GMT+7 26/05/2018 14:54

ພົບກັບແອັບ “ YOUEX ” ຊອກຫາໝູ່ ກິນ, ຫຼິ້ນ, ທ່ຽວ ແຕ່ຫ້າມມີເພດສຳພັນ

 

 

ແອັບພິເຄຊັນ​ສຳລັບ​ຄົນ​ຢາກ​ມີໝູ່​ເພື່ອນ ກິນ, ຫຼິ້ນ, ທ່ຽວ ​ ຫຼື ​ເບິ່ງ​ໜັງ​ ຂໍ​ພຽງແຕ່ປະຕິບັດ​ຕາມ​ເງື່ອນ​ໄຂ​ຄື: ​ຫ້າມ​ຄ້າງ​ຄືນ,​ ຫ້າມ​ມີ​ເພດ​ສຳພັນ,​ ຫ້າມ​ເຮັດ​ເລື່ອງ​ຜິດ​ກົດໝາຍ,​ ຫ້າມ​ດື່ມ​ຂອງ​ມຶນ​ເມົາ​ ແລະ​ ຫ້າມ​ພາ​ໄປ​ໃນ​ສະຖານທີ່​ບໍ່​ເໝາະ​ສົມ.​ ນັດ​ໝູ່ແຕ່ໝູ່ບໍ່ໄດ້ໄປນຳຈົນ​ຕ້ອງ​ໄປ​ ກິນ, ຫຼິ້ນ, ທ່ຽວ​ ຫຼື ​ເບິ່ງ​ໜັງ​ຄົນ​ດຽວ​ຢູ່ຫຼາຍ​ເທື່ອ,​ ຕໍ່ໄປ​ນີ້​ອາດ​ບໍ່​ເກີດ​ຂຶ້ນ​ອີກ​ຕໍ່ໄປ​ເພາະມີໄອເດຍສ້າງສັນໃນແອັບພິເຄຊັນ​ YouEX ມາໃຫ້ໃຊ້ ໂດຍ​ແອັບ​​ທີ່​ວ່ານີ້​ເປີດ​ໂຕ​ມາ​ຕັ້ງ​ແຕ່​ປີ​ 2017 ໃນໄທ ມີ​ການ​ປະ​ຊາ​ສຳພັນ​ຫາຄົ​ນ​ມາ​ຮ່ວມ​ງານ​ ທັງ​ຍິງ ​ແລະ​ຊາຍ​, ກາ​ຣັນ​ຕີ​ໄດ້​ວ່າ ​ງານ​ມີ​ທຸກ​ມື້​ ແຖມ​ລາຍ​ໄດ້​ເລີ່ມ​ຕົ້ນແມ່ນ 2,500 - 8,000 ບາດ ​ຕໍ່​ຄັ້ງ​ອີກ​ດ້ວຍ.​ ພ້ອມທັງສາມາດ​ຄິດ​ລາຄາ​ເອງ​ໄດ້.​ ນອກ​ຈາກ​ນີ້ ຍັງ​ຢືນຢັນ​ອີກ​ວ່າ​ ຫາກ​ໃຜ​ຮັບ​ເຮັດວຽກ​ຈະ​ບໍ່​ເສື່ອມ​ເສຍ​ແນ່ນອນ​ ເພາະ​ບໍ່​ມີ​ການ​ຂາຍ​ບໍລິການ​ປອດ​ໄພ, ມີ​ທີມ​ງານ​ເບິ່ງ​ແຍງ​ ແລະ ​ກວດກາກັ່ນຕອງ​ໃຫ້.​

ຄຳ​ນິຍາມ​ຂອງ​ YouEX ທີ່​ໃຫ້​ໄວ້​ກັບ​ແອັບ​ສະໂຕ​ຂອງ​ແອັບ​ເປິ້ນ​ມັນເປັນ​ບໍລິການ​ສຳລັບ​ຜູ້​ທີ່​ຕ້ອງ​ການ​ໝູ່ກິນ​ເຂົ້າ​, ເບິ່ງ​ໜັງ, ທ່ອງທ່ຽວ​ ພຽງ​ແຕ່ເລືອກ​ປະ​ເພດ​ຂອງວຽກ,​ ວັນ​ເວລາ​ ແລະ ສະຖານ​ທີ່​ ພ້ອມ​ໝູ່​ທີ່​ຕ້ອງ​ການ​ຈະ​ໄປ​ນຳ​ ແລະ​ ຊຳລະ​ເງິນ​ ໂດຍ​ໝູ່​ເປັນ​ບຸກ​ຄົນ​ທີ່​ທາງ​ບໍລິສັດ​ຈັດ​ຫາ​ມາ,​ ມີ​ຄວາມ​ປອດ​ໄພ​, ສຸ​ພາບ​ ແລະ ລົມມ່ວນ​ ເຊິ່ງ​ລູກ​ຄ້າ​ຕ້ອງ​ປະຕິບັດ​ຕາມ​ຂໍ້​ກຳນົດ​ທີ່​ທາງ​ບໍລິສັດ​ມີ​ໄວ້​ຄື:​ ການ​ຊວນ​ໄປ​ແຕ່​ລະຄັ້ງຈະ​ມີໄລຍະເວລາພຽງ​ແຕ່​ 1 ມື້,​ ບໍ່​ມີ​ການ​ຄ້າງ​ຄືນ​, ຕ້ອງ​ບໍ່​ມີ​ເພດ​ສຳພັນ​, ຫ້າມ​ພາ​ໄປ​ດື່ມ​ກິນເຄື່ອງມຶນເມົາຕ່າງໆ​, ຫ້າມ​ເຮັດ​ສິ່ງ​ຜິດ​ກົດໝາຍ​ ແລະ ​ຫ້າມ​ພາ​ໄປ​ໃນ​ສະຖານ​ທີ່​ທີ່​ບໍ່​ເໝາະ​ສົມເປັນຕົ້ນ.​

