄອຣປະຫຍັດພະລັງງານ 4ຄອຣ ເຊິ່ງໄວກວ່າຊີພີຍູ A10 Fusion ເຖິງ 70% ແລະ ຄອຣປະມວນຜົນການເຮັດວຽກ 2ຄອຣ ທີ່ໄວຂື້ນ 25% ພ້ອມໂປເຊສເຊີຮ່ວມ M11 ສຳລັບປະມວນຜົນການເຄື່ອນໄຫວໃນໂຕ ສ່ວນຈີພີຍູໄວຂຶ້ນ 30% ແລະ ຮອງຮັບ Augmented Reality ແບບດຽວກັບ iPad Pro ເຮັດວຽກຮ່ວມກັບຊີພີຍູ ຈີພີຍູ ທີ່ຖືກອອກແບບມາເປັນຍ່າງດີ

 

  • ລະບົບສຽງລຳໂພງສະເຕີລິໂອ

ລຳໂພງສະເຕີລິໂອ ຖືກປັບປຸງໃຫມ່ມາຈາກ iphone7 ທັງເທິງ ແລະ ລຸ່ມ ດັງຂື້ນ 25% ເຮັດໃຫ້ການຖ່າຍທອດສຽງເບສໄດ້ເລິກກວ່າເກົ່າ ຊ່ວຍໃ່ຫ້ເພີດເພີນໄປກັບການຟັງເພງ, ເບິ່ງວິດີໂອ ຫລືລົມໂທລະສັບຜ່ານສະປິກເກີໂຟນໃນແບບທີ່ຊັດເຈນກວ່າເກົ່າ

 

 

  • ກັນນໍ້າ, ກັນຝຸ່ນຄືເກົ່າ

ສຳລັບ iphone8 ແລະ iphone8 plus ຍັງຄົງມີຄຸນສົມບັດການກັນນໍ້າກັນຝຸ່ນ ສາມາດກັນນໍ້າກັນຝຸ່ນໄດ້ຕາມມາດຕະຖານ IP67ສາມາດກັນຝຸ່ນໄດ້ 100% ແລະ ກັນນໍ້າທີ່ເລິກສຸດ 1ແມັດ ດົນເຖິງ 30ນາທີ

 

 

  • ລະບົບຊາກໄຮ້ສາຍ

ສິ່ງທີ່ຫລາຍຄົນລໍຄອຍໃນທີ່ສຸດກໍ່ມາ iphone8 ແລະ iphone8 plus ມາພ້ອມລະບົບຊາກແບັດເຕີລີໄຮ້ສາຍ ສາມາດຊາກກັບແທ່ນຊາກ ແລະ ແຜ່ານຮອງສາກ ໂດຍແອັບເປິ້ນເອິ້ນວ່າ Air power ສາມາດຊາກ iphone, Apple wacht ແລະ Airpod ໄດ້

 

  • ຄວາມຈຸເລີ່ມຕົ້ນທີ່ 64ກິກ

iphone8 ແລະ iphone8 plus ມາພ້ອມຄວາມຈຸເລິ່ມຕົ້ນຂະຫຍາດໃຫມ່ອີກຄັ້ງ ໂດຍເລີ່ມຕົ້ມທີ່ຂະຫນາດ 64GB ຕາມດ້ວຍ 256GB ສ່ວນຄວາມຈຸ 32GB 128GB ບໍ່ມີອີກຕໍ່ໄປ

 

  • ມື້ວາງຂາຍ ແລະ ລາຄາ

#iphone8 ເລີ່ມຕົ້ນທີ່ 699$ ຫລືປະມານ 23,000ບາດ

# iphone8 plus ເລີ່ມຕົ້ນທີ່ 799$ ຫລືປະມານ 26,500ບາດ

 

ທັງນີ້ iphone8 ແລະ iphone8 plus ຈະເລີ່ມເປີດໃຫ້ສັ່ງຈອງລ່ວງຫນ້າວັນທີ 15ກັນຍາ ແລະ ຈະວາງຂາຍແທ້ 28ປະເທດທຳອິດ (ບໍ່ມີໄທ) ວັນທີ 22ກັນຍາ 2560

 

 

ຂໍ້ມູນຈາກ: ກະປຸກຂ່າວ

 

ຄວາມຄິດເຫັນຂອງຜູ້ອ່ານ (0)