GMT+7 26/05/2018 15:07

ເດັກນ້ອຍລາວ 160 ຄົນ ໄດ້ການຝຶກເຕະບານ ຂັ້ນພື້ນຂອງສະຫະພັນບານເຕະອາຊີ

 

ໃນວັນທີ 16 ພຶດສະພາ 2018 ສະຫະພັນບານເຕະແຫ່ງຊາດລາວ ໄດ້ຈັດກິດຈະກຳ ສອນບານເຕະຂັ້ນພື້ນຖານຂອງສະຫະພັນບານເຕະອາຊີ ຫຼື AFC Grassroots Football ທີ່ສະໜາມກິລາແຫ່ງຊາດ ຫຼັກ 16 ເຊິ່ງທາງສະຫະພັນບານເຕະແຫ່ງຊາດລາວ ໄດ້ຈັດຂື້ນທຸກໆປີ ເພື່ອເປັນການສົ່ງເສີມບານເຕະໃຫ້ເຍົາວະຊົນຮັກບານເຕະ.

ງານດັ່ງກ່າວມີ ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ແລະ ຮອງປະທານສະຫະພັນບານເຕະແຫ່ງຊາດລາວ ທ່ານ ຄຳໄພ ປຣະເສີດ ໄດ້ເຂົ້າຮ່ວມເປີດ-ປິດ ພິທີ ແລະ ພ້ອມກັບຄູຝຶກຫລາຍທ່ານ ຈາກສະຫະພັນບານເຕະແຫ່ງຊາດລາວ.

ສໍາລັບ ການຝຶກສອນຄັ້ງນີ້ທາງຄູຝຶກໄດ້ມາສອນບານເຕະຂັ້ນພື້ນຖານ ຂອງສະຫະພັນບານເຕະອາຊີ ໂດຍນັກຮຽນນ້ອງໆ 160 ຄົນຈາກ 8 ໂຮງຮຽນ ເຂົ້າຮ່ວມກິດຈະກໍາໃນຄັ້ງນີ້.

 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)