GMT+7 24/09/2017 19:06

ບໍ່ແກ້ວ ຮື້ຖອນໂຮງງານປຸງແຕ່ງໄມ້ ບໍ່ມີໃບອະນຸຍາດດຳເນີນທຸລະກິດ

 

 

ຂປລ. ​ເມື່ອ​ມໍ່ໆ​ມາ​ນີ້, ໜ່ວຍສະເພາະກິດແຂວງບໍ່ແກ້ວ ປະ​ກອມ​ດ້ວຍພະແນກອຸສາຫະກໍາ ແລະ ການຄ້າ, ເຈົ້າໜ້າທີ່ທະຫານ, ຕະຫລວດ, ຄະນະກວດກາພັກ-ລັດ, ອົງການໄອຍະການປະຊາຊົນ ແລະ ເຈົ້າໜ້າທີ່ປ່າໄມ້ ເຄື່ອນໄຫວ ຢຶດອຸປະກອນ ​ແລະ ຮື້ຖອນໂຮງງານປຸງແຕ່ງໄມ້ ແລະ ໂຮງງານເຟີນິເຈີເລື່ອນລອຍ ທີ່ບໍ່ມີເອກະສານອານຸຍາດ ດຳເນີນທຸລະກິດ ຢູ່ໃນແຂວງບໍ່ແກ້ວ.


ຜ່ານການເຄືອນໄຫວຕົວຈິງ ສາມາດຢຸບເລີກ ແລະ ຮື້ຖອນໄດ້ 15 ຫົວໜ່ວຍ, ຢຶດອຸປະກອນ ເຄື່ອງຈັກ 11 ໜ່ວຍ, ແກນເຄືອງຈັກ 10 ອັນ, ໃບເລື່ອຍວົງເດືອນ 8 ໃບ, ໃບເລື່ອຍຊອຍໄມ້ໃຫຍ່ 1 ໃບ ແລະ ອຸປະກອນ ເຮັດເຟີນິເຈີໄມ້ແປຮູບຈຳນວນໜຶ່ງ ​ເຊິ່ງອຸປະກອນທີ່ຢຶດ​ໄດ້​ໃນຄັ້ງນີ້ ແມ່ນຈະ​ເອົາໄວ້ເປັນຂອງກາງ, ພ້ອມທັງເຮັດບົດບັນທຶກ ສຶກສາອົບຮົມກ່າວເຕືອນ ​ແລະ ຫ້າມບໍ່ໃຫ້ເຄື່ອນໄຫວ ວຽກ​ງານດັ່ງກ່າວ ຢ່າງເດັດຂາດ, ຖ້າຫາກບຸກຄົນໃດ ເຄື່ອນໄຫວຈະໄດ້ປະຕິບັດ ຕາມກົດລະບຽບກົດ ໝາຍທີໄດ້ວ່າງໄວ້.

 

 

ແຫຼ່ງຂ່າວ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)