GMT+7 24/09/2017 18:58

ໄຊຍະບູລີ ສືບຕໍ່ສ້າງຄອບຄົວ-ບ້ານສາມັກຄີປອງດອງ ໃຫ້ສຳເລັດ 2020

 

 

ຂປລ.ໃນໂອກາດ ເຂົ້າຮ່ວມກອງປະຊຸມສາມັນ ຄົບຄະນະກຳມະການແນວລາວສ້າງຊາດ ແຂວງ ຄັ້ງທີ 3 ສະໄໝທີ V ໃນຕົ້ນເດືອນກັນຍານີ້ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ໄດ້ໃຫ້ກຽດໂອ້ລົມ ແລະ ເນັ້ນໜັກບາງດ້ານ ​ໃຫ້ກຳມະການແນວລາວສ້າງຊາດ ແຂວງໄຊຍະບູລີ ຕ້ອງຕັ້ງໜ້າປະກອບສ່ວນ ໃນການຈັດຕັ້ງປະຕິບັດ ຂະບວນການສ້າງຄອບຄົວ ແລະ ບ້ານ​ເຕົ້າ​ໂຮມສາມັກຄີປອງດອງ ໃຫ້ກວ້າງຂວາງທົ່ວເຖິງ ທັງຮັບປະກັນທາງດ້ານຄຸນນະພາບ ​ແລະ ​ໃຫ້​ສຳ​ເລັດ ​ພາຍ​ໃນ​ປີ 2020. ທັງ​ນີ້, ໃນ​ຊຸມ​ປີຜ່ານມາວຽກງານ​ດັ່ງກ່າວ ໄດ້ຖືກຈັດຕັ້ງປະຕິບັດ​ 282 ບ້ານ ​ແລະ ໄດ້ດຳເນີນກວດກາປະເມີນຜົນແລ້ວ 264 ບ້ານ. ​ໃນ​ນັ້ນ,  ສາມາດສ້າງໄດ້ບ້ານເຕົ້າໂຮມຄວາມສາມັກຄີປອງດອງ ມີ 189 ບ້ານ, ສ້າງຄອບຄົວຕົວແບບ ໃນການເຕົ້າໂຮມສາມັກຄີປອງດອງໄດ້ 35.351 ຄອບຄົວ.

 

ເພື່ອຮັບປະກັນການສ້າງຄອບຄົວ ແລະ ບ້ານສາມັກຄີປອງດອງໃຫ້ສຳເລັດໃນປີ 2020 ອົງການແນວລາວສ້າງຊາດ ແຕ່ລະຂັ້ນ ຕ້ອງໄດ້ສຶກສາອົບຮົມການເມືອງແນວຄິດ ໃຫ້ຊັ້ນຄົນຕ່າງໆ ​ໃຫ້ມີຄວາມເຊື່ອໝັ້ນ ຕໍ່ການນຳພາ ຂອງພັກ, ຍົກສູງນໍ້າໃຈຮັກຊາດເປັນເຈົ້າຕົນເອງ ​ແລະ ສ້າງຄວາມເຂັ້ມແຂງດ້ວຍຕົນເອງ ຂອງປະຊາຊົນບັນດາເຜົ່າໃຫ້ສູງຂຶ້ນ ທັງມີສະຕິຕອບຕ້ານຕໍ່ກົນອຸບາຍຫັນປ່ຽນ ໂດຍສັນຕິຂອງສັດຕູ ​ແລະ ເປັນເຈົ້າການ ເຂົ້າຮ່ວມໄກ່ເກ່ຍ ແກ້ໄຂບັນດາປະກົດການຫຍໍ້ທໍ້່ຕ່າງໆ ​ໃຫ້​ມີ​ຜົນ. ​ສິ່ງ​ສຳຄັນຕ້ອງຕັ້ງໜ້າເຕົ້າ ໂຮມຄວາມສາມັກ ຄີປອງດອງປະຊາຊົນບັນດາເຜົ່າຊັ້ນຄົນ, ສາສະໜາເພດ-ໄວ ແລະ ພີ່ນ້ອງເຊື້ອຊາດລາວ ທີ່ມີນໍ້າໃຈຮັກຊາດ ພ້ອມກັນປົກປັກຮັກສາ ແລະ ພັດທະນາປະເທດ ໃຫ້ຫລຸດພົ້ນອອກຈາກ ສະຖານະພາບດ້ອຍພັດທະນາ​ ໃນ​ປີ 2020. ພ້ອມ​ນັ້ນ, ປຸກລະດົມມະຫາຊົນເຂົ້າຮ່ວມຂະບວນການຮັກຊາດ ແລະ ພັດທະນາວຽກງານ 3 ສ້າງ ເປັນຕົ້ນແມ່ນການສ້າງບ້ານ ສາມັກຄີປອງດອງ-ປຸກລະດົມສ້າງກອງທຶນພັດທະນາຂັ້ນບ້ານ ໃຫ້ຂະຫຍາຍຕົວຢ່າງກວ້າງຂວາງ. ທ່ານ ພົງສະຫວັນ ສິດທະວົງ ຍັງ​ໄດ້​ຮຽກຮ້ອງສືບຕໍ່ປັບປຸງ ແລະ ຜັນຂະຫຍາຍການສ້າງກ້ອນ ກຳລັງມະຫາສາມັກຄີ ໃຫ້ສຳເລັດທຸກ ບ້ານຮອດປີ 2020. ຕັ້ງໜ້າປຸກລະດົມກຳລັງແຮງທົ່ວປວງຊົນລາວບັນດາເຜົ່າ ປະກອບສ່ວນຢ່າງຕັ້ງໜ້າ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງແຂວງ ໃຫ້ບັນລຸຜົນສຳ ເລັດຕາມຄາດໝາຍ ກໍຄື ວຽກງານຂອງແນວລາວສ້າງຊາດແຂວງ ໃຫ້ມີການຫັນປ່ຽນທີ່ຕັ້ງໜ້ານັບມື້ນັບດີຂຶ້ນ.      

 

 

ແຫຼ່ງຂ່າວ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)