GMT+7 24/10/2017 05:18

ເປີດປື້ມບັນທຶກໂຮມຜົນງານຂອງນັກຈິດຕະກອນ ອາຈານ ອານຸໂລມ ສຸວັນດວນ

 

ງານຖະແຫຼງຂ່າວເປີດ ປື້ມບັນທຶກໂຮມຜົນງານການ ຂຽນ ແລະ ອອກແບບແຕ້ມ ຂອງອາຈານ ອານຸໂລມ ສຸວັນ ດວນ ໄດ້ຈັດຂຶ້ນວັນທີ 8 ສິງຫາ ຜ່ານມານີ້ ທີ່ສູນການຄ້າວຽງ ຈັນເຊັນເຕີ ໂດຍໃຫ້ກຽດເຂົ້າ ຮ່ວມຂອງ ທ່ານ ບົວເງິນ ຊາພູວົງ ຮອງລັດ ຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ພ້ອມດ້ວຍແຂກຖືກເຊີນເຂົ້າ ຮ່ວມ.

 

 ປ້ືມບັນທຶກດັ່ງກ່າວ ປະ ກອບມີ 272 ໜ້າ ປະກອບມີ ຜົນງານການຂີດຂຽນ ຮູບແຕ້ມ ເປັນຕົ້ນຜົນງານແຕ້ມເງິນ ຮູບ ແຕ້ມສະແຕມຊຸດທຳອິດຂອງ ສປປ ລາວ ແລະ ປະສົບການ ທີ່ຫຼາກຫຼາຍຮີບໂຮມຜົນງານ ຮູບແຕ້ມສີນ້ຳ, ສີນ້ຳມັນຕະ ຫຼອດໄລຍະ 50 ປີ ຜ່ານມາ, ອາຈານ ອານຸໂລມ ສຸວັນດວນ ໄດ້ກ່າວວ່າ: ຕົນເອງມີຄວາມ ຕັ້ງໃຈມາແຕ່ດົນເພື່ອຮີບໂຮມ ຜົນງານການອອກແບບ ການ ແຕ້ມ ຊຶ່ງມີຫຼາຍຜົນງານທີ່ມີ ຄຸນຄ່າທາງດ້ານປະຫວັດສາດ ທີ່ຄວນຮັກສາໄວ້ ແລະ ກໍເພື່ອ ຕ້ອງການຢາກມອບບົດຮຽນ ແລະ ປະສົບການໃຫ້ແກ່ຮຸ່ນນ້ອງ ຮຸ່ນລູກ ຮຸ່ນຫຼານ ທີ່ມີຄວາມສະ ຫງວນມັກໃນຂະແໜງດັ່ງກ່າວ ໄດ້ຄັດເລືອກເອົາສິ່ງດີໆໄປ ເປັນບົດຮຽນໃນການປະກອບ ອາຊີບ. ໃນບົດຄຳເຫັນທ່ານ ບົວເງິນ ຊາພູວົງ ໄດ້ຂຽນໄວ້ໃນປື້ມຫົວ ນີ້ວ່າ: ປື້ມຫົວນີ້ຈະເປັນເອກະ ສານຄູ່ມື ແລະ ເພື່ອຮ່ວມທາງ ຂອງລູກຫຼານຫຼາຍຄົນທີ່ມີຄວາມ ສົນໃຈໃນປະຫວັດສາດ ແລະ ບາດກ້າວເດີນຂອງປະເທດຊາດ ແລະ ກໍເປັນແມ່ບົດທີ່ດີໃຫ້ແກ່ ຈິດຕະກອນລາວໂດຍທົ່ວໜ້າ.

 

ແຫຼ່ງຂ່າວ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)