GMT+7 24/10/2017 05:24

ຫວນຄືນວັນສ້າງຕັ້ງແນວລາວສ້າງຊາດ ຄົບຮອບ 67 ປີ

 

 

ສູນກາງແນວລາວສ້າງ ຊາດໄດ້ຈັດຕັ້ງປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 67 ປີ (13/8/1950 - 13/8/2017) ຂຶ້ນເມື່ອວັນທີ 10 ສິງຫານີ້, ທີ່ສຳນັກງານ ດັ່ງ ກ່າວ ໂດຍໃຫ້ກຽດເຂົ້າຮ່ວມ ຂອງທ່ານ ຄຳໃບ ດຳລັດ ກຳ ມະການສູນກາງພັກ ຮອງປະທານສູນກາງແນວລາວສ້າງ ຊາດ, ມີບັນດາຮອງປະທານ, ຄະນະປະຈຳ, ກຳມະການສູນ ກາງແນວລາວສ້າງຊາດ, ແຂກ ຖືກເຊີນ ແລະ ພະນັກງານ ເຂົ້າ ຮ່ວມຮັບຟັງ.

 

ໃນພິທີ, ທ່ານ ຕົງເຢີທໍ່ ກຳມະການສູນກາງແນວລາວ ສ້າງຊາດ ຫົວໜ້າຄະນະທີ່ປຶກ ສາວຽກງານຊົນເຜົ່າໄດ້ໃຫ້ ກຽດປາຖະກະຖາ ຊຶ່ງໄດ້ຫວນ ຄືນປະຫວັດສາດການກຳເນີດ, ການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີ ຂອງແນວລາວສ້າງຊາດ, ແນວ ລາວສ້າງຊາດແມ່ນອົງການສຳ ພັນທາງການເມືອງທົ່ວສັງຄົມ, ເປັນສະຫະພັນສະໝັກໃຈທີ່ ສ້າງບົນພື້ນຖານຄວາມຕື່ນຕົວ ຂອງອົງການຈັດຕັ້ງການເມືອງ - ສັງຄົມແລະ ບຸກຄົນທີ່ເປັນ ຕົວແທນໃຫ້ແກ່ຊົນເຜົ່າ, ຊັ້ນ ຄົນ, ສາສະໜາ ແລະ ເພດໄວ ລວມທັງຕົວແທນຄົນລາວທີ່ ດຳລົງຊີວິດຢູ່ຕ່າງປະເທດ, ແນວລາວສ້າງຊາດໄດ້ກຳເນີດ ເຕີບໃຫຍ່ ແລະ ຂະຫຍາຍຕົວ ໂດຍຜ່ານ 3 ໄລຍະຄື: ແນວ ລາວອິດສະຫຼະ, ແນວລາວຮັກ ຊາດ ແລະ ແນວລາວສ້າງຊາດ ໂດຍສືບທອດ ແລະ ເສີມຂະຫຍາຍມູນເຊື້ອອັນສະຫງ່າລາ ສີຂອງແນວລາວອິດສະຫຼະ ແລະ ແນວລາວຮັກຊາດໃນ ເມື່ອກ່ອນ,

 

 ແນວລາວສ້າງຊາດ ໄດ້ສືບຕໍ່ປະຕິບັດບົດບາດໜ້າ ທີ່ ໃນການສຶກສາອົບຮົມເຕົ້າ ໂຮມຄວາມສາມັກຄີທົ່ວປວງ ຊົນລາວບັນດາເຜົ່າ ນັບທັງຊົນ ຊາດລາວທີ່ດຳລົງຊີວິດຢູ່ຕ່າງ ປະເທດ, ເປັນກຳລັງແຮງເຂົ້າ ຮ່ວມທຸກຂະບວນການຂອງພັກ - ລັດ ໂດຍສະເພາະແມ່ນການ ປົກປັກຮັກສາ ແລະ ສ້າງສາ ພັດທະນາປະເທດຊາດ. ໃນໂອກາດດັ່ງກ່າວຍັງ ໄດ້ຈັດພິທີຍ້ອງຍໍ ພາກສ່ວນ ແລະ ບຸກຄົນທີ່ມີຜົນງານທີ່ດີ ເດັ່ນ ໃນການປະກອບສ່ວນເຂົ້າ ໃນວຽກງານແນວລາວສ້າງ ຊາດ ແລະ ໃນໂອກາດສະເຫຼີ ມ ສະຫຼອງວັນສ້າງຕັ້ງແນວລາວ ສ້າງຊາດ ຄົບຮອບ 67 ປີຄື: ມອບຫຼຽນໄຊແຮງງານ, ຫຼຽນ ກາແຮງງານ ແລະ ໃບຍ້ອງຍໍ ລັດຖະບານໃຫ້ຄະນະກຳມະ ການໂຄງການສ້າງຫໍທຳມະ ສະພາ ຈຳນວນ 37 ທ່ານ, ມອບຫຼຽນໄຊແຮງງານໃຫ້ທ່ານ ນາງ ສີສະຫຼຽວ ທຳມະເທວາ ແລະ ທ່ານ ປ້າ ພູທອນ ພູມ ສະຫວັນ ແລະ ມອບຫຼຽນກາ ລະນຶກ 60 ປີ ແລະ ໃບກຽດຕິ ຄຸນໃຫ້ບັນດາຜູ້ອຸປະຖຳສູນ ກາງແນວລາວສ້າງຊາດ ເນື່ອງ ໃນໂອກາດສະເຫຼີມສະຫຼອງ ວັນດັ່ງກ່າວ.

 

 

ແຫຼ່ງຂ່າວ:​ໜັງສືພິມ ປະຊາຊົນ

ຄວາມຄິດເຫັນຂອງຜູ້ອ່ານ (0)