GMT+7 24/09/2017 18:58

ລີກພາກເໜືອເກີດແລ້ວ! ຫຼວງນໍ້າທາ ລີກ ເປີດສາກຢ່າງເປັນທາງການ

 

 

 

ຖືວ່າເປັນອີກຊ່ອງທາງໜຶ່ງໃນການພັດທະນາວົງການບານເຕະລາວ ແລະ ເປັນພື້ນຖານໃຫ້ກັບລີກສູງສຸດໃນ ສປປ ລາວ ເມື່ອອີງຕາມການລາຍງານຂອງເຟສບຸກ ກິລາ-ຫຼວງນໍ້າທາ ລະບຸວ່າ: ການແຂ່ງຂັນບານເຕະ ຫຼວງນໍ້າທາ ລີກ ໄດ້ເປີດສາກຂຶ້ນຢ່າງເປັນທາງການແລ້ວ ໂດຍອາທິດທໍາອິດແຂ່ງຂັນວັນທີ 9-10 ກັນຍາ ທີ່ຜ່ານມາ.

 

ໂດຍມີທີມເຂົ້າຮ່ວມທັງໝົດ 14 ທີມ ມາຈາກແຂວງຫຼວງນໍ້າທາ ແລະ ອ້ອມຂ້າງແຂວງ ປະກອບມີ: ທີມອ້າຍນ້ອງ, ນິດສຸດາ, ໄທເກີ, ຮຸ່ງອາລຸນ, ປືນໃຫຍ່, ຍທຂ, ເອນິມໍ, 6 ພຶດສະພາ, ລ່າໂຄເວ, ໂຮງໝໍ, ມ້າຂາວ, ໃຈບໍ່, ລາວແຟນຄລັບ ແລະ ມາສເຕີ.

 

ເຊິ່ງຈະແຂ່ງຂັນແບບພົບກັນໝົດ ທັງຮອບຂາໄປ ແລະ ຮອບຂາກັບ ເໝືອນກັບບານເຕະລີກສູງສຸດຂອງ ສປປ ລາວ ໂດຍໄດ້ຮັບການສະໜັບສະໜູນຈາກ ບໍລິສັດຮຸ່ງອາລຸນ ການຄ້າ ຂາອອກ-ຂາເຂົ້າ ຈໍາກັດຜູ້ດຽວ ແລະ ຍທຂ.

 

 

 

 

 

 

ຂໍ້ມູນຈາກ: ລາວອັບເດດ

 

ຄວາມຄິດເຫັນຂອງຜູ້ອ່ານ (0)