GMT+7 23/08/2017 08:27

ນຳໃຊ້ທ່າແຮງບົ່ມຊ້ອນ ຂອງປະເທດເຊື່ອມໂຍງເຂົ້າກັບສາກົນ

ນຳໃຊ້ທ່າແຮງບົ່ມຊ້ອນ ຂອງປະເທດເຊື່ອມໂຍງເຂົ້າກັບສາກົນ

ສປປ ລາວ ເປັນ​ປະ­ເທດທີ່​ບໍ່​ມີ​ຊາຍ​ແດນ​ຕິດ​ຈອດ​ກັບ​ທະ ເລ ຊຶ່ງ​ຍາມ​ໃດ​ລັດ­ຖະ­ບານ​ກໍ​ໄດ້​ຖື ເອົາ​ການ​ຄົມ­ມະ­ນາ­ຄົມ-ຂົນ­ສົ່ງເປັນ​ປາຍ​ແຫຼມ​ຂອງ​ເສດ­ຖະ­ກິດແຫ່ງ​ຊາດ​ມີ​ ການ​ເປີດ​ກວ້າງ​ພົວ ພັນ​ຮ່ວມ​ມື​ອັນ​ດີ ແລະ​ການ​ເຊື່ອມ ຈອດ​ກັບ 5 ປະ­ເທດ ໃກ້​ຄຽງ ໂດຍໄດ້​ຮ່ວມ​ມື​ກັບ​ອາ​ຊຽນ​ຜັນ​ຂະ ຫຍາຍ​ແມ່​ບົດ​ວ່າ​ດ້ວຍ​ການ​ເຊື່ອມ ຈອດ​ອາ​ຊຽນ ແລະ​ໄດ້​ສຸມ​ໃສ່​ການ ພັດ­ທະ­ນາ​ພື້ນ­ຖານ​ໂຄງ​ລ່າງ​ຕ່າງໆ ຂອງ​ປະ­ເທດ ຢ່າງ​ຕັ້ງ­ໜ້າ, ໂດຍ​ໄດ້ ຂຸດ​ຄົ້ນ​ນຳ​ໃຊ້​ທຶນ​ຢ່າງ​ຫຼວງ­ຫຼາຍ ທັງ​ພາຍ​ໃນ ແລະ​ຈາກ​ການ​ຊ່ວຍ ເຫຼືອ​ສະ­ໜັບ­ສະ­ໜູນ​ຈາກ​ບັນ­ດາ​ປະ ເທດ​ເພື່ອນ​ມິດ ແລະ​ສາ­ກົນ​ເຂົ້າ​ໃນ ການ​ພັດ­ທະ­ນາ​ພື້ນ­ຖານ​ໂຄງ​ລ່າງ ເພື່ອ​ສົ່ງ­ເສີມ​ການ​ລຳ­ລຽງ​ຂົນ­ສົ່ງ ສະ­ດວກ​ຂຶ້ນ​ກວ່າ​ເກົ່າ, ການ​ທ່ອງ ທ່ຽວ, ການ​ຄ້າ ແລະ​ການ​ບໍ­ລິ­ການ ພ້ອມ​ທັງ​ເປັນ​ການ​ດຶງ​ດູດ​ການ​ລົງ ທຶນ​ຢູ່​ພາຍ​ໃນ​ຄອບ­ຄົວ​ອາ​ຊຽນ​ກໍ ຄື​ການ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ ແລະ​ສາ­ກົນ.

