GMT+7 26/05/2018 14:56

ພວຕ ແຂວງສາລະວັນ ກັບ ເມືອງຕຸ້ມລານ ເຊັນສັນຍາປັບປຸງ ແລະ ພັດທະນາເວັບໄຊ

 

 

ພະແນກວິທະຍາສາດ ແລະ ເຕັກໂນໂລຊີ (ພວຕ)  ແຂວງສາລະວັນ ກັບ ຫ້ອງວ່າການປົກຄອງເມືອງຕຸ້ມລານ  ໄດ້ເຊັນສັນຍາປັບປຸງ, ອອກແບບເວັບໄຊ ຂອງເມືອງຄືນໃໝ່ ​ໂດຍ​ການ​ຮ່ວມ​ລົງ​ນາມ  ລະຫວ່າງ ທ່ານ  ສີເນີຍ ຄຸນແສງ  ຫົວໜ້າ ຫ້ອງວ່າການປົກຄອງເມືອງ ກັບ ທ່ານ   ພອນສະຫວັນ ໄຊສົງຄາມ ວິຊາການຂະແໜງວິທະຍາສາດ ເຕັກໂນໂລຊີຂໍ້ມູນຂ່າວສານ, ໂດຍມີ ທ່ານ ແຫວນເພັດ ລັດດາວົງ  ຫົວໜ້າ ພະແນກວິທະຍາສາດ ແລະ ເຕັກໂນໂລຊີແຂວງ,  ທ່ານ ຈັນສະໝອນ ພົມມະແສງ ເຈົ້າເມືອງໆຕຸ້ມລານ  ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ  ເປັນສັກຂີພິຍານ.

​ໃນສັນຍາດັ່ງກ່າວ, ສອງຝ່າຍໄດ້ຕົກລົງເຫັນດີໃຫ້  ພະແນກວິທະຍາສາດ ແລະ ເຕັກໂນໂລຊີ   ຈ່າຍເງິນຄ່າອອກແບບ, ປັບປຸງ  ແລະ ພັດທະນາເວັບໄຊ ກ່ອນພ້ອມ ທັງລົງທະບຽນຂໍນຳໃຊ້ Hosting  ແລະ Domain Name ນຳສູນອິນເຕີເນັດແຫ່ງຊາດ,  ກະຊວງໄປສະນີໂທລະຄົມມະນາຄົມ  ແລະ ການສື່ສານ ໃນມູນຄ່າ 4.500.000 ກວ່າກີບ  ໃຫ້ເມືອງຕຸ້ມລານ ໃນການອອກແບບ,  ປັບປຸງ ແລະ ພັດທະນາເວັບໄຊ  ເພື່ອເປັນການຍົກລະດັບວຽກງານ   ການໂຄສະນາຂໍ້ມູນຂ່າວສານ ການພັດທະນາເສດຖະກິດ-ສັງຄົມຂອງເມືອງ  ແລະ ການເຄື່ອນໄຫວຕ່າງໆ ພາຍໃນເມືອງ ໃຫ້ສັງຄົມໄດ້ຮັບຮູ້ຢ່າງກວ້າງຂວາງ  ແລະ ທົ່ວເຖີງ, ວ່ອງໄວ, ທັນເຫດການ.  ​ເຊິ່ງເວັບໄຊຂອງເມືອງຕຸ້ມລານ ມີຊື່ວ່າ:  www.Muangtomlan.gov.la  ແລະ ອົງການປົກຄອງເມືອງຕຸ້ມລານ  ເຫັນດີຊໍາລະເງິນຄືນຄ່າລົງທະບຽນ  ແລະ ອອກແບບເວັບໄຊ ໄລຍະໄຕມາດ 2,  ສົກງົບປະມານ 2018 ເດືອນມິຖຸນາ ນີ້.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)