GMT+7 24/09/2017 19:02

ບ້ານມະຫາເສດຖີ “ຣິຊາດ ແບນສັນ” ເຫລືອແຕ່ຊາກຫັກພັງ ຫລັງພາຍຸ”ເອີມາ”ຖະຫລົ່ມ

 

 

ຣິຊາດແບນສັນ ມະຫາເສດຖີຊາວອັງກິດ ເຈົ້າຂອງທຸລະກິດພາຍໃຕ້ຊື່ເວີຈີ້ນ ໂພສພາບບ້ານພັກຕົນເອງເຫລືອແຕ່ຊາກຫັກພັງ ເນື່ອງຈາກເຮີລິເຄນເອີມາຖະຫລົ່ມ ເມື່ອຊ່ວງທ້າຍອາທິດທີ່ຜ່ານມາ

 

ມະຫາເສດຖີຜູ້ດີອັງກິດ ຣິຊາດ ແບນສັນ ເຈົ້າຂອງທຸລະກິດເວີຈີ້ນ ກຣຸບ ໂພສພາບ ແລະ ຄິບຜ່ານອິນສະຕາແກມສ່ວນຕົວ ລະບຸຄວາມເສຍຫາຍຂອງບ້ານພັກສ່ວນຕົວຂອງເຂົາເທິງເກາະບຣິຕິດ ເວີຈິ້ນ ທີ່ເກີດຈາກເຮີລິເຄນເອີມາພັດ ເຂົ້າຖະຫລົ່ມເມື່ອຊ່ວງທ້າຍອາທິດທີ່ຜ່ານມາ ເຊິ່ງເຂົາເຂົ້າໄປຢູ່ໃນຫ້ອງເກັບວາຍຊັ້ນໃຕ້ດິນພາຍໃນບ້ານພັກ ຈື່ງປອດໄພ

 

ຈາກພາບ ແລະ ຄິບ ສະແດງໃຫ້ເຫັນຄວາມເສຍຫາຍທັງຕົ້ນໄມ້ລົ້ມແບບຖອນຮາກຖອນໂຄນ ສິ່ງຂອງຖືກພັດໄປມາຫັກພັງ ຊາກຫັກພັງຂອງສິ່ງກໍ່ສ້າງຍ່າງຫລາຍ ໂດຍຂໍ້ຄວາມມີໃຈຄວາມກ່ຽວກັບການຮ່ວມບໍລິຈາກຜ່ານມູນນິທິ ເວີຈີ້ນເພື່ອລະດົມທຶນຊ່ວຍເຫລືອຜູ້ທີ່ໄດ້ຮັບຜົນກະທົບ ແລະ ໄດ້ຮັບຄວາມເສຍຫາຍຈາກພາຍຸເຮີລິເຄນເອີມາ ລວມເຖິງຟື້ນຟູບໍລິເວນທີ່ໄດ້ຮັບຄວາມເສຍຫາຍຈາກພາຍຸດັ່ງກ່າວໃນໄລຍະຍາວ

 

ຕາມລາຍງານຍັງລະບຸອີກວ່າ: ບ້ານພັກຂອງເຂົາເທິງເກາະນີ້ຍັງເຄີຍຖືກຟ້າຜ່າເມື່ອ 6ປີທີ່ແລ້ວ ຈົນເຮັດໃຫ້ບ້ານມູນຄ່າຫລາຍກວ່າ 29,000ລ້ານບາດຖືກໄຟໄຫມ້ເສຍຫາຍ

 

 

 

 

 

 

ຂໍ້ມູນຈາກ: ສະຫນຸກຂ່າວ

 

ຄວາມຄິດເຫັນຂອງຜູ້ອ່ານ (0)