GMT+7 24/10/2017 05:23

“ຈັສຕິນ ບິເບີຣ” ປະກາດຍົກເລີກການທົວຄອນເສີດທີ່ເຫຼືອທັງໝົດ

 

 

ບັນເທີງຕ່າງແດນກັບລາວໂພສຕ໌ ມື້ນີ້ແອັດມິນຍັງຈະມາອັບເດດຂ່າວຂອງໜຸ່ມເພງປ໊ອບສຸດຮ໋ອດຂັວນໃຈສາວໆທົ່ວໂລກ ຢ່າງໜຸ່ມ “ຈັສຕິນ ບີເບີຣ” ຫຼັງຈາກເມືອອາທິດທີ່ຜ່ານມາກະຊວງວັດທະນະທຳ ປັກກິ່ງໄດ້ອອກຖະແຫຼງການ ຫ້າມບໍ່ໃຫ້ໜຸ່ມ ຈັສຕິນ ມາຈັດຄອນເສີດທີ່ປະເທດຈີນ ໂດຍໃຫ້ເຫດຜົນວ່າ “ຈັສຕິນ ບີເບີຣ ມີພຶດຕິກຳທີ່ບໍ່ເໝາະສົມ” ແລະ ຫຼ້າສຸດສຳນັກຂ່າວຕ່າງປະເທດລາຍງານຈາກນະຄອນຫຼວງ ນິວຢອກ ປະເທດສະຫະລັດອາເມລິກາ ເມື່ອວັນທີ 24 ກໍລະກົດ 2017 ວ່າ ທີມງານຂອງຈັສຕິນ ບີເບີຣ ໄດ້ອອກຖະແຫຼງການຍົກເລີກລາຍການທົວຄອນເສີດ (Purpose World Tour) ທີ່ເຫຼືອທັງໝົດ ໂດຍລະບຸເຫດຜົນວ່າ ຈັສຕິນຮູ້ສຶກ “ເໝືອຍ” ກັບສະຖານະການທີ່ເປັນຢູ່ໃນປັດຈຸບັນ. ເຊິ່ງມັນເປັນເຫດການທີ່ບໍ່ຄາດຝັນມາກ່ອນ ແຕ່ນີ້ກໍ່ເປັນການຈັດສິນໃຈທີ່ຜ່ານການພິຈາລະນາເປັນຢ່າງດີແລ້ວ ທາງຈັສຕິນເອງກໍ່ເສຍໃຈກັບເຫດການທີ່ເກີດຂຶ້ນໃນຄັ້ງນີ້

 

ຈັສຕິນ ບີເບີຣ ໄດ້ເລີ່ມອອກທົວຄອນເສດຕັ້ງແຕ່ເດືອນ ມີນາ ປີທີ່ຜ່ານມາ ແລະ ການຍົກເລີກທົວທີ່ເຫຼືອໃນຄັ້ງນີ້ມັນໄດ້ສົ່ງຜົາກະທົບທັງໝົດ 14 ລາຍການ ເຊິ່ງມີກຳນົດຈະສິ້ນສຸດລະດູການທົວຄອນເສີດ (Purpose World Tour) ໃນເດືອນ ຕຸລາ 2017 ທີ່ຈະມາຮອດນີ້ ເຊິ່ງລາຍການສ່ວນຫຼາຍແມ່ນຈະມີກຳນົດຂຶ້ນສະແດງຄອນເສີດທີ່ອາເມລິກາເໜືອ ຮວມແຜນເກົ່າທີ່ມີກຳນົດຂຶ້ນສະແດງຄອນເສີດໃນເຂດເອເຊຍເຊັ່ນ ຮ່ອງກົງ, ຍີ່ປຸ່ນ, ຟິລິບປິນ, ອິນໂດເນເຊຍ ແລະ ສິງກະໂປ.

 

 

ແຫຼ່ງຂ່າວ:​ລາວໂພສ

 

ຄວາມຄິດເຫັນຂອງຜູ້ອ່ານ (0)