GMT+7 24/10/2017 05:29

ເຮືອຊ່ວງບ້ານບົມເຈົ້າຄອງສາຍນ້ຳບາກໃນປີຜ່ານມາໄດ້ພຽງອັນດັບທີ່ 3 ໃນປີນີ

 

 

ເມືອງນ້ຳບາກ ຈັດການແຂ່ງຂັນ ຊ່ວງເຮືອປະເພນີປະຈຳປີຂື້ນ ໃນວັນທີ່ 7 ສີງຫານີ້ ໂດຍຈັດຂື້ນເປັນປະຈຳທຸກປີ ໃນມື້ ຂື້ນ 15 ຄ່ຳຂອງເດືອນ 9 ເຊີ່ງໃນປີນີ້ ເປັນປີທຳອິດທີ່ອົງ ການປົກຄອງເມືອງໄດ້ຈັດໃຫ້ ມີການແຂ່ງຂັນ 2 ປະເພດຄື: ເຮືອສູດ ແລະ ເຮືອປະເພນີ, ໂດຍມີເຮືອຊ່ວງເຂົ້າຮ່ວມແຂ່ງຂັນທັງໝົດ 13 ລຳ,ມາຈາກບັນດາ ບ້ານຢູ່ພາຍໃນເມືອງ ແລະ ເມືອງອ້ອມຂ້າງ. 

ຜ່ານການແຂ່ງຂັນເປັນເວລາ 1 ວັນ ທ່າມກາງສຽງຊົມສຽງເຊຍ ຈາກກອງເຊຍ ແລະ ຜູ້ເບີ່ງຜູ້ຊົມ ຢ່າງຝົດສະນັ່ນຕາມແຄມຝັ່ງ ແມ່ນ້ຳບາກຜົນປະກົດວ່າ: ເຮືອປະເພນີ ອັນດັບທີ່ 1 ແມ່ນບ້ານໂພນໄຊ ໄດ້ຮັບຂັນ ເງີນຂັນຄອງແຊ້ມ 3 ປີ ຄັ້ງທຳອິດ ນ້ຳໜັກ 1 ກິໂລກຼາມ ແລະ ຂັນປະຈຳປີນ້ຳໜັກ 500 ກຼາມ ພ້ອມດ້ວຍເງີນສົດ 4.000.000 ກີບ, ທີ່ 2 ບ້ານລີ່ ໄດ້ຮັບຂັນເງີນນ້ຳໜັກ 250 ກຼາມ ພ້ອມດ້ວຍເງີນສົດ 3.500.000 ກີບ, ທີ່ 3 ບ້ານໂຄ້ງ ໄດ້ຮັບຂັນເງີນນ້ຳໜັກ 250 ກຼາມ ພ້ອມດ້ວຍເງີນສົດ 3.000.000 ກີບ, ທີ່ 4 ບ້ານນ້ຳງາ ໄດ້ຮັບເງີນສົດ 2.700.000 ກີບ, ທີ່ 5 ບ້ານນໍ້າລາ ໄດ້ຮັບເງີນສົດ 2.300.000 ກີບ, ທີ່ 6 ບ້ານຟ້າ ໄດ້ຮັບເງີນສົດ 2.000.000 ກີບ. ສຳລັບປະເພດເຮືອສູດ ອັນດັບທີ່ 1 ແມ່ນເມືອງຊຽງເງີນ ໄດ້ຮັບຂັນເງີນ ຂັນປະຈຳປີນ້ຳໜັກ 500 ກຼາມ ພ້ອມດ້ວຍ ເງີນສົດ 4.000.000 ກີບ, ທີ່ 2 ກຸ່ມພັດທະນານ້ຳຖ້ວມ ໄດ້ຮັບຂັນເງີນນ້ຳໜັກ 250 ກຼາມ ພ້ອມດ້ວຍ ເງີນສົດ 3.500.000 ກີບ, ທີ່ 3 ບ້ານບົມ ໄດ້ຮັບຂັນເງີນນ້ຳໜັກ 250 ກຼາມ ພ້ອມດ້ວຍເງີນສົດ 3.000.000 ກີບ, ທີ່ 4 ກຸ່ມນ້ຳງາ ໄດ້ຮັບເງີນສົດ 2.700.000 ກີບ, ທີ່ 5 ບ້ານນະຄອນໄດ້ຮັບເງີນສົດ 2.400.000 ກີບ, ທີ່ 6 ບ້ານໂພນສະອາດ ໄດ້ຮັບເງີນສົດ 2.200.000 ກີບ ແລະ ທີ່ 7 ບ້ານໂພນໄຊໄດ້ຮັບເງີນສົດ 2.000.000 ກີບ. ໃຫ້ກຽດມອບລາງວັນໂດຍ ທ່ານ ສົມພອນ ສີອຸດົມພັນ ເຈົ້າເມືອງນໍ້າບາກພ້ອມດ້ວຍຄະນະ ແລະ ການນຳຂອງເມືອງອ້ອມຂ້າງ ໂອກາດນີ້ ທ່ານເຈົ້າເມືອງປະທານ ຈັດງານບຸນຊ່ວງເຮືອ ໄດ້ກ່າວສະແດງ  ຄວາມຂອບໃຈກັບທຸກພາກສ່ວນວ່າ: deth ( 08 ) 08 - 70

     
ເຂົ້າຮ່ວມຊົມການແຂ່ງຂັນ ຊ່ວງເຮືອທີ່ເມືອງນ້ຳບາກໃນປີນີ້ ມີ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ, ຄະນະນຳຂອງເມືອງອ້ອມຂ້າງ ແຂວງຫຼວງພະບາງ ແລະ ແຂວງໃກ້ຄຽງລວມທັງ ແຂກທັງພາຍໃນ - ຕ່າງປະເທດ ແລະ ປະຊາຊົນບັນດາເຜົ່າ.

 

 

ແຫຼ່ງຂ່າວ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)