ເຖິງ​ວ່າ​ແອັບ​ນີ້​ຈະ​ເປີດໂຕ​ຕັ້ງ​ແຕ່​ ປີ​ 2017 ແຕ່​ກຳ​ລັງ​ເປັນ​ທີ່​ກ່າວ​ເຖິງ​ໃນ​ປັດຈຸບັນ​ ຫຼັງ​​ເຟ​ສ​ບຸກ​ຊື່​ "ຣີ​ວິວ​ໃນ​ຣີ​ວິວ​" ໂພສພາບ​ແຜ່ນ​ປ້າຍໂຄສະ​ນາ​ຂະໜາດ​ໃຫຍ່​ຂອງ​ແອັບ​ນີ້​ ພ້ອມ​ຊັກຊວນ​ໃຫ້​ໄປລ​ອງ​ໂຫຼດ​ມາ​ໃຊ້​ແລ້ວ​ຊ່ວຍ​ມາ​ຣີ​ວິວ​ໃຫ້.​ ດັ່ງນັ້ນ ທາງ​ລູກ​ເພກ​ຕ່າງ​ໆກໍ່ສະແດງ​ຄວາມ​ຄິດ​ເຫັນ​ກັນ​ຢ່າງຫຼວງ​ຫຼາຍ​, ແທັກ​ບັນດາ​ໝູ່ເພື່ອນ​​ມາ​ຮ່ວມ​ດ້ວຍ​ຊ່ວຍ​ກັນ​ອອກ​ຄວາມ​ເຫັນ​ນຳ.​

ໃນປະເທດ​ເກົາ​ຫຼີ​ ບໍລິສັດ​ຊອບ​ແວ​​ ກໍ່ມີການສະເໜີ​ໂປຣ​ແກຣມ​ທ່ອງທ່ຽວ​ສຳລັບ​ນັກ​ທ່ອງ​ທ່ຽວ​ຊາວ​ຕ່າງ​ປະເທດ​ໃຫ້​ທ່ອງ​ທ່ຽວ​ກັບ​ "ອົບ​ປ້າ​" ຜ່ານ​ເວັບ​ໄຊ​​ Oh My Oppa ດ້ວຍ​ຈຸດ​ເລີ່ມ​ຕົ້ນ​ມາ​ຈາກ​ນັກ​ທ່ອງ​ທ່ຽວ​ຈຳນວນ​ຫຼາຍ​ທີ່​ມາ​ທ່ຽວ​ເກົາ​ຫຼີ​ແລ້ວ​ຄາດ​ຫວັງ​ຈະ​ພົບ​ຜູ້​ຊາຍ​ທີ່​ມີ​ບຸກຄະລິກຄືກັບ​ ອົບ​ປ້າ​ ໃນ​ຊີ​ຣີ​​ເກົາ​ຫຼີ​ ແຕ່​ຄວາມ​ເປັນ​ຈິງ​ຜູ້​ຊາຍ​ເກົາ​ຫຼີ​ໃນ​ທ້ອງ​ຖະໜົນ​ສ່ວນ​ຫຼາຍ​ບໍ່​ໄດ້ມີລັກສະນະຄືກັບໃນຊີຣີ, ສູງ​ ແລະ ​ມີ​ຄວາມ​ເປ້ນ​ມິດ​ຄືກັບດາລາ​ໂທລະພາບ,​ Oh My Oppa ຈຶ່ງ​ມີ​ຂຶ້ນ​ເພື່ອ​ບໍລິການ​ນັກ​ທ່ອງ​ທ່ຽວ​ທີ່​ມາ​ທ່ຽວ​ເກົາ​ຫຼີ​ ແລະ ​ຄາດ​ຫວັງ​ຈະ​ມີ​ອົບ​ປ້ານຳ​ທ່ຽວ ຫຼື ​ເປັນ​ຜູ້​ນຳ​ທ່ຽວ.​

 

 

 

ຂໍ້ມູນຈາກ: Voice TV

 

 

ຄວາມຄິດເຫັນຂອງຜູ້ອ່ານ (0)