GMT+7 20/11/2017 04:43

ຄູ​ຝຶກ​ຢູ 16 ຍິງ​ລາວ ພ້ອມ​ແລ້ວ​ເຂົ້າ​ຮອບ​ແຂ່ງ​ຂັນ​ຊີງ​ແຊັມອາຊີ ຮອບ​ສຸດ​ທ້າຍ

 

 

ນັກກິລາເຕະບານຍິງ ທີມຊາດລາວລຸ້ນ ອາຍຸບໍ່ເກີນ 16 ປີ ຫລື ຢູ 16 (U-16) ໄດ້ຝຶກຊ້ອມເພື່ອກຽມ ຄວາມພ້ອມເຂົ້າຮ່ວມການ ແຂ່ງຂັນເຕະບານຍິງ ຊີງແຊັມອາຊີຮຸ້ນ ອາຍຸ 16 ປີ ຮອບສຸດທ້າຍ ທີ່ປະເທດ ໄທ ເປັນເຈົ້າພາບຈະຈັດຂຶ້ນ ກາງເດືອນ ກັນຍານີ້. ທີມຊາດລາວ ຢູ່ກຸ່ມ ເອ ຮ່ວມກັບທີມຊາດ ໄທ, ສປ ຈີນ ແລະ ທີມຊາດ ສ ເກົາຫລີ, ຂະນະທີ່ຄູຝຶກພ້ອມແລ້ວ ຈະສູ້ຮ່ວມກັບນັກກິລາ ຂອງຕົນເອງເພື່ອ ໃຫ້ຢູ່ອັນດັບທີ່ດີ ຂອງກຸ່ມ.

 

ທ່ານ ວົງມີໄຊ ສຸບົວຄຳ ຫົວໜ້າຄູຝຶກທີມຊາດຍິງ ຮຸ້ນອາຍຸ 16 ປີ ໃຫ້ສໍາພາດວ່າ: ພາຍຫລັງທີ່ຝຶກຊ້ອມ ມາເປັນເວລາຫລາຍອາທິດ ມາຮອດປັດຈຸບັນພວກເຮົາ ມີຄວາມພ້ອມເຕັມທີ່ ທີ່ຈະເຂົ້າຮ່ວມການ ແຂ່ງຂັນເຕະບານຍິງ ຊີງແຊັມອາຊີ ຮຸ້ນອາຍຸ 16 ປີ ຮອບສຸດທ້າຍຈະຈັດຂຶ້ນ ໃນລະຫວ່າງວັນທີ 10-23 ກັນຍານີ້. ການແຂ່ງຂັນຄັ້ງນີ້ ທີມຊາດລາວເຮົາຖືກຈັດ ຢູ່ໃນກຸ່ມ ເອ ຖືວ່າເປັນກຸ່ມທີ່ມີ ຄວາມແຂງແກ່ນພໍສົມຄວນ ໂດຍສະເພາະທີມຊາດ ໄທ ເຊິ່ງພວກ ເຮົາຮູ້ກັນດີແລ້ວວ່າ ທີມຊາດໄທ ເປັນ ທີມທີ່ມີນັກກິລາ ເກັ່ງຫລາຍຄົນແລະລະບົບການຫລິ້ນຂອງ ພວກເຂົາກໍຖືວ່າຈັດ ຢູ່ໃນອັນດັບຕົ້ນຂອງ ວົງການກິລາເຕະບານ ອາຊຽນກໍວ່າໄດ້. ແນວໃດກໍຕາມພວກເຮົາ ພ້ອມແລ້ວທີ່ ຈະສູ້ເຕັມທີ່ກັບທຸກໆທີມ ທີ່ເຂົ້າຮອບຄັດເລືອກ ຄັ້ງນີ້ເພື່ອໃຫ້ຜ່ານ ເຂົ້າຮອບຕໍ່ໄປ.

 

ສໍາລັບຕາຕະລາງການແຂ່ງຂັນ ຂອງທີມຊາດຍິງ ຈະໄດ້ລົງສະໜາມ ແຂ່ງຂັນ 3 ຄັ້ງຄື: ວັນທີ 10 ກັນຍາ ເວລາ19:00 ໂມງ ພົບກັບ ທີມ ຊາດໄທ, ຄັ້ງທີ 2 ລົງສະໜາມ ວັນທີ 13 ກັນຍາ ເວລາ 17:00 ໂມງ ພົບ ກັບ ທີມຊາດ ສປ ຈີນ, ຄັ້ງທີ 3 ລົງສະໜາມ ວັນທີ 16 ກັນຍາ ເວລ 18:00 ໂມງ ພົບກັບ ທີມຊາດ ສເກົາຫລີ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)