GMT+7 27/05/2018 12:18

ຈີນຂໍຮ້ອງເກົາຫລີເຫນືອ ປະຊຸມສຸດຍອດຕໍ່

 

 

ຈີນຂໍຮ້ອງເກົາຫລີເຫນືອໃຫ້ດຳເນີນການຕໍ່ໄປສຳລັບການປະຊຸມສຸດຍອດຮ່ວມກັນກັບຜູ້ນຳສະຫະລັດ ທ່າມກາງກະແສຂ່າວວ່າເກົາຫລີເຫນືອຂູ່ລົ້ມເລີກການປະຊຸມ

ສຳນັກຂ່າວຕ່າງປະເທດລາຍງານຈາກກຸງປັກກິ່ງ ປະເທດຈີນເມື່ອວັນທີ 16ພຶດສະພາວ່າ: ທ່ານຫລູ່ ກັງ ໂຄສົກກະຊວງການຕ່າງປະເທດຈີນຖະແຫລງວ່າທັງສະຫະລັດ ແລະ ເກົາຫລີເຫນືອຄວນຈະໃຫ້ຫລັກປະກັນວ່າການປະຊຸມ ສຸດຍອດຮ່ວມກັນລະຫວ່າງປະທານາທິບໍດີໂດນັລ ທຣຳ ຂອງສະຫະລັດ ກັບທ່ານຄິມ ຈອງອຶນ ຜູ້ນຳສູງສຸດຂອງເກົາຫລີເຫນືອ ຈະຕ້ອງດຳເນີນຕໍ່ໄປຕາມແຜນການທີ່ກຳນົດ ແລະ ໄດ້ຜົນເປັນຈິງເພາະເປັນຫົນທາງດຽວທີ່ຈະບັນເທົາສະຖາ ນະການ ແລະ ຮຳທຸງໄວ້ເຊິ່ງສັນຕິພາບ ແລະ ຄວາມຫມັນ້ຄົງໃນພູມມີພາກ

ປະທານາທິບໍດີໂດນັລ ທຣຳ ແລະ ທ່ານຄິມ ຈອງອຶນ ມີກຳນົດການປະຊຸມສຸດຍອດຮ່ວມມືກັນທີ່ປະເທດສິງກະໂປ ໃນວັນອັງຄານທີ 12ມິຖຸນາທີ່ຈະມາຮອດນີ້ ແຕ່ລ່າສຸດເມື່ອວັນພຸດທີ 16ພຶດສະພາ ເກົາຫລີເຫນືອຂູ່ວ່າຈະຖອນຕົວ ອອກຈາກການປະຊຸມ ເພາະບໍ່ສົນໃຈໃນການປະຊຸມຝ່າຍດຽວ ເຊິ່ງຫມາຍເຖິງເກົາຫລີເຫນືອຖືກກົດດັນແຕ່ພຽງຝ່າຍດຽວໃຫ້ລົ້ມເລີກໂຄງການອາວຸດນິວເຄຍ

ຄຳເຕືອນຂອງເກົາຫລີເຫນືອມີຂຶ້ນຫລັງຈາກໄດ້ຍົກເລີກການປະຊຸມກັບເຈົ້າຫນ້າທີ່ລະດັບສູງກັບເກົາຫລີໃຕ້ ເພື່ອປະທ້ວງທີ່ເກົາຫລີໃຕ້ຍັງຄົງທຳການຊ້ອມຮົບກັບສະຫະລັດຕໍ່ໄປ ຂະນະທີ່ຈີນໄດ້ຮຽກຮ້ອງໃຫ້ສ້າງຄວາມໄວ້ວາງໃຈລະຫວ່າງ ກັນດ້ວຍການລະງັບການຮ່ວມຊ້ອມຮົບຂະຫນາດໃຫຍ່ ລະຫວ່າງສະຫະລັດກັບເກົາຫລີໃຕ້ແລກກັບການທີ່ເກົາຫລີເຫນືອຍົກເລີກໂຄງການອາວຸດນິວເຄຍ ແລະ ການທົດສອບຂີປະນາວຸດ

 

 

ຂໍ້ມູນຈາກ: ເດລິນີວ

 

ຄວາມຄິດເຫັນຂອງຜູ້ອ່ານ (0)