    ສປປ ລາວ ຈະ​ສືບ­ຕໍ່​ເປີດ​ກວ້າງ​ແລະ​ເສີມ​ຂະ­ຫຍາຍ​ການ​ພົວ­ພັນ ຮ່ວມ​ມື​ກັບ​ບັນ­ດາ​ປະ­ເທດ​ເພື່ອນ ບ້ານ​ໃກ້​ຄຽງ​ໃນ​ຂອບ 2 ຝ່າຍ​ອະ ນຸ​ພາກ​ພື້ນ​ຄື: ກຳ­ປູ­ເຈຍ-ລາວ-ຫວຽດ­ນາມ (CLV), ກຳ­ປູ­ເຈຍ-ລາວ-ມຽນ​ມາ-ຫວຽດ­ນາມ (CLMV), ແອັກ​ແມັກ ແລະ​ຂອບ​ການ​ຮ່ວມ​ມື​ລະ­ຫວ່າງ​ປະ­ເທດ ແມ່­ນ້ຳ​ຂອງ​ກັບ​ຄູ່​ຮ່ວມ​ພັດ­ທະ­ນາ ຕ່າງໆ​ກໍ​ຄື​ໃນ​ຂອບ​ເຂດ​ອາ​ຊຽນ ເພື່ອ​ສົ່ງ­ເສີມ​ການ​ເຊື່ອມ​ຈອດ​ເສັ້ນ ທາງ​ຄົມ­ມະ­ນາ­ຄົມ ແລະ​ເຊື່ອມ​ໂຍງ​ກັບ​ເສດ­ຖະ­ກິດ​ພາກ​ພື້ນ, ນອກ​ເໜືອ​ຈາກ​ການ​ປັບ­ປຸງ​ພັດ­ທະ­ນາ​ລະ­ບົບ ພື້ນ­ຖານ​ໂຄງ​ລ່າງ​ໃນ​ການ​ເຊື່ອມ ຈອດ ດ້ວຍ​ການ​ສ້າງ​ຂົວ​ຂ້າມ​ແມ່ ນ້ຳ­ຂອງ​ມິດ­ຕະ­ພາບ ລາວ-ໄທ ທັງ    4 ແຫ່ງ​ແລ້ວ ປະ­ຈຸ​ບັນ ສປປ ລາວ ກຳ­ລັງ​ວາງ​ແຜນ​ກໍ່­ສ້າງ​ຂົວ​ຂ້າມ ແມ່­ນ້ຳ​ຂອງ​ມິດ­ຕະ­ພາບ​ລາວ-ໄທ ອີກ 1 ແຫ່ງ (ລະ­ຫວ່າງ​ແຂວງ​ບໍ ລິ​ຄຳ​ໄຊ-ຈັງ­ຫວັດ​ບຶງ​ການ) ແລະ ອີກ 1 ແຫ່ງ ເພື່ອ​ເຊື່ອມ​ຈອດ​ລະ ຫວ່າງ ສປປ ລາວ ກັບ​ມຽນ​ມາ ແລະ​ພ້ອມ​ດຽວ​ກັນ​ນັ້ນ​ກໍ​ຄຽງ​ຄູ່​ກັບການ​ສ້າງ​ຂົວ​ເພື່ອ​ເຊື່ອມ​ຈອດ​ກັບ​ ບັນ­ດາ​ປະ­ເທດ​ເພື່ອນ​ບ້ານ​ແລ້ວ, ໃນ​ຂອບ​ການ​ຮ່ວມ​ມື​ກັບ​ອະ­ນຸ​ພາກ ພື້ນ​ແມ່­ນ້ຳ​ຂອງ ກໍ​ມີ​ຫຼາຍ​ໂຄງ­ການ ທີ່​ຊ່ວຍ​ຍູ້​ໜູນ​ການ​ເຊື່ອມ​ຈອດ​ເປັນ ຕົ້ນ: ການ​ສ້າງ​ເສັ້ນ­ທາງ​ພາກ​ກາງ ຂອງ ສປປ ລາວ ໄປ​ຫາ​ບັນ­ດາ ແຂວງ​ພາກ​ກາງ­ຂອງ ສສ ຫວຽດ­ນາມ ຕາມ​ແລວ​ເສດ­ຖະ­ກິດ​ຕາ ເວັນ​ອອກ-ຕາ­ເວັນ­ຕົກ, ເສັ້ນ­ທາງ ເຊື່ອມ​ຕໍ່​ແຫຼມ​ສະ​ບັງ-ບາງ­ກອກ- ມຸກ­ດາ​ຫານ​ຂອງ​ໄທ​ຜ່ານ​ເສັ້ນ ທາງ​ເລກ 9 ແຂວງ​ສະ­ຫວັນ​ນະ ເຂດ, ເສັ້ນ­ທາງ A3 ເຊື່ອມ​ຕໍ່​ຄຸນ ໜິງ ສປ ຈີນ ກັບ​ພາກ​ເໜືອ​ຂອງ ໄທ ໂດຍ​ຜ່ານ​ພາກ​ເໜືອ​ຂອງ​ລາວ ຕາມ​ແລວ​ເສດ­ຖະ­ກິດ​ເໜືອ-ໃຕ້ນອກ​ນັ້ນ ກໍ​ໄດ້​ເອົາ­ໃຈ­ໃສ່​ປັບ­ປຸງ ເສັ້ນ­ທາງ ເພື່ອ​ອຳ­ນວຍ​ຄວາມ​ສະ ດວກ​ໃຫ້​ແກ່​ການ​ສັນ­ຈອນ ແລະ ຂົນ­ສົ່ງ​ລະ­ຫວ່າງ​ນະ­ຄອນ­ຫຼວງ ວຽງ​ຈັນ​ກັບ​ບາງ­ກອກ, ຮ່າ​ໂນ້ຍ, ພະ­ນົມ​ເປັນ ແລະ​ຄຸນ​ໝິງ ພ້ອມດຽວ​ກັນ​ນັ້ນ, ສປປ ລາວ ຍັງ​ໄດ້ ຕົກ­ລົງ​ຈະ​ສ້າງ​ທາງ​ລົດ­ໄຟ ລາວ-ຈີນ ຈາກ​ຄຸນ​ໝິງ ຫາ​ນະ­ຄອນ­ຫຼວງ ວຽງ​ຈັນ ແລະ​ເຊື່ອມ​ຕໍ່​ເຂົ້າ​ຫາ​ໄທ ຊຶ່ງ​ຈະ​ກາຍ­ເປັນ​ສ່ວນ​ໜຶ່ງ​ຂອງ ການ​ເຊື່ອມ​ຕໍ່​ເສັ້ນ­ທາງ​ລົດ­ໄຟ​ອາ ຊຽນ ແລະ​ຄຸນ​ໝິງ ນອກ​ນີ້, ມີ​ແຜນຈະ​ສ້າງ​ເສັ້ນ­ທາງ​ລົດ­ໄຟ​ເຊື່ອມຈອດ ລາວ-ໄທ ຫາ​ຊາຍ​ແດນ ຫວຽດ­ນາມ​ຜ່ານ​ແຂວງ​ສະ­ຫວັນ ນະ​ເຂດ​ນຳ​ອີກ​ດ້ວຍ.

