GMT+7 24/10/2017 05:19

ປະທານ ສນຊ ມອບເຄື່ອງຊ່ວຍເຫຼືອໃຫ້ສອງກຸ່ມບ້ານ ໄດ້ຮັບຜົນກະທົບຈາກໄພນ້ຳຖ້ວມ

 

 

ໃນລະຫວ່າງວັນທີ 5-9 ສິງຫານີ້, ທ່ານ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ປະທານ ສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະ ເຂດ ໂດຍການຕ້ອນຮັບຂອງ ທ່ານ ສັນຕິພາບ ພົມວິຫານ ກຳມະການສູນກາງພັກ, ເລຂາ ພັກແຂວງ, ເຈົ້າແຂວງສະຫວັນ ນະເຂດ ພ້ອມດ້ວຍຄະນະ.

 

ໂອກາດນີ້, ທ່ານປະທານ ສນຊ ໄດ້ໄປຢ້ຽມຢາມສອງກຸ່ມ ບ້ານທີ່ໄດ້ຮັບຜົນກະທົບຈາກ ໄພນ້ຳຖ້ວນຄື: ກຸ່ມບ້ານຊະຄຶນ ເມືອງຈຳພອນ ແລະ ບ້ານທ່າ ຄຳເຫຼື່ອມ ເມືອງຊົນນະບູລີ, ສອງບ້ານດັ່ງກ່າວປະຊາຊົນ ຢຶດຖືການເຮັດນາເປັນອາຊີບ ຫຼັກ ແລະ ການລ້ຽງສັດ-ປູກພືດ ເປັນອາຊີບສຳຮອງ ແລະ ສອງ ກຸ່ມບ້ານໄດ້ຮັບໄພນ້ຳຖ້ວມ ເລີ່ມແຕ່ວັນທີ 26 ກໍລະກົດ ຮອດປັດຈຸບັນລະດັບນ້ຳຫຼຸຸດລົງ ແລ້ວແຕ່ເຮັດໃຫ້ນາຂອງກຸ່ມ ບ້ານເສຍຫາຍ 689 ເຮັກຕາ, ຢູ່ລຽບແຄມນ້ຳໄດ້ມີດິນເຊາະ ເຈື່ອນຫຼາຍຈຸດ, ສ່ວນບ້ານທ່າ ຄຳເຫຼື່ອມ ໄດ້ມີງົວ, ສັດປີກ ຕາຍ ແລະ ເຮັດໃຫ້ເຮືອນປະ ຊາຊົນໄດ້ຮັບຜົນເສຍຫາຍ, ເສັ້ນທາງຂາດເຮັດໃຫ້ການສັນ ຈອນໄປມາລຳບາກ, ເນື້ອທີ່ ດິນນາຖືກນ້ຳຖ້ວມເສຍຫາຍ 314,16 ເຮັກຕາ. ພ້ອມກັນນີ້ ທ່ານປະທານ ສນຊ ພ້ອມດ້ວຍ ການນຳຂອງແຂວງ ແລະ ນັກ ທຸລະກິດ ກໍໄດ້ນຳເອົາເຄື່ອງ ຊ່ວຍເຫຼືອຈຳນວນໜຶ່ງໄປມອບ ໃຫ້ສອງກຸ່ມບ້ານທີ່ໄດ້ຮັບຜົນ ກະທົບຈາກໄພນ້ຳຖ້ວມຊຶ່ງມີ ເຄື່ອງອຸປະໂພກ ແລະ ບໍລິໂພກ ລວມມູນຄ່າ 70 ລ້ານກວ່າກີບ.

 

