GMT+7 24/10/2017 05:24

ຍີ່ປຸ່ນ ມອບອາຄານຮຽນ 2 ຫລັງໃຫ້ໂຮງຮຽນ ມສ ບຶກທົ່ງ

 

 

ຂປລ. ລັດຖະບານ​ຍີ່ປຸ່ນ​ ໄດ້​ໃຫ້ທຶນຊ່ວຍເຫລືອລ້າ ​ເພື່ອ​ປະຕິບັດໂຄງການປັບປຸງ ສະພາບແວດລ້ອມໂຮງຮຽນ ເພື່ອການພັດທະນາຊຸມຊົນຂອງ ເມືອງຈຳພອນ​​ແຂວງ​ສະຫວັນ​ນະ​ເຂດ ໂດຍສະເພາະ ແມ່ນກໍ່ສ້າງ ອາຄານ 2 ຫລັງ​ຢູ່ໂຮງຮຽນ ມສ ບຶກທົ່ງ ໃນມູນຄ່າກໍ່ສ້າງ 90.900 ໂດລາສະຫະລັດ. ​ເຊິ່ງໂຄງການ​ກໍ່ສ້າງ​ອາຄານ​ດັ່ງກ່າວ ​ໄດ້ເລີ່ມລົງ ມືມາແຕ່​ ເດືອນມີນາ ປີ 2016 ແລະ ໄດ້ສຳເລັດໃນວັນທີ 10 ກັນຍາ 2016 ລວມມີ 8 ຫ້ອງ​ຮຽນ.


ມາ​ໃນ​ວັນ​ທີ 2 ສິງຫາ 2017 ນີ້ ​ໄດ້​ມີພິທີມອບ-ຮັບໂຄງການ ກໍ່ສ້າງອາຄານໂຮງຮຽນດັ່ງກ່າວ ຢ່າງ​ເປັນ​ທາງ​ການ ​ໂດຍ​ມີ ທ່ານ ທາເກສິ ຫິກິຫາຣະເອກອັກ ຄະຣາຊະທູດວິສາມັນຜູ້​ມີ​ອຳ ນາດ​ເຕັມ​ແຫ່ງ​ປະ​ເທດ ຍີ່ປຸ່ນ ປະຈຳລາວ, ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ, ມີຫົວໜ້າພະແນກສຶກສາທິການ ແລະ ກິລາແຂວງ, ມີ​ພາກສ່ວນ​ກ່ຽວຂ້ອງ, ຄູອາຈານ ຕະຫລອດຮອດ ນ້ອງນັກຮຽນເຂົ້າຮ່ວມ.


ທ່ານຮອງເຈົ້າແຂວງ ໄດ້ລາຍງານໃຫ້ຮູ້ວ່າ: ​ ​ໂຄງການ​ດັ່ງກ່າວ ​ເປັນໜຶ່ງໃນຫລາຍໆໂຄງການ ທີ່ລັດຖະບານຍີປຸ່ນ ໄດ້ໃຫ້ການຮ່ວມມືຊ່ວຍເຫລືອ ແກ່ແຂວງສະຫວັນນະເຂດ ​ເຊິ່ງໝາກຜົນ ດັ່ງກ່າວແມ່ນການປະ ກອບສ່ວນອັນສຳຄັນ ເຂົ້າໃນການສ້າງເງື່ອນໄຂອັນດີ ເພື່ອພັດທະນາ ຊັບພະຍາກອນມະນຸດໃຫ້ແກ່ລາວ.

 

 

ແຫຼ່ງຂ່າວ:​ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)