GMT+7 27/05/2018 12:18

ຊາຍໜຸ່ມໃຊ້ເງິນຫຼາຍກວ່າ 2 ລ້ານບາດ ເພື່ອຜ່າຕັດໂຕເອງໃຫ້ຄືກັບ “ ມະນຸດເອລ໌ ”

 

 

ເດລີ່ເມລໄດ້ລາຍງານວ່າ ທ້າວ ຫຼຸຍ ພາດອນ ອາຍຸ 26 ປີ ຈາກເມືອງບົວໂນສໄອເຣສ ປະເທດອາເຈຕິນາ ໃຊ້ເງິນໄປແລ້ວກວ່າສອງລ້ານບາດ ໃນການຜ່າຕັດຫຼາຍຄັ້ງເພື່ອຈະເຮັດໃຫ້ລາວມີລັກສະນະທີ່ຄ້າຍຄືກັບ ພຣີອິດຽນມະນຸດຕ່າງດາວ ໂດຍລາວເຊື່ອວ່າລາວເປັນແບບນັ້ນ ດ້ວຍດວງຕາທີ່ໃຫຍ່, ຫູແຫຼມ, ຜົມຂາວ. ຫຼັງຈາກການຜ່າຕັດຄັ້ງລ້າສຸດ ລາວໄດ້ຜ່າຕັດຄາງກະໄຕ ເພື່ອຈະເຮັດໃຫ້ໂຕລາວຄ້າຍຄືກັບໜັງ ເລື່ອງ ອະນິເມະ ຫຼື ກາຕູນຍີ່ປຸ່ນຫຼາຍຂຶ້ນ ນອກຈາກນັ້ນລາວຍັງໄດ້ບອກຕື່ມອີກວ່າ ພ້ອມແລ້ວສຳລັບການຜ່າຕັດຄັ້ງຕໍ່ໄປ. ທ້າວ ຫຼຸຍ ເວົ້າວ່າ ໃນອານາຄົດ ລາວຢາກຈະຜ່າຕັດອີກຄັ້ງ ເພື່ອຈະຫຼຸດຂະໜາດລູກກະເດືອກລົງ ແລະ ຈະເຮັດດວງໃຫ້ຄືກັບແມວ (ລວມທັງສີຂອງໜ່ວຍຕາ)

ຄວາມຕ້ອງການຂອງລາວຍັງບໍ່ຈົບພຽງເທົ່ານີ້ ທ້າວຫຼຸຍ ລາວຕ້ອງການໃຫ້ໃບໜ້າຂອງລາວນ້ອຍກວ່ານີ້ ແລະ ຍັງຍາກມີແຂ້ວອີກດ້ວຍ ເຊິ່ງລາວໄດ້ຂໍໃຫ້ທ່ານໝໍສັນຍະກຳຫຼາຍຄົນມາຜ່າຕັດໃຫ້ກັບລາວ ແຕ່ທ່ານໝໍຫຼາຍຄົນໄດ້ປະຕິເສດ ຫລັງຈາກທີ່ລາວໄດ້ພົບກັບ ໄຊນ໌ ເອສເຕສຕິກາ ມາມາເລຍ ໃນບົວໂນດໄອເຣສ ທ້າວຫຼຸຍລາວໄດ້ພົບທ່ານໝໍສັນຍະກຳທີ່ເຕັມໃຈຈະຜ່າຕັດໃຫ້ກັບລາວ, ທ້າວຫຼຸຍ ລາວໄດ້ຢືນຢັນວ່າ ການປ່ຽນໂຕເອງໃຫ້ເປັນເອລ້ຽນນີ້ກໍ່ເພື່ອລາວຄົນດຽວບໍ່ໄດ້ເພື່ອໃຜ