ໃນໂອກາດນີ້, ທ່ານປະ ທານ ສນຊ ກໍໄດ້ເຮັດວຽກນຳ ການນຳຂອງແຂວງ ແລະ ໄດ້ ຮັບຟັງການລາຍງານຂອງທ່ານ ເຈົ້າແຂວງກ່ຽວກັບການຈັດ ຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ຂອງລັດ ໃນ ໄລຍະຜ່ານມາວ່າເສດຖະກິດ ໄດ້ມີການຂະຫຍາຍຕົວຢ່າງຕໍ່ ເນື່ອງ ແລະ ໝັ້ນທ່ຽງລວມຍອດ ຜະລິດຕະພັນ GDP ທີ່ປະຕິ ບັດໄດ້ 7.793,6 ຕື້ກີບ ເທົ່າ ກັບ 48,68% ຂອງແຜນການ, ສະເລ່ຍ GDP ໄດ້ 969 ໂດ ລາຕໍ່ຄົນ. ທ່ານປະທານ ສນຊ ໄດ້ ເນັ້ນບາງບັນຫາທີ່ສຳຄັນວ່າ ໃຫ້ແຕ່ລະພາກສ່ວນເອົາໃຈ ໃສ່ສຶກສາອົບຮົມການເມືອງ- ແນວຄິດ ຂອງຖັນແຖວພະນັກ ງານຫຼັກແຫຼ່ງ, ສະມາຊິກພັກ ກຳແໜ້ນ ແລະ ເຊື່ອມຊຶມແນວ ທາງນະໂຍບາຍຂອງພັກ-ລັດ ຢ່າງເລິກເຊິ່ງ, ສືບຕໍ່ຊີ້ນຳ-ນຳ ພາປະຊາຊົນ ໃນການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ຂອງລັດ, ເອົາໃຈ ໃສ່ວຽກງານປ້ອງກັນຊາດ - ປ້ອງກັນຄວາມສະຫງົບ ໃນ ການແກ້ໄຂປະກົດການຫຍໍ້ທໍ້ ຕ່າງໆຂອງສັງຄົມໃຫ້ໝົດໄປ ເທື່ອລະກ້າວ, ມີສະຕິລະວັງ ຕົວຕໍ່ກຸ່ມຄົນທີ່ບໍ່ຫວັງດີສວຍ ໃຊ້ວຽກງານຊົນເຜົ່າ, ສາສະ ໜາແບ່ງແຍກຄວາມສາມັກຄີ ພາຍໃນ, ສຶກສາອົບຮົມປະຊາ ຊົນລາວບັນດາເຜົ່າ ໃຫ້ປະຕິ ບັດຕາມແນວທາງນະໂຍບາຍ ຂອງພັກ-ກົດໝາຍຂອງລັດ, ເສີມຂະຫຍາຍສິດເປັນເຈົ້າ ຂອງປະຊາຊົນລາວບັນດາເຜົ່າ ຊັ້ນຄົນ ໃນເງື່ອນໄຂໃໝ່ແຫ່ງ ການເຊື່ອມໂຍງສາກົນ ແລະ ພາກພື້ນ, ຕັ້ງໜ້າປຸກລະດົມກຳ ລັງແຮງທົ່ວປວງຊົນໃຫ້ມີຄວາມ ສາມັກຄີປອງດອງກັນ, ເອົາ ໃຈໃສ່ໃນການພັດທະນາທ້ອງ ຖິ່ນ ໂດຍສຸມໃສ່ວຽກງານການ ຜະລິດກະສິກຳເປັນສິນຄ້າ,ຊຸກ ຍູ້ໃຫ້ປະຊາຊົນໃນການສ້າງ ຄອບຄົວ ແລະ ບ້ານສາມັກຄີ, ບ້ານວັດທະນະທຳ, ບ້ານສາ ທາລະນະສຸກ ແລະ ສ້າງກອງ ທຶນພັດທະນາຂັ້ນບ້ານ ເພື່ອ ເປັນບັນທັດຖານອັນໜຶ່ງໃນ ການແກ້ໄຂຄວາມທຸກຍາກ ຂອງປະຊາຊົນ, ໃຫ້ພະແນກທີ່ ກ່ຽວຂ້ອງຂອງບ້ານ, ເມືອງ ແລະ ແຂວງ ເອົາໃຈໃສ່ຕໍ່ສຸຂະ ພາບຂອງປະຊາຊົນ ເພາະຈະ ມີພະຍາດທີ່ເກີດຈາກໄພນ້ຳ ຖ້ວມຄັ້ງນີ້, ພາຍຫຼັງລະດັບນ້ຳ ຫຼຸຸດລົງໃຫ້ພາກສ່ວນກ່ຽວຂ້ອງ ກວດຄືນ ແລະ ແກ້ໄຂບັນຫາ ດັ່ງກ່າວ ເປັນຕົ້ນການສ້ອມ ແປງເສັ້ນທາງການສັນຈອນ ໃຫ້ສະດວກຕໍ່ການໄປມາ, ສ້າງ ຊົນລະປະທານໃຫ້ປະຊາຊົນ ເຮັດນາແຊງ ເພື່ອທົດແທນນາ ປີທີ່ໄດ້ຮັບຜົນກະທົບຈາກໄພ ນ້ຳຖ້ວມໃນຄັ້ງນີ້. 

 

 

ແຫຼ່ງຂ່າວ: ໜັງສືພິມ ປະຊາຊົນ

ຄວາມຄິດເຫັນຂອງຜູ້ອ່ານ (0)