GMT+7 23/08/2017 08:24

ທ່ານ ຈະເລີນ ເຢຍປາວເຮີ ຊີ້ນຳການຈັດຕັ້ງປະຕິບັດນິຕິກຳລຸ່ມກົດໝາຍຢູ່ແຂວງວຽງຈັນ

 

 

 ວັນທີ 9 ສິງຫານີ້ ທ່ານ ຈະເລີນ ເຢຍປາວເຮີ ລັດຖະ ມົນຕີປະຈຳສຳນັກງານນາຍົກ ລັດຖະມົນຕີໂຄສົກລັດຖະ ບານໄດ້ຊີ້ນຳການຈັດຕັ້ງປະຕິ ບັດນິຕິກຳລຸ່ມກົດໝາຍຂອງ ລັດຖະບານຢູ່ແຂວງວຽງຈັນ ໂດຍມີທ່ານ ວິນັດ ສີສຸວົງ ປະທານກວດກາພັກ- ຫົວໜ້າ ພະແນກກວດກາລັດແຂວງ ວຽງຈັນ ແລະ ບັນດາຫົວໜ້າ ຮອງພະແນກການ, ບັນດາຮອງ ເຈົ້າເມືອງເຂົ້າຮ່ວມ. ທ່ານ ຈະເລີນ ເຢຍປາວເຮີ ກ່າວວ່າ: ຈຸດປະສົງຕົ້ນຕໍຂອງ ການມາເຮັດວຽກໃນແຂວງ ວຽງຈັນຄັ້ງນີ້ ເພື່ອເຜີຍແຜ່ຂໍ້ ຕົກລົງເລກທີ 32/ນຍ ວ່າດ້ວຍ ການແຕ່ງຕັ້ງຄະນະຕິດຕາມ ກວດກາ ແລະ ຊຸກຍູ້ການຈັດ ຕັ້ງປະຕິບັດບັນດາມະຕິ, ດຳລັດ, ຂໍ້ຕົກລົງ ຂອງລັດຖະບານ ແລະ ຄຳເຫັນຊີ້ນຳຂອງນາຍົກ ລັດຖະມົນຕີ ແລະ ຄຳແນະນຳ ເລກທີ 01/ສນຍ ກ່ຽວກັບການຈັດຕັ້ງປະຕິບັດຂໍ້ຕົກລົງຂອງນາຍົກລັດຖະມົນຕີສະບັບເລກ ທີ 32/ນຍ, ລົງວັນທີ 2 ເມສາ 2017.

 

 ທ່ານກ່າວຕໍ່ອີກວ່າ: ນິຕິ ກຳລຸ່ມກົດໝາຍຂອງລັດຖະ ບານເຊິ່ງປະກອບດ້ວຍມະຕິ ກອງປະຊຸມລັດຖະບານ, ດຳ ລັດ, ຂໍ້ຕົກລົງ, ຄຳສັ່ງ ແລະ ແຈ້ງການ ແມ່ນເຄື່ອງມືທີ່ສັກ ສິດຂອງລັດຖະບານ ເພື່ອບໍລິ ຫານປະເທດຊາດ, ແຂວງ, ເມືອງ ແລະ ບ້ານ ໄປຕາມກົດ ໝາຍກຳນົດໄວ້ ເພື່ອເຮັດແນວ ໃດໃຫ້ບັນດານິຕິກຳລຸ່ມກົດ ໝາຍ ທີ່ລັດຖະບານວາງອອກ ນັ້ນ ໄດ້ຮັບການຈັດຕັ້ງປະຕິບັດ ຢ່າງເປັນຮູບປະທຳ ແນໃສ່ຈັດ ຕັ້ງຜັນຂະຫຍາຍມະຕິກອງ ປະຊຸມໃຫຍ່ຄັ້ງທີ X ຂອງພັກ ທີ່ໄດ້ກຳນົດອອກວ່າ: ພັກນຳ ພາ, ລັດຄຸ້ມຄອງຕາມກົດໝາຍ ແລະ ສັງຄົມສະເໝີພາບຕໍ່ໜ້າ ກົດໝາຍ.

 

 

ແຫຼ່ງຂ່າວ: ໜັງສືພິມ ປະຊາຊົນ

ຄວາມຄິດເຫັນຂອງຜູ້ອ່ານ (0)