ໃນຕອນທີ່ລາວເປັນໄວລຸ້ນ ລາວກໍ່ຮູ້ຈັກສິ່ງທີ່ມີຊີວິດທີ່ເອີ້ນວ່າ ພຣີອິດ້ຽນ ພວກເຂົາເປັນມະນຸດທີ່ສົມບູນແບບມາຈາກຕ່າງດາວ ເຊິ່ງພວກເຂົາມີສ່ວນຜະສົມລະຫວ່າງເອລ໌ ແລະ ເອລ້ຽນ ພວກເຂົາຈ່ອຍ, ສູງ, ມີຜົມຍາວສີນໍ້າເງິນ ແລະ ມີດວງຕາໃຫຍ່, ຖ້າລາວຢາກເປັນແບບນັ້ນລາວຕ້ອງໄດ້ຜ່າຕັດປະມານ 40 ຂັ້ນຕອນ ກວ່າຈະມາເຖິງບ່ອນນີ້, ບາງຂັ້ນຕອນກໍ່ໃຫຍ່ຫຼາຍ, ບາງຂັ້ນຕອນກໍ່ພຽງເລັກໜ້ອຍ ແລະ ລາວໄດ້ໃຊ້ເງິນໄປປະມານ ສອງລ້ານບາດ. ໃນເວລາພຽງ 5 ປີ ທ້າວຫຼຸຍ ສາມາດປ່ຽນສີດວງຕາຂອງລາວເອງມາແລ້ວ 6 ຄັ້ງ, ເຮັດດັງສອງຄັ້ງ, ສິດຟິລເລີຫຼາຍຄັ້ງ ແລະ ປ່ຽນຮູບຮ່າງຂອງຫູລາວໃຫ້ແຫຼມຄືກັບເອລ໌ ແລະ ຍອມຜົມໃຫ້ເປັນສີຂາວອາທິດລະເທື່ອ ແຕ່ລາວຕ້ອງການປູກຖ່າຍຜົມໃໝ່ ດັ່ງນັ້ນຈຶ່ງໄດ້ຕັດມັນອອກ ແລະ ປ່ອຍໃຫ້ມັນຍາວ. ຄັ້ງລ້າສຸດ ທ້າວຫຼຸຍ ໄດ້ເດີນທາງໄປເກົາຫຼີໃຕ້ເພື່ອຈະຜ່າຕັດໃຫ້ລາວມີຮູບກ້າມຄືກັບໜັງເລື່ອງ ອະນິເມະ

ດ້ວຍການໃຊ້ຜະລິດຕະພັນພິເສດສຳລັບຜິວໜ້າ ແລະ ຄຣີມກັນແດດ 100 ເອສພີເອບ ທ້າວຫຼຸຍຍັງສາມາດຮັກສາຜິວຂອງລາວໃຫ້ຈຶດໄດ້ ແລະ ລາວເຮັດໃຫ້ມັນສົມບູນແບບດ້ວຍການແຕ່ງໂຕດ້ວຍເສື້ອຄຸມທີ່ລາວຊື້ທາງອອນລາຍ ແລະ ຄອນແທັກເລນແບບພິເສດ. ທ້າວຫຼຸຍ ລາວມີຄອນແທັກເລນ 500 ແບບ ເຊິ່ງລາວກໍ່ໃສ່ມັນຕະຫຼອດເວລາ ລາວມີຮູບຮ່າງທີ່ແຕກຕ່າງລວມເຖິງ ສີ, ຂະໜາດ, ທ້າວຫຼຸຍ ລາວຫຼົງໄຫຼໃນໂລກແຟນຕາຊີມາຕັ້ງແຕ່ນ້ອຍໆ ແລະ ລາວເຊື່ອວ່າ ການແຕ່ງໂຕເປັນເອລ໌ເຮັດໃຫ້ລາວມີຄວາມໝັ້ນໃຈຫຼາຍຂຶ້ນ.

 

 

 

 

 

 

ຂໍ້ມູນຈ: dailymail

 

 

ຄວາມຄິດເຫັນຂອງຜູ້ອ່ານ (0)