GMT+7 26/05/2018 15:06

ມາແລ້ວ! 27 ນັກເຕະທີມຊາດເຢຍລະມັນ ລຸຍບານໂລກ 2018 ອຸລໄຣ ຖືກຕັດອອກຈາກທີມ ເພາະພາດໃນຢູຟາ

 

ໂຢອາຄິມ ເລິຟ ຜູ້ຈັດການທີມຊາດເຢຍລະມັນ ປະກາດລາຍຊື່ 27 ນັກເຕະເບື້ອງຕົນ ຊຸດທີ່ຈະໄປແຂ່ງຂັນບານໂລກ 2018 ທີ່ປະເທດຣັດເຊຍ ອອກມາໃນວັນອັງຄານທີ 15 ພຶດສະພາ 2018 ກ່ອນຈະຄັດໃຫ້ເຫຼືອ 23 ຄົນສຸດທ້າຍ ກ່ອນວັນທີ 4 ມິຖຸນາ 2018.

ນໍາໂດຍ ມານູເອລ ນອຍເອີ ຜູ້ຮັກສາປະຕູມື 1 ຂອງໂລກ ທີ່ໄດ້ຮັບບາດເຈັບ, ແຕ່ ເລິຟ ເອີ້ນເຂົ້າມາຕິດທີມຊາດ ເພື່ອລຸ້ນໂຄ້ງສຸດທ້າຍ, ສ່ວນ ສະເວນ ອຸລໄຣ ຜູ້ຮັກສາປະຕູຂອງ ບາເຢິນ ມິວນິກ ທີ່ຫຼິ້ນຜິດພາດໃນນັດພົບກັບ ຣີລ ມາດຣິດ ໃນຮອບຮອງຊະນະເລີດ ຢູຟາ ແຊ້ມປ້ຽນລີກ ຈົນຕ້ອງຕົກຮອບ ເຮັດໃຫ້ຖືກຕັດອອກຈາກທີມຊຸດນີ້ຢ່າງໜ້າເສຍດາຍ ລວມເຖິງ ຊະໂຄຣດານ ມຸສຕາຟີ່ ກອງຫຼັງຈາກອາເຊນອລ ທີ່ຜ່ານງານບໍ່ດີ ກໍ່ຖືກຕັດຊື່ອອກເຊັ່ນກັນ.

 

 

ລາຍຊື່ 27 ນັກເຕະທີມຊາດເຢຍລະມັນ ມີດັ່ງນິ້ີ້:
+ຜູ້ຮັກສາປະຕູ: ແບນ ເລໂນ ຈາກໄບເອີ ເລເວີຄູເຊນ, ມານູເອລ ນອຍເອີ ຈາກບາເຢິນມິວນິກ, ມາກ-ອັນເດຣ ແຕ ສະເຕເກັນ ຈາກບາເຊໂລນາ, ເຄວິນ ແທຣ໊ບ ຈາກປາຣີສ ແຊງແຊກແມງ.

+ກອງຫຼັງ: ເຢໂຣມ ບົວເຕັງ ຈາກບາເຢິນ, ມັດທິອັສ ກິນເທີ ຈາກໂບຣຸສເຊຍ ມືນເຊນກລັດບັກ, ມັດ ຮຸມເມິລ ຈາກບາເຢິນ, ໂຢນາສ ເຮັກເຕີ ຈາກ ໂຄໂລນ, ໂຢຊົວ ຄິມມິຊ ຈາກບາເຢິນ, ອັນໂຕນິໂອ ຣີດິເກີ ຈາກເຊລຊີ, ນິຄລາສ ຊູເລີ ຈາກບາເຢິນ, ມາວິນ ເພລດເທນຮາດ ຈາກແຮທາເບີລິນ ແລະ ໂຈນາທານ ທາ ຈາກເລເວີຄູເຊນ.

+ກອງກາງ: ຢູລຽນ ບຣັນ ຈາກເລເວີຄູເຊນ, ຢູລຽນ ດຣັກເລີ ຈາກປາຣີສ, ອິລຄາຍ ກຸນໂດກັນ ຈາກແມນຊິຕີ້, ຊາມີ ເຄດິຣາ ຈາກຢູເວນຕຸສ, ໂທນີ ໂຄຣສ ຈາກຣີລ ມາດຣິດ, ເມຊຸດ ໂອຊິລ ຈາກອາເຊນອລ, ລີອອນ ໂກເຣັດກ້າ ຈາກຊາເກ້ 04, ເຊບາສຕຽນ ຣູດີ ຈາກບາເຢິນ ແລະ ມາໂຄ ຣອຍສ໌ ຈາກດ໊ອດມູນ.

+ກອງໜ້າ: ເລຣອຍ ຊາເນ ຈາກແມນຊິຕີ້, ນິລສ໌ ພີເຕີເຊນ ຈາກໄຟບວກ, ຕິໂມ ແວເນີ ຈາກໄລຊິກ, ມາຣິໂອ ໂກເມຊ ຈາກສະຕຸ໊ດກາດ ແລະ ໂທມັສ ມຸລເລີ ຈາກບາເຢິນ.


 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)