GMT+7 23/08/2017 08:24

“ລູ່ຫານ” ອະດີດສະມາຊິກວົງ ເອັກໂຊ ກຳລັງແອບຄົບ “ຕີ໋ລີເຣີ່ປາ” ນັກສະແດງສາວສຸດຮ໋ອດ

 

 

ຂ່າວບັນເທີງຕ່າງແດນມື້ນີ້ ແອັດມິນມີຂ່າວກຳລັງຮ້ອນແຮງໃນວົງການບັນເທີງຈີນໃນຕອນນີ້ມາຝາກ ເມື່ອມີຂ່າວລືອອກມາວ່າ ນັກຮ້ອງໜຸ່ມສຸດຮ໋ອດເບີ 1 ຂອງເມືອງຈີນ ແລະ ຍັງເປັນໄອດໍເບີ 1 ຂອງເອເຊຍ ຢ່າງ “ລູ່ຫານ” ອະດີດສະມາຊິກວົງ ເອັກໂຊ ຕອນນີ້ກຳລັງແອບຄົບຫາເບິ່ງໃຈກັບນາງເອກສາວທີ່ກຳລັງມາແຮງຢູ່ໃນອັນດັບຕົ້ນໆຂອງຈີນ ຢ່າງ “ຕີ໋ລີເຣີປາ” ງານນີ້ເກີດມີກະແສຂ່າວຮ້ອນແຮງທົ່ວໂລກອິນເຕີເນັດເມື່ອແຟນຄລັບຂອງລູ່ຫານ ໂດຍສະເພາະກຸ່ມທີ່ຈິ້ນ ລູ່ຫານກັບເຊຮຸນ 1ໃນສະມາຊິກວົງເອັກໂຊ ຫຼື ຮຽນວ່າກຸ່ມ “ຮຸນຫານ” ບໍ່ພໍໃຈໃຫ້ກັບຂ່າວທີ່ທັງຄູ່ຄົບຫາກັນ ຈິ່ງໄດ້ມີການໂຈມຕີດ້ວຍວາຈາທີ່ຮຸນແຮງໃສ່ນາງເອກສາວ ເຣີປາ ແບບບໍ່ປານີ ຈົນເຮັດໃຫ້ແຟນຄລັບນາງເອກສາວ ຕີ໋ລີເຣີປາເດືອດເປັນໄຟພາກັນອອກມາປົກປ້ອງ ກຸ່ມແຟນຄລັບຂອງທັງສອງຝ່າຍປະທະຄາລົມກັນທາງໂຊຊຽວຢ່າງດຸເດືອດ ຜ່ານມາເປັນເວລາກວ່າສອງເດືອນແລ້ວ ຄວາມຂັດແຍ້ງຂອງກຸ່ມແຟນຄລັບຂອງທັງຄູ່ຍັງບໍ່ມີທ່າທີວ່າຈະອ່ອນກຳລັງລົງ

 

ລູ່ຫານ ແລະ ຕີ໋ລີເຣີປາ ຄັ້ງທຳອິດພວກເຂົາໄດ້ພົບກັນໃນງານເປີດຕົວໜັງ  The Witness ສະແດງນຳໂດຍ ລູ່ຫານ ແລະ ຫຍາງມີ  ເຊິ່ງຫຍາງມີເປັນເຈົ້ານາຍຕົ້ນສັງກັດຂອງນາງ ເຣີປາ ເລີຍໄດ້ໄປເຂົ້າຮ່ວມສະແດງຄວາມຍິນດີ ແລະ ນັ້ນກໍ່ເຮັດໃຫ້ທັງຄູ່ໄດ້ພົບກັນ ຕໍ່ມາທ້າຍປີ 2016 ພວກເຂົາທັງຄູ່ໄດ້ພົບກັນອີກຄັ້ງໜຶ່ງໃນງານປະກາດລາງວັນ iQiyi All-Star Carnival 2016 ແລະ ໃນທີສຸດຕົ້ນປີ 2017 ພວກເຂົາທັງສອງກໍ່ໄດ້ມີໂອກາດຮ່ວມງານກັນ ໂດຍ ເຣີປາ ນາງໄດ້ເຂົ້າຮ່ວມເປັນສະມາຊິກພິທີກອນໃນລາຍການວາໄລຕີ້ຊື່ດັງຂອງຈີນຢ່າງ “ຣັນນິ່ງແມນຊີຊັ່ນ 5” ແລະ ນັ້ນຈິ່ງເຮັດໃຫ້ທັງຄູ່ໄດ້ມີຄວາມໄກ້ຊິດກັນ ແລະ ເກີດຕົກຫຼຸມຮັກກັນ

 

ແຕ່ເນື່ອງຈາກຄວາມຂັດແຍ້ງຂອງແຟນຄລັບຂອງທັງສອງ ໃນຕອນນີ້ທັງຄູ່ຍັງບໍ່ໄດ້ມີການເປີດເຜີຍຢ່າງເປັນທາງການວ່າກຳລັງຄົບກັນຢູ່ ແຕ່ເມື່ອນັກຂ່າວຖາມທັງຄູ່ກໍ່ຫຼີກລ່ຽງທີ່ຈະຕອບຄຳຖາມ (ບໍ່ໄດ້ຕອບ ແລະ ບໍ່ໄດ້ປະຕິເສດ) ຄວາມສຳພັນຂອງທັງຄູ່ຍັງຄຸມເຄືອບໍ່ຊັດເຈນ ເອົາເປັນວ່າຕ້ອງຕິດຕາມກັນຕໍ່ໄປ

 

 

ແຫຼ່ງຂ່າວ:​ ລາວໂພສ

ຄວາມຄິດເຫັນຂອງຜູ້ອ່ານ (0)