GMT+7 26/05/2018 14:41

32 ລ້ານບາດຕໍ່ໂພສ໌! ເດິຣ໊ອກຄິດຄ່າໂປຣໂມທຫນັງຄ້າຍໃດກະເປ໋າໜັກຈັດມາ

 

ເຜີຍລາຍໄດ້ ເດິຣ໊ອກ ດເວຍ໌ນ ຈອນສັນ! ຮັບເລີຍເນັ້ນໆ 32 ລ້ານບາດ  ພຽງໂພສໂປໂຫມດຫນັງລົງໂລກອອນລາຍສ່ວນຕົວ

         ແນ່ນອນວ່າການເດີນທາງຕາມຝັນເປັນນັກສະແດງວົງການຮໍລຣີວູດບໍ່ແມ່ນເລື່ອງງ່າຍ ແຕ່ຖ້າປະສົບຄວາມສໍາເລັດໂດ່ງດັງໄດ້ມື້ໃດບອດເລີຍວ່າຄຸ້ມແສນຄຸ້ມ ເພາະຜົນຕອບແທນທີ່ໄດ້ຮັບບໍ່ໄດ້ມີແຕ່ຊື່ສຽງ ແລະ ແຮງສະໜັບສະນູນດີໆ ຈາກແຟນຄລັບເທົ່ານັ້ນ ຍັງລວມໄປເຖິງລາຍໄດ້ຈໍານວນມະຫາສານເຂົ້າກະເປົາໃຫ້ໄດ້ສ້າງເນື້ອສ້າງຕົວ ຈັບຈ່າຍໃຊ້ສອຍກັນສະບາຍໆ ໄປເກືອບທັ້ງຊີວິດເລີຍ

        ຍົກຕົວຢ່າງໃຫ້ເຫັນກັນແຈ້ງໆ ເລີຍກໍ່ຄື ເດິຣ໊ອກ ດເວຍ໌ນ ຈອນສັນ (Dwayne Johnson) ທີ່ຕັ້ງແຕ່ໂດ່ງດັງຈາກບົດ ລຸກ ຮອບສ໌ ໃນໜັງຊຸດ Fast & Furious ກໍ່ມີຜົນງານຕໍ່ມາຢ່າງຕໍ່ເນື່ອງ ແຖມຍັງກວາດເງິນຫຼາກຫລາຍຈົນຂຶ້ນແທນເປັນນັກສະແດງທີ່ໃຜໆ ກໍ່ຕ້ອງການ ພ້ອມກັບລາຄາຄ່າໂຕທີ່ດີດຂຶ້ນແບບສູງສຸດ ຂະໜາດພຽງໂພສໂປໂຫມດຫນັງລົງໂລກອອນລາຍສ່ວນຕົວ ກໍ່ໄຮັບເງິນໄປແລ້ວ 1 ລ້ານ !!

 

 

       ໂດຍເວັບໄຊຕ໌ Vulture ເຜີຍວ່າ ຖ້າ Universal Pictures ຢາກໃຫ້ ເດິຣ໊ອກ ໂພສ໌ກ່ຽວກັບຜົນງານໃຫ່ມເລື່ອງ Red Notice ຕາມເຟຊບຸກ ທະວິດເຕີຣ໌ ຫລືອິນສະຕາແກຣມສ່ວນຕົວ ທາງສະຕູດີໂອຈະຕ້ອງເໝົາຈ່າຍຄ່າໂປຣໂມທໃຫ້ເຂົາຈໍານວນ 1 ລ້ານຫຼຽນສາຫະລັດ ຫລືປະມານ 32 ລ້ານບາດດ້ວຍກັນ

         ທັງນີ້ ກໍ່ເບິ່ງບໍ່ແມ່ນເລື່ອງແປກໃຈຫຍັງທີ່ຄ່າໂຕຂອງດາວບູ໊ຫຸ່ນລໍ້າຈະສູງຂະໜາດນັ້ນ ເພາະຄວາມນິຍົມ ແລະ ຄຸນນະພາບຫນັງຂອງ ເດິຣ໊ອກ ກໍ່ບໍ່ທໍາມະດາເບິ່ງຈາກລາຍໄດ້ລວມຈາກທົ່ວໂລກຂອງຜົນງານເດັ່ນ ອາທິ ຫນັງຊຸດ Fast & Furious ພາກ 5-8 (4,166 ລ້ານຫຼຽນສາຫະລັດ), Jumanji: Welcome to the Jungle (962 ລ້ານຫຼຽນສາຫະລັດ), Moana (643 ລ້ານຫຼຽນສາຫະລັດ), San Andreas (473 ລ້ານຫຼຽນສາຫະລັດ), Rampage (379 ລ້ານຫຼຽນສາຫະລັດ) ແລະ G.I. Joe: Retaliation (375 ລ້ານຫຼຽນສາຫະລັດ)

         ຖ້າໃຜຢາກພິສູດຄວາມເກັງກ້າສາມາດແທ້ຈິງຂອງອ້າຍເພິ່ນ ກໍ່ຢ່າລືມໄປຕີໂຕຕິດຕາມກັນໄດ້ໃນຜົນງານລ່າສຸດ Skyscrapper ຫນັງແອັກຊັ່ນທີ່ຈະພາກັນລຸ້ນຢ່າງໜັກກັບພາລະກິດສ່ຽງຕາຍຊ່ວຍເຫຼືອຄອບຄົວ ແລະ ຜູ້ຄົນໃຫ້ມີຊີວິດລອດຈາກເຫດໄຟໄຫມ້ເທິງຕຶກສູງສຸດສາຍຕາ ກຳານົດສາຍບ້ານເຮົາແລ້ວ ທີ່ 12 ພຶກສະພາ 2018

 

 

 

ຂໍ້ມູນຈາກ: kapook

 

ຄວາມຄິດເຫັນຂອງຜູ້ອ່ານ (0)