GMT+7 24/09/2017 18:57

ເມືອງລະມາມ ຂຶ້ນສຳມະໂນຄົວສຳເລັດແລ້ວ 7 ພັນກວ່າຄອບຄົວ

 

 

ຂປລ. ວັນທີ 8 ກັນຍາ 2017 ນີ້, ເມືອງລະມາມ ແຂວງເຊກອງ ໄດ້ຈັດກອງປະຊຸມ ຄົ້ນຄວ້າປຶກສາຫາລື ກ່ຽວກັບວຽກງານ ຄຸ້ມຄອງສຳມະໂນຄົວ ແລະ ຮ້ານກິນດື່ມ-ບັນເທີງ ຂຶ້ນໂດຍການເຂົ້າຮ່ວມ ຂອງທ່ານ ນາງ ຄຳເສັງ ທຸມມະວົງສາ ຮອງເຈົ້າເມືອງໆລະມາມ, ທ່ານ ພັທ ສົມສັກ ຂັດຕິຍະວົງ ຮອງຫົວໜ້າກອງບັນຊາການ ປກສ ແຂວງ ພ້ອມ​ພະນັກງານ​ອອ້ມຂ້າງ​ເຂົ້າ​ຮ່ວມ.

 

ທ່ານ ພັຕ ແກ້ວປະເສີດ ພອນເທວາ ຮອງຫົວໜ້າກອງບັນຊາການ ປກສ ເມືອງລະມາມ ໄດ້ລາຍ​ງານ​ວ່າ: ການຄຸ້ມຄອງສຳມະໂນຄົວ, ກໍ່ສ້າງຮາກຖານໃນ 6ເດືອນຕົ້ນປີ ແລະ ວາງທິດທາງ ແຜນການ 6 ເດືອນທ້າຍປີ 2017​ເຫັນ​ວ່າເມືອງລະມາມ ແມ່ນເປັນເມືອງເທສະບານ ຂອງແຂວງເຊກອງ ເປັນສູນກາງທາງດ້ານການເມືອງ, ເສກຖະກິດ ແລະ ວັດທະນະທຳ-ສັງຄົມ ປະກອບມີ 43 ບ້ານ ມີ 5.750 ຫລັງຄາເຮືອນ ມີ 7.066 ຄອບຄົວ, ມີພົນລະເມືອງທັງໝົດ36.040 ຄົນ,ຍິງ 17.657 ຄົນ, ໃນນີ້ໄດ້ຂຶ້ນສຳມະໂນຄົວ ຖືກຕ້ອງແລ້ວ 5.750 ຫລັງຄາເຮືອນກັບ 7.065 ຄອບຄົວ, ມີ 36.037 ຄົນ,ຍິງ 17.656 ຄົນ ແລະ ອາຍຸ 15 ປີຂຶ້ນໄປມີ 22.831 ຄົນ,ຍິງ 10.991 ຄົນ.

 

ຂະນະທີ່ວຽກງານຄຸ້ມຄອງ ຮ້ານກິນດື່ມ-ບັນເທິງ ຜ່ານມາຂະແໜງການກ່ຽວຂ້ອງ ໄດ້ເອົາໃຈໃສ່ຕິດຕາມ, ກວດກາ ແລະ ເຜີຍແຜ່ລະບຽບການຕ່າງໆ ໃຫ້ຜູ້ປະກອບການ ຢ່າງເປັນປົກ ກະຕິຕໍ່ເນື່ອງ ໂດຍໃນ 6 ເດືອນຕົ້ນປີ 2017 ໄດ້ສຶກສາອົບຮົມກ່າວເຕືອນ ຜູ້ປະກອບການ ຮ້ານກິນດື່ມບັນເທິງ ທີ່ລະເມີດລະບຽບການ (ເປີດບໍລິການກາຍໂມງເວລາ) ທັງໝົດ 5 ຮ້ານລວມມີ 7 ຄັ້ງ ທັງນີ້ ແນໃສ່ໃຫ້ບັນດາ ຮ້ານກິນດື່ມບັນເທິງ ເອົາໃຈໃສ່ປະຕິບັດ ລະບຽບການຢ່າງເຂັ້ມງວດ ເພື່ອຫລີກລ້ຽງປະກົດການຫຍໍ້ທໍ້ຕ່າງໆ.

 

 

ແຫຼ່ງຂ່າວ:​ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)