GMT+7 23/08/2017 08:19

ລັດຖະມົນຕີ ສສກ​ ​ເນັ້ນ​ໃຫ້​ຄະນະ​ນັກກກິລາ​ລາວ ຊຸດ​ຊີ​ເກ​ມຄັ້ງ​ທີ 29 ປະຕິບັດ​ລະບຽບ​ວິ​ໄນ​ໃຫ້​ເຄັ່ງ

 

 

ວັນທີ  7  ສິງຫາ 2017, ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງ ສຶກສາທິການ ແລະ ກິລາ (ສສກ) ໄດ້ໃຫ້ກຽດເຂົ້າຮ່ວມ ພິທີຖະແຫລງຂ່າວ ກຽມຄວາມພ້ອມ ເຂົ້າຮ່ວມມະຫະກໍາ ຊີເກມຄັ້ງທີ 29 ທີ່ປະເທດ ມາເລເຊຍ ເປັນເຈົ້າພາບ ເຊິ່ງຈະຈັດຂຶ້ນໃນວັນທີ 19-30 ສິງຫາ 2017, ໂດຍ ທ່ານລັດຖະມົນຕີ ສສກ ໄດ້ຖືໂອກາດດັ່ງກ່າວ ໂອ້ລົມພ້ອມທັງໄດ້ ເນັ້ນໃຫ້ນັກກິລາ ທີ່ເປັນຕົວແທນ ສປປລາວ ເຂົ້າຮ່ວມການແຂ່ງຂັນ ຄັ້ງນີ້ປະຕິ ບັດລະບຽບວິໄນ ໃຫ້ເຄັ່ງຄັດ ຕາມຄະນະຈັດການ ແຂ່ງຂັນວາງອອກ ທຸກປະການ.

 

ທ່ານລັດຖະມົນຕີ ສສກ ຍັງກ່າວຕື່ມອີກວ່າ: ໃຫ້ແຕ່ລະຄະນະ ສະຫະພັນເພີ່ມທະວີ ຕິດຕາມການເຝິກຊ້ອມ ຢ່າງໃກ້ຊິດຂອງນັກກິລາ,ສ້າງເງື່ອນໄຂໃຫ້ກັບ ການເຝິກຊ້ອມມີ ປະສິດທິພົນໃນລະດັບ ທີ່ແນ່ນອນພ້ອມທັງ ກະກຽມດ້ານ ຕ່າງໆ ໃຫ້ທັນ, ເປັນຕົ້ນງົບປະມານ,ອຸປະກອນເຝິກຊ້ອມ. ນອກຈາກນັ້ນ, ຕ້ອງຊອກຮູ້ບັນດາ ຂໍ້ມູນເຕັກນິກ ແລະ ສະຖານທີ່ແຂ່ງຂັນ ເພື່ອແຈ້ງໃຫ້ນັກກິລາ ເຂົ້າຮັບຮູ້ກ່ອນການແຂ່ງຂັນ, ປຸກລະດົມເຊີດຊູ ນໍ້າໃຈຮັກຊາດ, ຄວາມຫ້າວ ຫັນ ກະຕືລື້ລົ້ນເປັນເຈົ້າການ ໃຫ້ສູງຂຶ້ນກວ່າເກົ່າ ແລະ ເຜີຍແຜ່ລະບຽບຕ່າງໆ ແລະຄວາມຮັບຜິດຊອບ ຂອງແຕ່ລະຄົນ, ມອບໃຫ້ແຕ່ລະສະຫະພັນ ເຜີຍແຜ່ກົດລະບຽບຕ່າງໆ ໃຫ້ກັບນັກກິລາ ແຕ່ລະຄົນໃຫ້ເຂົ້າໃຈ ລະບຽບວິໄນ  ແລະ ປະຕິບັດຢ່າງເຂັ້ມງວດ ກ່ອນການເຂົ້າແຂ່ງຂັນ. ນັກກິລາທຸກຄົນຕ້ອງ ມີຄຸນສົມບັດ, ມີລະບຽບວິໄນ, ຕັ້ງໜ້າແຂ່ງຂັນດ້ວຍ ຄວາມມີພິກໄຫວ ແລະ ໃຊ້ຄວາມສາມາດ ຢ່າງສຸດຂີດພ້ອມທັງ ເປັນແບບຢ່າງທີ່ດີ ໃນການດໍາລົງຊີວິດ ຮ່ວມໝູ່ຄະນະ, ເອົາໃຈໃສ່ສ້າງສາຍ ພົວພັນອັນດີກັບນັກກິລາ ທຸກປະເທດທີ່ເຂົ້າຮ່ວມ ການແຂ່ງຂັນ, ເປັນແບບຢ່າງເຜີຍແຜ່ ວັດທະນະທໍາອັນດີ ຂອງຊາດ ແລະ ເອົາໃຈໃສ່ຄຸ້ມຄອງ ນໍາພານັກກິລາເຂົ້າຮ່ວມ ໃຫ້ຖືກຕ້ອງຕາມລະບຽບ ຕາຕະລາງດ້ວຍ ຄວາມຮັບຜິດຊອບສູງ, ມີການຈັດ ຕັ້ງບັນຊາ ຢ່າງເປັນລະບົບເພື່ອສາມາດເກັບກໍາ ຂໍ້ມູນຕ່າງໆນໍາມາ ເຜີຍແຜໃຫ້ແຕ່ລະພາກສ່ວນ ຮັບຮູ້ ແລະ ປັບປຸງປ່ຽນແປງ ຢ່າງທັນການ. ປຶກສາຫາລືສ້າງ ຄວາມເປັນເອກະພາບ ພາຍໃນຄະນະ, ຄູ ເຝິກ, ນັກກິລາເຮັດໃຫ້ທຸກຄົນ ມີຈິດໃຈທຸ່ນທ່ຽງ ແລະ ເຊື່ອໝັ້ນຕົນເອງ, ກາຍເປັນພະລັງ ອັນແຮງກ້າໄປສູ່ ຄວາມສໍາເລັດ ຕາມຄາດໝາຍ.

 

ຊີເກມຄັ້ງທີ 29 ຈະມີການແຂ່ງຂັນ ຄັ້ງນີ້ມີທັງໝົດ 38 ປະເພດກິລາ ແລະ ຊີງໄຊ 405 ຫລຽນຄໍາ, ຂະນະທີ່ ສປປ ລາວ ສົ່ງນັກກິລາເຂົ້າຮ່ວມ 22 ປະເພດກິລາຄື: ເປຕັງ, ເທຄວັນໂດ, ວູຊູ, ກະຕໍ້-ຊິນລອນ, ປັນຈັກຊີລັດ, ບິນ ລຽດ-ສະນຸກເກີ, ລົດຖີບ, ຍິງທະນູ, ມວຍສາ ກົນ,ຄາຣາເຕໂດ, ບານເຕະຊາຍ, ກ໊ອບ, ຍິງປືນ, ປິງປ໋ອງ, ເທັນນິດ, ດອກປິກໄກ່, ແລ່ນ-ລານ, ລອຍນໍ້າ, ລັກບີ, ຢູໂດ, ມວຍ ແລະ ບານບ້ວງ. 

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)