GMT+7 26/05/2018 15:06

ຈີນເພີ່ມມາດຕະການ ກວດຊີ້ນຫມູ-ລົດໃຫຍ່ສະຫະລັດຍ່າງເຂັ້ມງວດ

 

 

ລັດຖະບານປັກກິ່ງເພີ່ມຄວາມເຂັ້ມງວດມາດຕະການກວດສອບຄຸນນະພາບຊີ້ນຫມູ ແລະ ລົດໃຫຍ່ນຳເຂົ້າຈາກສະຫະລັດ ໃນຂະນະທີ່ເຈົ້າຫນ້າທີ່ລະດັບສູງດ້ານນະໂຍບາຍເສດຖະກິດ ແລະ ການຄ້າຂອງທັງສອງປະເທດ ກຽມຫາລືຄັ້ງໃຫມ່ ເພື່ອຄີ່ຄາຍຄວາມຂັດແຍ່ງ

ສຳນັກຂ່າວຕ່າງປະເທດລາຍງານຈາກກຸງປັກກິ່ງ ປະເທດຈີນເມື່ອວັນທີ 17ພຶດສະພາວ່າ: ສຳນັກງານສຸລາກາກອນຈີນ ລາຍງານເມື່ອວັນພຸດເລື່ອງການເພີ່ມມາດຕະການເຂັ້ມງວດໃນການກວດສອບຄຸນນະພາບຊີ້ນຫມູທີ່ສົ່ງອອກ ຈາກສະຫະລັດ ຫລັງໄດ້ຮັບການຮ້ອງຮຽນຈາກຫລາຍຝ່າຍໂດຍຂະບວນການກວດສອບເປັນໄປຕາມມາດຕະຖານສາກົນ ແລະ ບໍ່ມີການເປີດເຜີຍຂໍ້ມູນເພີ່ມເຕີມກ່ຽວກັບເລື່ອງນີ້ ແຕ່ລະບຸວ່ານອກຈາກຊີ້ນຫມູແລ້ວເຈົ້າຫນ້າທີ່ຍັງເພີ່ມ ຄວາມເຂັ້ມງວດຕໍ່ການກວດສອບຄຸນນະພາບຂອງລົດໃຫຍ່ທີ່ສົ່ງອອກມາຈາກສະຫະລັດອີກດ້ວຍ

ທັງນີ້ລາຍງານຂອງຈີເອຊີຊີເຜີຍອີກວ່າ: ໃນຊ່ວງ 4ເດືອນທຳອິດມີລົດໃຫຍ່ຂອງສະຫະລັດທັງຫມົດ 4,360ຄັນ ບໍ່ຜ່ານການກວດສອບຄຸນນະພາບ ຄິດເປັນມູນຄ່າປະມານ 312,5ລ້ານໂດລາສະຫະລັດ ທ່າມກາງລາຍງານຫລາຍກະແສທີ່ອ້າງ ຂໍ້ມູນຈາກແຫລ່ງຂ່າວວ່າ: ສິນຄ້າທີ່ໄດ້ຮັບສ່ວນໃຫຍ່ເປັນລົດໃຫຍ່ຍີ່ຫໍ່ຟອດ ດ້ານສຳນັກງານໃຫຍ່ຂອງບໍລິສັດຟອດ ມໍເຕີ ທີ່ເມືອງເດຍບອນ ໃນລັດມິຊິແກນ ສະແດງທ່າທີພຽງວ່າກຳລັງຕິດຕາມສະຖານະການຍ່າງໃກ້ຊິດ

 

 

ຂໍ້ມູນຈາກ: ເດລິນີວ

 

ຄວາມຄິດເຫັນຂອງຜູ້ອ່ານ (0)