GMT+7 27/05/2018 12:18

12 ສະຫມຸນໄພດີໆ ເພື່ອສຸຂະພາບ ຜູ້ສູງອາຍຸ

 

ຂຶ້ນຊື່ວ່າສະໝຸນໄພແລ້ວທຸກຄົນຕ້ອງຄິດເຖິງຂໍ້ດີຂອງສະໝຸນໄພທີ່ຊ່ວຍບໍາລຸງສຸຂະພາບ ແລະ ນີ້ກໍ່ແມ່ນສະໝຸນໄພທີ່ດີຕໍ່ສຸ ຂະພາບຜູ້ສູງອາຍຸບັນເທົາໂລກໄພຊ່ວຍໃຫ້ຜູ້ສູງອາຍຸມີຊີວິດທີ່ຢືນຍາວ.

ເມື່ອຄົນເຮົາອາຍຸຫຼາຍຂຶ້ນສຸຂະພາບຮ່າງກາຍທີ່ເຄີຍແຂງແຮງກໍ່ຄ່ອຍໆຫຼົ່ນລົງຕາມໄວ ບັນຫາສຸຂະພາບຕ່າງໆກໍ່ເຂົ້າມາເຊັ່ນ ກຸ່ມອາການທີ່ເກີດຈາກການເຊື່ອມສະພາບຂອງຮ່າງກາຍບໍ່ວ່າຈະເປັນສະໝອງເຊື່ອມສາຍຕາຟ້າຝາງ ຫຼື ກະດູກແລະຂໍ້ ເຊື່ອມ ລວມໄປເຖິງພະຍາດຕ່າງໆເຊັ່ນ ຄວາມດັນເລືອດສູງ, ໄຂມັນໃນເລືອດສູງ, ນໍ້າຕານໃນເລືອດສູງເປັນຕົ້ນ ຍັງບໍ່ລວມ ອາການອ່ອນເພຍທີ່ເກີດຂຶ້ນໄດ້ງ່າຍຈາກຜູ້ສູງອາຍຸອີກດ້ວຍ ຊຶ່ງອາການເຫຼົ່ານີ້ເຖິງວ່າຈະໃຊ້ຢາທີ່ແພດເອົາໃຫ້ຮັກສາໃນປະຈຸ ບັນໄດ້ແຕ່ການກິນຢາຫຼາຍໆກໍ່ຈະບໍ່ດີຕໍ່ສຸຂະພາບຜູ້ສູງອາຍຸຫຼາຍ.

ອີກທາງເລືອກໜຶ່ງທີ່ໜ້າສົນໃຈຈຶ່ງກາຍເປັນສະໝຸນໄພໂດຍສະເພາະສະໝຸນໄພທີ່ຫຼາກຫຼາຍດ້ວຍສັບພະຄຸນຕໍ່ສຸຂະພາບແບບທີ່ວາລະສານຂີວະຈິດຄັດເລືອກມາແລ້ວວ່າເປັນຢາດີໃກ້ຕົວທີ່ເໝາະກັບຜູ້ອາຍຸສູງອີກທັງຍັງມີສັບພະຄຸນດີໆທີ່ນອກຈາກຈະຊ່ວຍຮັກສາພະຍາດໃຫ້ຜູ້ອາຍຸສູງແລ້ວ ຍັງໃຊ້ບໍາລຸງຮ່າງກາຍກໍ່ໄດ້ຄືກັນດ້ວຍວິທີແບບງ່າຍໆໃຫ້ໄດ້ລອງໄປເຮັດນໍາໄດ້ເດີ.

1. ຜັກໝອກ
ໃຊ້ຕົ້ນຜັກໝອກສົດມີສັບພະຄຸນຊ່ວຍຫລຸດຄວາມດັນເລືອດໄດ້ນອກຈາກນີ້ຍັງໃຊ້ບໍາລຸງກໍາລັງ,ຫົວໃຈແກ້ອ່ອນເພຍ ເມື່ອຍຕາມຕົນຕົວໄດ້ດີ ໃຊ້ຕົ້ນສົດໆ 30-40 ກຣາມປະສົມກັບນໍ້າ 1 ຈອກ(ປະມານ 250 ຊີຊີ) ຄັ້ນ ແລະ ຕອງເອົາແຕ່ນໍ້າດື່ມ ຕິດຕໍ່ກັນ 5-7 ມື້

2. ກະທຽມ
ນໍ້າກະທຽມສົດຂະໜາດກາງ 1-2 ກີບ (5 ກຣາມ) ມາສັບຫຼືບົດ ແລະ ຕອງໃຫ້ໄດ້ 1 ບ່ວງຊາກິນພ້ອມອາຫານມື້ລະ 3 ເວລາ ມີຂໍ້ຄວນລະວັງຄືບໍ່ຄວນກິນຕອນທ້ອງວ່າງ ເພາະຈະເຮັດໃຫ້ເຄືອງກະເພາະອາຫານໄດ້.

