GMT+7 20/11/2017 04:43

ສສຊ ເຂດເລືອກຕັ້ງທີ 13 ສືບຕໍ່ເຜີຍແຜ່ຜົນສໍາເລັດ ກອງປະຊຸມສະໄໝສາມັນ

 

 

ຂປລ. ວັນທີ 7-8 ກັນຍາ2017 ນີ້, ຄະນະສະມາຊິກສະພາແຫ່ງຊາດ (ສສຊ) ຊຸດທີ VIII ປະຈຳເຂດເລືອກຕັ້ງທີ 13 ແຂວງສະຫວັນນະເຂດ ໄດ້ສືບ​ຕໍ່​ລົງເຄື່ອນໄຫວຢ້ຽມຢາມ​ ​ແລະ ເຜີຍ​ແຜ່​ຜົນ​ສໍາ​ເລັດ ກອງ​ປະຊຸມ​ສະ​ໄໝ​ສາມັນ​ ເທື່ອ​ທີ 3 ຂອງ ສະພາແຫ່ງຊາດ ຊຸດທີ VIII ພາຍໃນເທດສະບານ ເມືອງໄຊພູທອງ ແຂວງສະຫວັນນເຂດ.


ການ​ລົງ​ເຜີຍ​ແຜ່​ຄັ້ງ​ນີ້ ​ໄດ້​ກວມ​ເອົາ 3 ບ້ານ ຄື: ນໍາພຸ ,ນາຄໍາ ແລະ ທ່າໂພ  ​ເພື່ອ​ເຮັດ​ໃຫ້​ບັນດາ​ພໍ່​ແມ່​ປະຊາຊົນ ​ແລະ ພະນັກງາ​ນ​ໄດ້​ຮັບ​ຮູ້, ​ເຂົ້າ​ໃຈ ​ແລະ ກຳ​ໄດ້​ເນື້ອ​ໃນ​ຈິດ​ໃຈ ຂອງ​ກອງ​ປະຊຸມ ​ແລະ ບັນດາ​ບັນຫາ​ຕ່າງໆ ທີ່​ກອງ​ປະຊຸມ​ໄດ້​ຮັບຮອງ​​ເອົາ​ເປັນຕົ້ນ: ລັດຖະທຳມະນູນ, ກົດໝາຍ, ແຜນພັດທະນາ ເສດຖະກິດ-ສັງຄົມ, ແລະ ບັນຫາຕ່າງໆ.

 

ຜູ້ເຂົ້າຮ່ວມຍັງໄດ້ຮັບຟັງ ການລາຍງານກ່ຽວກັບວຽກງານຂອງ ອົງການລັດຖະບານ, ອົງການກວດສອບແຫ່ງລັດ, ວຽກງານຂອງສະພາແຫ່ງຊາດ ແລະ ແຜນພັດທະນາ ເສດຖະກິດ-ສັງຄົມ, ສິດ, ໜ້າທີ່, ພາລະບົດບາດຂອງ ສະພາແຫ່ງຊາດ ແລະ ສະພາປະຊາຊົນແຂວງ ວ່າດ້ວຍການຮັບຮອງເອົາບົດລາຍງານ ການຈັດຕັ້ງປະຕິບັດ ແຜນບພັດທະນາ ເສດຖະກິດ-ສັງຄົມ ຂອງແຂວງປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2017, ສະພາບຄຸ້ມຄອງ ແລະ ກວດກາຊາຍແດນ ພາກຕາເວັນອອກ-ຕາເວັນຕົກ ຂອງແຂວງໃນໄລຍະຜ່ານມາ, ການຈັດຕັ້ງປະຕິບັດ ຄໍາສັ່ງເລກທີ15/ນຍ,ລົງວັນທີ 13 ພຶດສະພາ 2016  ວ່າດ້ວຍການເພີ່ມທະວີ ຄວາມເຂັ້ມງວດໃນການຄຸ້ມຄອງ ແລະ ກວດກາຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ 6 ເດືອນຕົ້ນປີ ແລະ ທິດທາງ 6 ເດືອນທ້າຍ ປີ2017 ​ແລະ ອື່ນໆ.

 

 

ແຫຼ່ງຂ່າວ: ສຳນັຂ່າວສານປະເທດ ລາວ

ຄວາມຄິດເຫັນຂອງຜູ້ອ່ານ (0)