GMT+7 27/05/2018 12:19

ຮຮ.ປະຖົມນາທົ່ງປໍ ເມືອງຊ່ອນ ໄດ້ຮັບການຊ່ວຍເຫຼືອອຸປະກອນການຮຽນ ຈາກບໍລິສັດຊີມັງສາກົນລາວ – ຈີນ ອາງຊື

 

ໃນຕອນເຊົ້້າວັນທີ 10 ພຶດສະພາ 2018 ຜ່ານມາ ໂຮງຮຽນປະຖົມນາທົ່ງປໍ ເມືອງຊ່ອນ ແຂວງຫົວພັນ ໄດ້ຮັບເຄື່ອງຊ່ວຍເຫຼືອຈາກບໍ່ລິສັດຊີມັງສາກົນ ລາວ – ຈີນ ອາງຊື ຈໍາກັດ ລວມມູນຄ່າທັງໝົດ: 6.600.000 ກີບ ພິທີໄດ້ຈັດຂຶ້ນຢູ່ທີ່ໂຮງຮຽນດັ່ງກ່າວ ໂດຍເປັນກຽດເຂົ້້າຮ່ວມຂອງ ທ່ານ ສິງພອນ ເລືອງຄໍາມາ ກໍາມະການພັກແຂວງ ເລຂາພັກເມືອງ ເຈົ້າເມືອງໆຊ່ອນ, ຫົວໜ້າຫ້ອງການສຶກສາທິການ ແລະ ກິລາເມືອງ, ຜູ້ອຳນວຍການ ບໍລິສັດ ຊີມັງສາກົນ ລາວ – ຈີນ ອາງຊື ຈໍາກັດ ພ້ອມດ້ວຍທີມງານ, ຜູ້ອຳນວຍການໂຮງຮຽນປະຖົມນາທົ່ງປໍ ພ້ອມດ້ວຍພະນັກງານ ຄູ-ອາຈານ ຕະຫຼອດຮອດນ້ອງຫຼານນັກຮຽນເຂົ້າຮ່ວມຢ່າງພ້ອມພຽງ
ໂອກາດດັ່ງກ່າວ ທ່ານ ເຊຍຈິງຊາງ ຜູ້ອຳນວຍການ ບໍລິສັດ ຊີມັງສາກົນ ລາວ – ຈີນ ອາງຊື ຈໍາກັດ ໄດ້ມີຄຳເຫັນກ່ວາຈຸດປະສົງຂອງການມາມອບເຄື່ອງໃນຄັ້ງນີ້ໃຫ້ຮູ້ວ່າ: ເພື່ອຕອບສະໜອງຕາມຄວາມຕ້ອງການ, ຄວາມຂາດເຂີນທາງດ້ານສື່ເອເລັກໂຕຣນິກ ແລະ ອຸປະກອນ ການຮຽນ-ການສອນ ຕ່າງໆ ແລະ ເພື່ອເຮັດໃຫ້ການຈັດຕັ້ງປະຕິບັດວຽກງານ ການຮຽນ-ການສອນ ຂອງໂຮງຮຽນປະຖົມນາທົ່ງປໍ ໄດ້ມີອຸປະກອນຮັບໃຊ້ທີ່ສະດວກເຂົ້າໃນການຈັດຕັ້ງ ການຮຽນ-ການສອນ ໃຫ້ດີຂຶ້ນກ່ວານັ້ນ ເຫັນວ່າມີຄວາມຂາດເຂີນ ແລະ ຈຳທີ່ສຸດ ສະນັ້ນທາງຜູ້ອຳນວຍການ ບໍລິສັດ ຊີມັງສາກົນ ລາວ – ຈີນ ອາງຊື ຈໍາກັດ ຈິ່ງໄດ້ປຶກສາຄົ້ນຄ້ວາກັບທີມງານເພື່ອນນໍາເອົາ ຄອມພິວເຕີ ( ໂນດບຸກ ) 1 ຊຸດ, ປຣິນເຕີ 1 ຊຸດ, ອຸປະກອນການຮຽນ – ການສອນ ຈໍານວນໜຶ່ງ ລວມມູນຄ່າ 6,600,000 ກີບ ມາມອບໃຫ້ໂຮງຮຽນດັ່ງກ່າວເພື່ອເຮັດໃຫ້ ພະນັກງານ ຄູ-ອາຈານ ແລະ ນ້ອງຫຼານນັກຮຽນ ໄດ້ມີອຸປະກອນຮັບໃຊ້ຢ່າງສະດວກຂຶ້ນ.

ໂອກາດດຽວກັນ ທ່ານ ເຊຍຈິງຊາງ ຜູ້ອຳນວຍການ ບໍລິສັດ ຊີມັງສາກົນ ລາວ – ຈີນ ອາງຊື ຈໍາກັດ ໄດ້ມອບເຄື່ອງຈຳນວນດັ່ງກ່າວນັ້ນໃຫ້ ໂຮງຮຽນປະຖົມນາທົ່ງປໍ ກ່າວຮັບໂດຍ: ອາຈານ ລິນທອງເພັດ ຫົວໜ້າໂຮຽນປະຖົມບ້ານນາທົ່ງປໍ
ຕອນທ້າຍພິທີ ທ່ານສິງພອນ ເລືອງຄຳມາ ກຳມະການພັກແຂວງ ເລຂາພັກເມືອງເຈົ້າເມືອງຊ່ອນ ຍັງໄດ້ມອບໃບຍ້ອງຍໍຂອງທ່ານເຈົ້າເມືອງ ເມືອງຊ່ອນ ໃຫ້ແກ່ ທ່ານ ເຊຍຈິງຊາງ ຜູ້ອຳນວຍການ ບໍລິສັດ ຊີມັງສາກົນ ລາວ – ຈີນ ອາງຊື ຈໍາກັດ ຢ່າງສົມກຽດ ພ້ອມທັງກ່າວຂໍຂອບອົກຂອບໃຈ ແລະ ສະແດງຄວາມຮູ້ບຸນຄຸນມາຍັງຜູ້ອຳນວຍການ ບໍລິສັດຊີມັງສາກົນລາວ – ຈີນ ອາງຊືຈໍາກັດ ພ້ອມທີມງານທີ່ປຸກລະດົມ ແລະ ຊອກຫາທຶນຮອນຕ່າງໆ ມາຊ່ວຍເຫຼືອ ແລະ ມອບໃຫ້ ໂຮງຮຽນນາທົ່ງປໍ ເມືອງຊ່ອນ ໃນຄັ້ງນີ້.

 

ແຫຼ່ງຂ່າວ: ລາວອັບເດດ

 


 

ຄວາມຄິດເຫັນຂອງຜູ້ອ່ານ (0)