GMT+7 23/08/2017 08:23

ຊົມເຊີຍ! ກຸ່ມນັກກິລາລົດຖີບ ນ.ວ ຈັດການກິດຈະກໍາໂຄສະນາແຫຼ່ງທ່ອງທ່ຽວຜ່ານກິລາລົດຖີບ

 

 

ກິດຈະກຳໂຄສະນາທ່ອງທຽວລາວຜ່ານກິລາຖີບລົດ ເມື່ອອາທິດທີ່ຜ່ານມາ ໄດ້ມີກຸ່ມນັກກິລາລົດຖີບນະຄອນຫຼວງວຽງຈັນ ກຸ່ມໜຶ່ງ ຈັດກິດຈະກຳຖີບລົດເພື່ອ ໂຄສະນາການທ່ອງທ່ຽວຢູ່ແຂວງຈຳປາສັກ ທັງນີ້ກໍ່ຢາກສົ່ງເສີ່ມປີ ທ່ອງທ່ຽວລາວ 2018.

 

ກິດຈະກຳດັ່ງກ່າວໄດ້ຂຶ້ນທີ່ແຂວງຈຳປາສັກລະຫວ່າງ ວັນທີ 4-7 ສິງຫາ 2017, ເປັນການຈັດງານຢ່າງບໍ່ເປັນທາງການລະຫວ່າງກຸ່ມນັກກິລາຖີບລົດຈາກນະຄອນຫຼວງ ແລະ ພາຍໃນແຂວງຈໍາປາສັກ ເຊິ່ງຈຸດປະສົງກໍ່ ເພື່ອສ້າງຄວາມສົນໃຈ ຂອງແຫຼງທ່ອງທ່ຽວ ພ້ອມກັບສິ່ງທີ່ຖ້າທາຍໃນການຖີບລົດຂຶ້ນທາງເນີນສູງ ລະຫວ່າງ ຕົວເມືອງຈຳປາສັກ ຫາ ປາກຊອງ ແຂວງຈຳປາສັກ ເຊິ່ງ ມີຄວາມຍາວປະມານ 50ກິໂລແມັດ ແລະ ສູງຈາກລະດັບໜ້ານ້ຳມະເລປະມານ 1000 ກວ່າແມັດ.


ໜຶ່ງໃນນັກກິລາຈາກນະຄອນຫຼວງ ທ້າວ ເຂົາຄຳຊີອອນ ອິນທິລາດ ໄດ້ກ່າວວ່າ: ເຖິງວ່າກຸ່ມຂອງເຮົາຈະມີພຽງ ສີ່ຄົນກໍ່ຕາມແຕ່ຢ່າງໜ້ອຍພວກເຮົາກໍ່ໄດ້ມີສ່ວນຮ່ວມ ໃນການໂຄສະນາການທ່ອງທ່ຽວຂອງລາວໃຫ້ຄົນທັງພາຍໃນ ແລະ ຕ່າງປະເທດ ໂດຍຜ່ານສື່ຫຼາຍໆດ້ານ, ນັ້ນເປັນສິ່ງທີ່ພວກເຮົາໄດ້ຄາດຫວັງໄວ້ກ່ອນຈະມາຖີບລົດຢູ່ນີ້.

 

ສໍາລັບ ກິດຈະກຳດັ່ງແມ່ນເປັນການຖີບລົດ ຈາກຕົວເມືອງຈຳປາສັກໄປຫາເມືອງປາກຊ່ອງ ໂດຍຜ່ານ ບັນດາແຫຼ່ງທ່ອງທ່ຽວຫລາຍແຫ່ງຄື: ສວ່ນກາເຟ ວັນເລ, ນ້ຳຕົກຕາດຟານ, ນ້ຳຕົກຕາດເຍື່ອງ, ອານຸສາວະລີ ອົງກົມມະດຳ ແລະ ຮ້ານກາເຟສະກາຍເລົາ ເຊິ່ງແຕ່ລະບ່ອນລວ້ນແລ້ວແຕ່ມີສະເໜ່ໃຫ້ຄົນມາທອ່ງທ່ຽວແຂວງຈຳປາສັກ.

 

 

 

 

ຂໍ້ມູນຈາກ: laosupdate

 

ຄວາມຄິດເຫັນຂອງຜູ້ອ່ານ (0)