    ພ້ອມ​ດຽວ​ກັນ​ນີ້, ຍັງ​ເປັນ​ການ ສົ່ງ­ເສີມ​ການ​ຜະ­ລິດ​ເປັນ​ສິນ­ຄ້າ ຂອງ​ປະ­ຊາ­ຊົນ ໂດຍ​ສະ­ເພາະ​ໃນ ການ​ປູກ­ຝັງ-ລ້ຽງ­ສັດ​ທີ່​ປອດ​ສານ ເຄ​ມີ ແລະ​ກະ­ສິ­ກຳ​ສະ­ອາດ ເພື່ອ ບໍ­ລິ­ໂພກ​ພາຍ​ໃນ ແລະ​ສົ່ງ​ອອກ ສົ່ງ ເສີມ​ການ​ຜະ­ລິດ​ສິນ­ຄ້າ, ບໍ­ລິ­ການ ຕາມ​ຊາຍ​ແດນ, ຕາມ​ແລວ​ທາງ ເສດ­ຖະ­ກິດ​ເໜືອ-ໃຕ້, ສົ່ງ­ເສີມ​ການ ຜະ­ລິດ​ທີ່​ປະ­ຊາ­ຊົນ​ມີ​ມູນ­ເຊື້ອ ແລະ ມີ​ທ່າ­ແຮງ​ເປັນ­ຕົ້ນ ເຄື່ອງ​ທີ່​ລະ­ນຶກ ເພື່ອ​ບໍ­ລິ­ການ​ນັກ​ທ່ອງ​ທ່ຽວ ພ້ອມ ດຽວ​ກັນ​ນັ້ນ, ທັງ​ເປັນ​ການ​ສ້າງ​ຄວາມ​ສາ­ມາດ​ຂອງ​ວິ​ສາ​ຫະ​ກິດ ຂະ­ໜາດ​ກາງ ແລະ ຂະ­ໜາດ​ນ້ອຍ ໃຫ້​ເຂົ້າ​ເຖິງ​ຕະ­ຫຼາດ​ຫຼາຍ​ຂຶ້ນ​ກວ່າ ເກົ່າ​ເປັນ​ການ​ສົ່ງ­ເສີມ​ການ​ທ່ອງ ທ່ຽວ​ຕາມ​ຊາຍ​ແດນ, ການ​ບໍ​ລິ ການ​ນັກ​ທ່ອງ​ທ່ຽວ ແລະ​ພັດ​ທະ ນາ​ການ­ທ່ອງ­ທ່ຽວ​ເຊື່ອມ​ຕໍ່​ກັບ​ປະ ເທດ​ໃກ້​ຄຽງ, ພັດ­ທະ­ນາ​ຈຸດ​ພັກ ເຊົາ​ທີ່​ສາ­ມາດ​ດຶງ​ດູດ​ຜູ້​ຄົນ​ໃຫ້ ທ່ຽວ​ຊົມ​ທຳ​ມະ​ຊາດ ແລະ​ວັດ​ທະ ນະ​ທຳ​ຕາມ​ແລວ​ທາງ​ອີກ​ດ້ວຍ.

    ທັງ​ໝົດ​ນີ້, ກໍ​ເພື່ອ​ຈັດ​ຕັ້ງ​ຜັນ​ຂະ ຫຍາຍ​ເນື້ອ​ໃນ​ບາງ​ຕອນ​ຂອງ ທ່ານ ທອງ​ສິງ ທຳ​ມະ​ວົງ ນາ­ຍົກ ລັດ­ຖະ­ມົນ­ຕີ ແຫ່ງ ສປປ ລາວ ທີ່ ໄດ້​ກ່າວ​ຢູ່​ໃນ​ກອງ​ປະ­ຊຸມ​ລັດ​ຖະ ມົນ­ຕີ​ຂົນ­ສົ່ງ​ອາ​ຊຽນ​ຄັ້ງ​ທີ 19 ບວກຄູ່​ເຈລະ­ຈາ 3 ປະ­ເທດ ຄື: ສປ ຈີນ, ຍີ່­ປຸ່ນ ແລະ ສ.