GMT+7 26/05/2018 14:59

8 ນິໄສທີ່ເຮັດໃຫ້ອ້ວນ ຖ້າບໍ່ຢາກຫຸ່ນພັງເຊົາຊະ

 

1. ກິນເຂົ້າໄວ
ກິນເຂົ້າໄວຈົນບໍ່ຫຍ້ຳ ຫຼື ຫຍ້ຳບໍ່ລະອຽດ ເຮັດໃຫ້ບໍ່ຮູ້ສືກອີ່ມ ມັກຈະກິນຫຼາຍກວ່າທີ່ຕ້ອງການ ເພາະກະເພາະຍັງບໍ່ທັນຮັບຮູ້ຄວາມອີ່ມ ຈຶ່ງຄິດວ່າຍັງຮັບອາຫານໄດ້ອີກ ດັ່ງນັ້ນການກິນແບບຄ່ອຍໆກິນຈະເຮັດໃຫ້ອີ່ມໄວ ແລະ ໄດ້ປະລິມານອາຫານທີ່ເໝາະສົມກັບຄວາມຫິວ ແຖມຍັງຮັບຮູ້ລົດຊາດອາຫານໄດດີກວ່າ

2. ເສຍດາຍຂອງກິນ
ນິໄສນີ້ເກີດຈາກຄຳສັ່ງສອນຕ້ອງກິນເຂົ້າໃຫ້ໝົດຈານ ຢ່າເຫຼືອຖິ້ມໄວ້ ອີ່ຕົນຊາວນາທີ່ປູກເຂົ້າກວ່າຈະໄດ້ເມັດໜຶ່ງມາໃຫ້ເຮົາກິນ ເຖິງວ່າຈະອິ່ມກໍ່ຕ້ອງກັດແຂ້ວກິນໃຫ້ໝົດ ເຮັດໃຫ້ເຮົາເປັນຄົນຂີ້ເສຍດາຍ

3. ກິນແກ້ຄຽດ
ນິໄສເປັນກັນຫຼາຍ ບາງຄົນເຮັດໄປໂດຍບໍ່ຮູ້ໂຕ ແລະ ບໍ່ຮູ້ວ່າການລະບາຍຄວາມຄຽດດ້ວຍການກິນນັ້ນອາດສົ່ງຜົນຮ້າຍແຮງເຖິງຂັ້ນເປັນໂລກຈິດ ແລະ ເສບຕິດການແກ້ຄຽດດ້ວຍການກິນ ດັ່ງນັ້ນເມື່ອເກີດຄວາມຄຽດໃຫ້ລອງຫາກິດຈະກຳອື່ນ ເຊັ່ນອອກກຳລັງກາຍ ຍ່າງຫຼີ້ນ ຫຼື ກິດຈະກຳອື່ນໆ

4. ໃຫ້ລາງວັນດ້ວຍການກິນ
ຖືເປັນພຶດຕິກຳປົກກະຕິໃນສັງຄົມປັດຈຸບັນ ເວລາທີ່ດີໃຈ ຫຼື ເຮັດຫຍັງສຳເລັດຕ້ອງມີການນັດສະຫຼອງ ສ້າງສັນຕ່າງໆ ລອງປ່ຽນວິທີການໃຫ້ຂອງຂວັນຕົນເອງດ້ວຍ ການໄປທ່ຽວ ແລະ ອື່ນໆ

5. ກິນອາຫານແລ້ວຕ້ອງຕໍ່ດ້ວຍເຄື່ອງຫວານ
ນິໄສທີ່ກຳລັງກະຈາຍໃນຄົນສ່ວນໃຫຍ່ເພື່ອໃຫ້ຄົບສູດ ຫຼື ການກິນເຄັກ ແລະຂະໜົມຫວານ ແຕ່ຖ້າກິນຂອງຫວານຢ່າງຕໍ່ເນື່ອງ ຫຼື ຕິດເປັນນິໄສໄປແລ້ວ ຢາກໃຫ້ລອງປ່ຽນເປັນຂອງຫວານເປັນໝາກໄມ້ແທນ

6. ຕ້ອງກິນໃຫ້ຄຸ້ມ
ກະແສບຸບເຟ່ມາແຮງສຸດຄຸ້ມ ທີ່ຢູ່ໃນສາຍເລືອດ ຕ້ອງໄປກິນກັນຢູ່ເລື້ອຍໆ ເຊິ່ງການກິນບຸເຟ່ແຕ່ລະຄັ້ງຈະໄດ້ຮັບພະລັງງານຫຼາຍພັນແຄລໍລີ່ ໂດຍສະເພາະຄົນທີ່ຕັ້ງໜ້າຕັ້ງຕາໄປກິນແບບຄຸ້ມເງີນ

7. ຍອມແພ້ຫຍັງງ່າຍໆ
ຂໍ້ນີ້ສຳລັບຄົນທີ່ເຜີກິນຈົນອ້ວນ ແຕ່ພໍເຂົ້າໄປຫຼຸດນ້ຳໜັກ ພົບວ່າການຫຼຸດນ້ຳໜັກໄດ້ຊ້າກໍ່ທໍ້ໃຈ ຫັນກັບໄປເປັນນິໄສແບບເກົ່າ ຍອມຮັບວ່າອ້ວນແບບໃດກໍ່ຈະເຮັດໃຫ້ຈ່ອຍບໍ່ໄດ້ ແຕ່ຖ້າເຮົາຕັ້ງໃຈກໍ່ຈະເຮັດໃຫ້ສຳເລັດ

8. ອອກກຳລັງກາຍແລ້ວກິນຫຼາຍຂຶ້ນ
ນິໄສແບບນີ້ເຮັດໃຫ້ການຫຼຸດນ້ຳໜັກພັງໄປຫຼາຍຄົນແລ້ວ ການອອກກຳລັງກາຍໜັກແລ້ວກັບມາກິນອາຫານໜັກກວ່າເກົ່າ ເພາະຄິດວ່າບໍ່ເປັນຫຍັງເຮົາໄດ້ອອກກຳລັງກາຍໄປແລ້ວ ເປັນຄວາມຄິດທີ່ຜິດຫຼາຍ ຖ້າຢາກຫຼຸດນ້ຳໜັກຕ້ອງດູແລເລື່ອງອາຫານຢ່າງເຄັ່ງຄັດ

 

 

ຄວາມຄິດເຫັນຂອງຜູ້ອ່ານ (0)