GMT+7 20/11/2017 04:43

ເມືອງນາກາຍເຊັນບົດບັນທຶກຂະຫຍາຍກອງທຶນປະກັນສຸຂະພາບ

 

 

ຂປລ. ວັນທີ  7-8 ກັນ 2017 ຜ່ານມານີ້ ຫ້ອງການສາທາລະນະສຸກ ເມືອງນາກາຍ  ແຂວງຄຳມ່ວນ ​ໄດ້​ຮ່ວມ​ເຊັນບົດບັນທຶກຊ່ວຍຈຳ ຂອງກອງທຶນປະກັນ ສຸຂະພາບແຫ່ງຊາດ  ໂດຍການເຂົ້າຮ່ວມມີທ່ານ ຄຳຫມັ້ນ ອິນທະວົງ ປະທານກວດກາ ພັກ-ລັດເມືອງ , ທ່ານ ນາງ ດຣ. ບົວພັດ ພົນວິໄຊ ຮອງຫົວໜ້າຫ້ອງການກອງທຶນ ປະກັນສຸຂະພາບສູນກາງ, ທ່ານ ດຣ. ວຽງຄໍາແກ້ວທອງດີ  ຫົວໜ້າຫ້ອງການ ສາທາລະນະສຸກເມືອງນາກາຍ.

 

ອີງ​ຕາມກອງປະຊຸມບັນດາ ຄະນະກຳມະການຮັບຜິດ ຊອບວຽກງານກອງທຶນ ປະກັນສຸຂະພາບຂັ້ນສູນກາງ ຮ່ວມກັບຂັ້ນເມືອງ ໄດ້ຄົ້ນຄວ້າບັນດາ ເນື້ອໃນນິຕິກຳຕ່າງໆ, ແບບແຜນວິທີ ເຮັດວຽກຮູບແບບ ການບໍລິການປະຊາຊົນ ຕໍ່ການຮັກສາຜູ້ປ່ວຍ ຢູ່ສຸກສາລາ ແລະ ຢູ່ໂຮງໝໍເມືອງ,  ເກັບກຳຈຳນວນ ພົນລະເມືອງຕົວຈິງໃຫ້ຈະແຈ້ງ ເພື່ອເປັນເງື່ອນໄຂຄວາມສະດວກ ໃນການບໍລິການປິ່ນປົວ  ຈາກນັ້ນຄະນະຜູ້ຮັບຜິດຊອບ ກອງທຶນຂັ້ນເມືອງສົມທົບກັບ ອົງການຈັດຕັ້ງແຕ່ລະຂະແໜງການຂອງເມືອງ ຈະຕ້ອງໄດ້ຮ່ວມກັນ ລົງຊຸກຍູ້ເຜີຍແຜ່ບັນດາ ເນື້ອໃນນິຕິກຳຕ່າງໆ ລົງສູ່ຮາກຖານບ້ານ ເພື່ອໃຫ້ປະຊາຊົນ ຮັບຮູ້ເຂົ້າໃຈ ຕໍ່ແນວແນວທາງຂອງ ພັກ-ລັດ ກ່ຽວກັບການຄຸ້ມຄອງ, ການເຄື່ອນໄຫວຂອງກອງທຶນ ໃຫ້ຖືກຕ້ອງຕາມ ຂໍ້ກຳນົດກົດລະບຽບຕ່າງໆ ແລະ ແຈ້ງການຂອງເມືອງວາງອອກ  ໂດຍພາຍໃຕ້ການຊີ້ນຳຂອງຂັ້ນເທິງ ກໍ່ຄືຄະນະກຳມະການຄຸ້ມຄອງ ກອງທຶນປະກັນສຸຂະພາບຂັ້ນເມືອງ ເພື່ອແນໃສ່ ເຮັດໃຫ້ການບໍລິການທາງ ດ້ານກອງທຶນມີຄວາມສະດວກ ມືປະສິດທິຜົນຍາວນານ.

 

 

ແຫຼ່ງຂ່າວ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)