GMT+7 24/10/2017 05:30

ໄດ້ລຸ້ນປ້ອງກັນແຊັມຕໍ່! ຢູ 12 ດີເຄ ຢັນສະເໝີ ມາເລເຊຍ 0-0 ຜ່ານເຂົ້າຮອງຮອບ ໃນບານເຕະທີ່ ສປ ຈີນ

https://1.bp.blogspot.com/-H2ZNH1MJgi4/WYps8XdenCI/AAAAAAAABcM/-Zua1UUadiA48uO_6v8wwyxbKRfhqZ3rgCLcBGAs/s640/20626565_1562289233792008_2926272178329818488_o.jpg

 

ດີເຄ ເອັຟຊີ ລຸ້ນອາຍຸບໍ່ເກີນ 12 ປີ ລົງສະໜາມນັດສຸດທ້າຍຂອງກຸ່ມ A ສະເໝີກັນ ມາເລເຊຍ 0-0 ໃນການການແຂ່ງຂັນເຕະບານ ຊູນ ຊີງ ລິງ ຄັບ 2017 (SOONG CHING LING CUP 2017) ທີ່ ສປ ຈີນ ເມື່ອວັນທີ 8 ສິງຫາ ທີ່ຜ່ານມາ ສົ່ງຜົນໃຫ້ ດີເຄ ເກັບເພີ່ມເປັນ 7 ຄະແນນ ຄວ້າອັນດັບ 2 ຂອງກຸ່ມ A ຜ່ານເຂົ້າຮອບຮອງຊະນະເລີດ ໄປລໍຖ້າພົບທີມແຊັມຈາກກຸ່ມ B.
ການແຂ່ງຂັນເຕະບານລາຍການ ຊູນ ຊີງ ລິງ ຄັບ 2017 ( SOONG CHING LING CUP 2017 ) ທີ່ ສປ ຈີນ ລະຫວ່າງວັນທີ 6 - 13 ສິງຫາ 2017 ໂດຍມີ 8 ປະເທດ ອາຊຽນເຂົ້າຮ່ວມ ແລະ 2 ທີມ ຈາກ ສປ ຈີນ ເຂົ້າຮ່ວມ ເຊິ່ງທີມຕົວແທນຈາກ ລາວ ກໍຄື ສະໂມສອນ ດີເຄ ຢູ 12 ຖືກຈັດຢູ່ໃນກຸ່ມ A ຮ່ວມກັບ ສປ ຈີນ ທີມ A ( ເຈົ້າພາບ ), ຟີລິບປິນ , ມາເລເຊຍ ແລະ ຫວຽດນາມ, ສ່ວນກຸ່ມ B ມີ ສປ ຈີນ ທີມ B ( ເຈົ້າພາບ ), ອິນໂດເນເຊຍ, ກຳປູເຈຍ, ມຽນມາ ແລະ ໄທ.

ເຊິ່ງເມື່ອວັນທີ 8 ສິງຫາ ທີ່ຜ່ານມາ ເປັນການແຂ່ງຂັນນັດສຸດທ້າຍຂອງກຸ່ມ A ໂດຍ ທ່ານ ອາລ໋ອບ ມະນີບົດ ຜູ້ຈັດການທີມ ສະໂມສອນ ດີເຄ ຢູ12 ໄດ້ລາຍງານວ່າ: ສະໂມສອນ ດີເຄ ຢູ 12 ລົງສະໜາມນັດສຸດທ້າຍຂອງກຸ່ມສະເໝີ ມາເລເຊຍ 0-0 ເຮັດໃຫ້ລົງສະໜາມ 4 ນັດ ຊະນະ 2, ສະເໝີ 1 ແລະ ເສຍ 1 ມີ 7 ຄະແນນ ເຮັດໃຫ້ພຽງພໍຕໍ່ການເຂົ້າຮອບຮອງຊະນະເລີດ.
ສຳລັບ ມື້ວັນພຸດ 9 ສິງຫາ 2017 ແມ່ນຈະບໍ່ໄດ້ລົງສະຫນາມ ເນື່ອງຈາກແຂ່ງຂັນຄົບ 4 ນັດ ຈຶ່ງເຮັດໃຫ້ໄດ້ພັກຫນຶ່ງມື້ ກ່ອນແຂ່ງຂັນຮອບຮອງຊະນະເລີດລໍຖ້າພົບທີມທີ່ໄດ້ອັນດັບ 1 ກຸ່ມ B ເຊິ່ງຈະແຂ່ງຂັນໃນວັນພະຫັດ 10 ສິງຫາ 2017 ເວລາ 09:30 ໂມງ.

 

ແຫລ່ງຂ່າວໄດ້ມາຈາກ : http://www.laosupdate.com

ຄວາມຄິດເຫັນຂອງຜູ້ອ່ານ (0)