3. ໝາກຜັກໄຊ
ໃຊ້ໝາກສົດໆ 8-10 ໜ່ວຍຜ່າແລະເອົາເມັດອອກສັບໃຫ້ແຫລກແລ້ວຕື່ມນໍ້າລົງໄຫເຫຼັກນ້ອຍຕອງນໍ້າມາກິນ ກິນທຸກມື້ ກິນມື້ລະ 3 ເວລາຫຼັງອາຫານຕິດຕໍ່ກັນຢ່າງໜ້ອຍໜຶ່ງເດືອນຈົນກວ່າລະດັບນໍ້າຕານໃນເລືອດຈະຫລຸດລົງ ຫາກພົບວ່ານໍ້າທີ່ ຄັ້ນມີລົດຂົມຫຼາຍເກີນໄປໃຫ້ນໍາມາລວກນໍ້າຮ້ອນ ແລະ ກິນກັບແຈ່ວແທນ.

4. ຜັກຕໍານິນ
ເອົາຍອດຕໍານິນສົດໆປະມານ 1 ກໍາມື ລວກພໍສຸກໃຊ້ເປັນຜັກຈໍ້າແຈ່ວຫຼືເອົາໄປປຸງອາ ຫານອື່ນໆ ກິນຕິດຕໍ່ກັນເປັນເວລາ 1-3 ເດືອນ ຫຼື ຈົນກວ່າລະດັບນໍ້າຕານໃນເລືອດຈະຫລຸດລົງ.

5. ສົ້ມພໍດີແດງ
ເອົາກີບດອກສີມ່ວງໄປຕາກແຫ້ງແລະບົດເປັນຖົງໃຊ້ຄັ້ງລະ 1 ບ່ວງຊາ ປຸງກັບນໍ້າຮ້ອນ 1 ຈອກ (205 ຊີຊີ) ກິນມື້ລະ 3 ຄັ້ງ ຕິດຕໍ່ກັນທຸກມື້ຈົນກວ່າອາການຈະດີຂຶ້ນ ນອກ ຈາກນີ້ຍັງມີສັບພະຄຸນແກ້ອ່ອນເພຍ,ບໍາລຸງກໍາລັງ,ບໍາລຸງທາດບໍາລຸງເລືອດ ແລະ ຫລຸດອຸນຫະພູມໃນຮ່າງກາຍໄດ້.

6. ໝາກນອດ
ເອົາໝາກທີ່ແກ່ໆລ້າງໃຫ້ສະອາດແລະຜ່າເຄິ່ງເອົາແຕ່ໃນມັນມາຄັ້ນເອົາແຕ່ນໍ້າກິນແບບສົດໆ ຫຼື ປຸງໃສ່ເກືອ ແລະ ນໍ້າຕານ ໜ້ອຍໜຶ່ງກິນເປັນນໍ້າໝາກໄມ້ ແລະ ມີສັບພະຄຸນອື່ນໆເຊັ່ນບໍາລຸງຜິວພັນໄດ້ເປັ່ງປະກາຍສົດໃສມີສານຕ້ານອະນຸມູນອິດສະ ຫຼະ ແລະຊ່ວຍເສີມສ້າງພູມຄຸ້ມກັນໃຫ້ແກ່ຮ່າງກາຍ.

7. ໃບເຕີຍຫອມ
ເອົາໃບແກ່ໆຈັກ 10 ໃບມາປັ້ນຕາກແດດແລ້ວເຮັດກິນແບບຊາຫຼືໝໍ້ດິນຕົ້ມ ກິນຕ່າງນໍ້າທຸກມື້ ຄວນກິນຕໍ່ເນື່ອງກັນຢ່າງ ໜ້ອຍ 1 ເດືອນຂຶ້ນໄປຈິ່ງຈະເຫັນຜົນ ນອກຈາກຊ່ວຍບັນເທົາໂລກເບົາຫວານແລ້ວຍັງເປັນຢາບໍາລຸງຫົວໃຈຖ່າຍເບົາສະ ດວກ ແລະ ແກ້ການເຊື່ອມໂຊມຂອງຮ່າງກາຍໄດ້ອີກດ້ວຍ.

8. ກະເພົາ
ເອົາໃບສົດໆມາຈັກ ½ ກໍາມື ຫຼື ແບບຕາກແຫ້ງມາບົດເປັນຖົງປະມານ 1 ບ່ວງຊາ ຕໍ່ນໍ້າ 1 ແກ້ວ(ປະມານ 250 ຊີຊີ) ເຮັດ ເປັນຊາດື່ມຫຼັງອາຫານຜົນວິໄຈເຫັນວ່າກະເພົາເຮັດໃຫ້ເຊວຂອງຕັບອ່ອນຜະລິດອິນຊູລິນໄດ້ດີຂຶ້ນເໝາະກັບຜູ້ທີ່ເປັນເບົາຫວານຊັ້ນຕົ້ນ.

