GMT+7 24/10/2017 05:25

ພໍ່ຫື່ນຂົ່ມຂືນລູກສາວໂຕເອງ ຈໍ່ຕິດຄຸກ 12,000 ປີ

 

 

ສຳນັກຂ່າວເອເອັບພີລາຍງານຈາກກຸງກົວລາລຳເປີ ປະເທດມາເລເຊຍ ເມື່ອວັນທີ 10 ສິງຫາວ່າ ເຈົ້າໜ້າທີ່ສານຕ້ອງໃຊ້ເວລາດົນ 2 ມື້ໃນການອ່ານຂໍ້ຫາທັງໝົດ 626 ຂໍ້ຫາ ຕໍ່ຜູ້ຕ້ອງສົງໃສຊາຍອາຍຸ 36 ປີ ທີ່ຢ່າຮ້າງກັບເມຍ ແລະ ການ ແຈ້ງຂໍ້ຫາຈົບລົງເມື່ອຕອນບ່າຍວັນພະຫັດ ໂດຍຂໍ້ຫາຕ່າງໆລວມເຖິງການຮ່ວມເພດທາງຮູທະວານ 599 ຂໍ້ຫາ ສ່ວນທີ່ເຫຼືອເປັນການມີເພດສຳພັນກັບບຸກຄົນໃນຄອບຄົວ ຂົ່ມຂືນ ແລະອາດຊະຍາກຳທາງເພດອື່ນໆ ຜູ້ເສຍຫາຍເປັນ ລູກສາວອາຍຸ 15 ປີ ຂອງຜູ້ຕ້ອງສົງໃສ ເຈົ້າໜ້າທີ່ບໍ່ສາມາດເຜີຍຊື່ໄດ້ ເພື່ອປົກປ້ອງຕົວຕົນຂອງຜູ້ເສຍຫາຍ ລັງສຳເລັດການອ່ານຂໍ້ຫາ ຜູ້ຕ້ອງສົງໃສໃຫ້ການປະຕິເສດ ຫຼັງຈາກນີ້ຄະດີຈະດຳເນີນຕໍ່ໄປໃນສານ

 

ໄອມີ ສະຍາວານີ ຮອງໄອຍາການສູງສຸດມາເລເຊຍ ເຜີຍຕໍ່ນັກຂ່າວເອເອັບພີ ທີ່ສານພິເສດສຳລັບຄະດີອາດຊະຍາກຳທາງເພດຕໍ່ເດັກ ທີ່ຫາກໍ່ຕັ້ງຂື້ນໃໝ່ ວ່າຜູ້ຕ້ອງສົງໄດ້ເຈີໂທດຕິດຄຸກຫຼາຍຫວ່າ 12,000 ປີໃນແຕ່ລະຢ່າງຂໍ້ຫາຮ່ວມເພດ ທາງຮູທະວານ ລາວອາດຖືກລົງໂທດຕິດຄຸກ 20 ປີ ຮ່ວມທັງຕີດ້ວຍຫວາຍ ສ່ວນຂໍ້ກາຂົ່ມຂືນກົດໝາຍກຳໜົດໂທດຕິດຄຸກສູງສຸດ 20 ປີ ສ່ວນຂໍ້ຫາອື່ນໆທີ່ກ່ຽວກັບຄວາມຮ້າຍແຮງທາງເພດລວມ 30 ຂໍ້ຫາ ແຕ່ລະຂໍ້ຫາມີໂທດຕິດຄຸກ ສູງສຸດ 20 ເຊັ່ນກັນ ຜູ້ພິພາກສາຍັງປະຕິເສດໃຫ້ການປະກັນໂຕຜູ້ຕ້ອງສົງໃສຄົນນີ້ ຫຼັງຈາກໄອຍາການກ່າວເຕືອນວ່າມີຄວາມສ່ຽງທີ່ລາວຈະຫຼົບໜີ ຫຼືຂົ່ມຂູ່ພະຍານ

 

ຄະດີນີ້ຜູ້ຕ້ອງສົງໃສເຊິ່ງມີອາຊີບຂາຍຜະລິດຕະພັນເພື່ອການລົງທຶນ ຖືກຈັບເມື່ອວັນທີ 26 ກໍລະກົດ ຫຼັງຈາກແມ່ຂອງເດັກເຂົ້າແຈ້ງຕຳຫຼວດ ແລະຈາກການລາຍງານລົງບັນທຶກລະບຸວ່າ ຄວາມຜິດຕາມຂໍ້ກ່າວຫາຖືກເຮັດລະຫວ່າງເດືອນ ມັງກອນ - ກໍລະກົດປີນີ້ ລະຫວ່າງທີ່ລູກສາວອາໃສຢູ່ກັບພໍ່ພຽງລຳພັງ

 

 

ແຫຼ່ງຂ່າວ: ເດລິນິວ

 

ຄວາມຄິດເຫັນຂອງຜູ້ອ່ານ (0)