ເກົາ­ຫຼີ ທີ່​ໄດ້ ໄຂ​ຂຶ້ນ​ໃນ​ວັນ​ທີ່ 19 ທັນ­ວາ 2013 ທີ່ ແຂວງ​ຈຳ­ປາ​ສັກ, ສປປ ລາວ ທີ່​ໄດ້​ກ່າວ​ວ່າ “ເພື່ອ​ແນ­ໃສ່​ຫັນ​ເອົາ ຈຸດ​ພິ­ເສດ​ທາງ​ດ້ານ​ທີ່​ຕັ້ງ​ພູມ​ສາດ ເປັນ​ທ່າ­ແຮງ​ເຂົ້າ​ໃນ​ການ​ພັດ​ທະ ນາ​ຂອງ​ປະ­ເທດ ໃຫ້​ກາຍ­ເປັນ​ກາ ລະ​ໂອ­ກາດ​ທີ່​ເອື້ອ​ອຳ­ນວຍ​ໃຫ້​ແກ່ ການ​ພັດ­ທະ­ນາ ໂດຍ​ລວມ​ຂອງ ຕົນ​ຕະ­ຫຼອດ​ໄລ­ຍະ​ທີ່​ຜ່ານ​ມາ​ລັດ ຖະ​ບານ ຈິ່ງ​ໄດ້​ກຳ­ນົດ​ທິດ​ທາງ​ຫັນ ສປປ ລາວ ເປັນ​ປະ­ເທດ​ບໍ­ລິ­ການ ທາງ​ຜ່ານ​ຂອງ​ອະ­ນຸ​ພາກ​ພື້ນ​ເຂົ້າ ໃນ​ແຜນ​ຍຸດ​ທະ​ສາດ​ການ​ພັດ­ທະ­ນາ ຂອງ​ຕົນ​ຮອດ​ປີ 2020 ໃນ​ນັ້ນ ວຽກ​ງານ​ເຊື່ອມ​ຈອດ​ອາ​ຊຽນ ເປັນ​ວຽກ​ບຸ­ລິ­ມະ­ສິດ​ອັນ​ດັບ​ໜຶ່ງ ໃນ​ຂະ​ບວນ​ວິ­ວັດ​ແຫ່ງ​ການ​ເຊື່ອມ ໂຍງ​ຂອງ ສປປ ລາວ ກັບ​ພາກ​ພື້ນ ແລະ​ສາ­ກົນ” ແລະ​ຍັງ​ເປັນ​ການ ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ຄົບ ຄະ­ນະ ຄັ້ງ​ທີ 6 (ສະ­ໄໝ​ທີ IX) ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ ພັກ ຄັ້ງ​ວັນ​ທີ 6-16 ພຶດ­ສະ­ພາ 2013 ທີ່​ວ່າ “ສຸມ​ໃສ່​ປັບ­ປຸງ ແລະ ກໍ່­ສ້າງ​ພື້ນ­ຖານ​ເສດ­ຖະ­ກິດ​ໃຫ້​ໜັກ ແໜ້ນ ໂດຍ​ນຳ​ໃຊ້​ທ່າ­ແຮງ​ໄດ້​ປຽບ ຂອງ​ປະ­ເທດ​ເຮົາ​ໃນ​ການ​ເຊື່ອມ ໂຍງ​ກັບ​ເສດ­ຖະ­ກິດ​ອາ​ຊຽນ ພ້ອມທັງ​ສືບ­ຕໍ່​ບຸກ​ທະ­ລຸ​ວຽກ​ງານ​ການ ຕ່າງ­ປະ­ເທດ, ເປີດ​ກວ້າງ​ການ ຮ່ວມ​ມື​ໂດຍ​ຢຶດ​ໝັ້ນ​ແນວ­ທາງ ການ​ຕ່າງ­ປະ­ເທດ​ທີ່​ພັກ​ວາງ​ອອກ; ເຊີດ​ຊູ ແລະ​ເສີມ​ຂະ­ຫຍາຍ​ບົດ­ບາດ ອິດ​ທິ​ພົນ ຂອງ ສປປ ລາວ​ໃນ​ພາກ ພື້ນ ແລະ​ສາ­ກົນ ເພື່ອ​ເສີມ​ຄວາມ ເຊື່ອ​ໝັ້ນ​ຕໍ່​ຕ່າງ­ປະ­ເທດ​ປະ­ກອບ ສ່ວນ​ສຳ­ຄັນ​ເຂົ້າ​ໃນ​ການ​ຍາດ​ແຍ່ງ ການ​ຮ່ວມ​ມື ແລະ​ເປີດ​ກວ້າງ​ກັບ ເສດ­ຖະ­ກິດ​ຕ່າງ­ປະ­ເທດ”.

ທີ່ມາ ເສດຖະກິດ-ສັງຄົມ

ຄວາມຄິດເຫັນຂອງຜູ້ອ່ານ (0)