9. ຂີ້ຫມິ້ນຂຶ້ນ
ເອົາເຫງົ້າແກ່ສົດໆມາປະມານ 2 ນິ້ວມາຂູດເປືອກລ້າງນໍ້າໃຫ້ສະອາດຕໍາໃຫ້ລະອຽດ ຕື່ມນໍ້າຄັ້ນເອົາແຕ່ນໍ້າກິນເທື່ອລະ 2 ບ່ວງ ມື້ລະ 3-4 ເທື່ອ ຫຼື ກິນແບບແຄບຊູນມື້ລະ 1.000 ກຣາມ ມີການສຶກສາເຫັນວ່າໃນກຸ່ມຄົນອາຊີທີ່ກິນຂີ້ຫມິ້ນຂຶ້ນທຸກມື້ ຈະມີອັດຕາການເປັນຄວາມຈໍາເຊື່ອມນ້ອຍກວ່າຄົນທີ່ຢູ່ໃນແຖບເອີຮົບທີ່ບໍ່ໄດ້ກິນຂີ້ຫມິ້ນຂຶ້ນ 5 ເທົ່າ ນອກຈາກນີ້ຍັງມີສັບ ພະຄຸນຕ້ານມະເຮັງປ້ອງກັນໂລກຫົວໃຈ ແລະ ຫຼອດເລືອດ.

10. ພິກໄທ
ໃຊ້ຖົງທີ່ບົດແລ້ວມາປຸງອາຫານທີ່ກິນເປັນປະຈໍາ ຫຼື ກິນເປັນແຄບຊູນມື້ລະ 1.000 ກຣາມ ພ້ອມກັບອາຫານທຸກມື້ບໍ່ຄວນ ກິນໃນຄະນະທີ່ທ້ອງວ່າງເພາະອາດເຮັດໃຫ້ເຄືອງກະເພາະອາຫານນັກວິໄຈເຫັນວ່າສານພິເພີລີນຢູ່ໃນພິກໄທມີສັບພະຄຸນຕ້ານສະໝອງເຊື່ອມຕ້ານອະນຸມູນອິດສະຫຼະຫລຸດການອັກເສບ ແລະ ຕ້ານມະເຮັງໄດ້ບໍາລຸງທາດ.

11. ໝາກພ້າວ
ກິນນໍ້າຈາກໝາກອ່ອນມື້ລະ 1 ໝ່ວຍ ຜ່າແລ້ວໃຫ້ກິນເລີຍທັນທີບໍ່ຕ້ອງຕື່ມນໍ້າຕານ ນອກຈາກຊ່ວຍບໍາລຸງທາດແລ້ວຍັງ ແກ້ກະຫາຍ, ແກ້ຜິດ, ໄອອອກເລືອດ, ຖອກທ້ອງ ບວມນໍ້າ, ຂັບປັດສະວະ ແລະ ຂັບຫນິ້ວກ້ອນນ້ອຍໆໄດ້ອີກດ້ວຍທີ່ສໍາຄັນ ໃຊ້ກິນເພື່ອອາການບັນເທົາຖອກທ້ອງໃນກໍລະນີຂາດເກືອແຮ່ໄດ້ເລີຍ.

12. ໝາກຕູມ
ເອົາໜ່ວຍໃຫຍ່ເຕັມທີ່ມາຝານເປັນປຽງໆແລ້ວຕາກແຫ້ງຂົ້ວໃຫ້ເຫຼືອງຫອມເອົາໄປໃສ່ນໍ້າກິນ ໂດຍໃຊ້ 2-3 ຕອນ ຕໍ່ນໍ້າ 1 ກາໃສ່ນໍ້າຮ້ອນກິນຕະຫຼອດ ນອກຈາກມີສັບພະຄຸນຊ່ວຍບໍາລຸງທາດແລ້ວຍັງຊ່ວຍຂັບລົມແກ້ຖອກທ້ອງໄດ້ອີກດ້ວຍ.

ຜູ້ສູງອາຍຸເປັນໄວທີ່ຕ້ອງໄດ້ຮັບການເບິ່ງແຍງ ແລະ ໃສ່ໃຈສຸຂະພາບກວ່າໄວອື່ນໆບໍ່ວ່າທາງດ້ານສຸຂະພາບ ແລະ ທາງອາລົມ ດັ່ງນັ້ນບັນດາລູກຫຼານຫຼືຄົນໃກ້ຕົວບໍ່ຄວນປະເລີຍຫຼືເບື່ອໜ່າຍທີ່ຕ້ອງເບີ່ງແຍງຜູ້ສູງອາຍຸເພື່ອທີ່ທ່ານຈະໄດ້ມີຄວາມສຸກ ແລະ ມີສຸຂະພາບທີ່ດີອາຍຸຢືນ.

 

 

ຄວາມຄິດເຫັນຂອງຜູ້ອ່ານ (0)