GMT+7 26/05/2018 15:00

ທະນາຄານຮ່ວມພັດທະນາ ເລີ່ມກໍ່ສ້າງອາຄານຫຼັງໃໝ່ ໜ່ວຍບໍລິການຕົ້ນເຜິ້ງ

 

 

ໃນວັນທີ 12 ພຶດສະພາ ຜ່ານມາ ທີ່ເຂດເສດຖະກິດພິ ເສດສາມຫຼ່ຽມຄຳ ເມືອງຕົ້ນ ເຜິ້ງ ແຂວງບໍ່ແກ້ວ ໄດ້ມີພິທີ ເປີດໂຄງການກໍ່ສ້າງອາຄານ ຫຼັງໃໝ່ ຂອງທະນາຄານຮ່ວມ ພັດທະນາໜ່ວຍບໍລິການຕົ້ນ ເຜິ້ງຢ່າງເປັນທາງການ, ເປັນ ກຽດເຂົ້າຮ່ວມໂດຍ ທ່ານ ບຸນ ສະຫວ່າງ ພິລາໄຊພິທັກ ຜູ້ອຳ ນວຍການໃຫຍ່ ທະນາຄານ ຮ່ວມພັດທະນາ, ທ່ານ ຈັນທະ ວີ ໂພທິສານ ຮອງປະທານສະ ພາບໍລິຫານເຂດເສດຖະກິດພິ ເສດສາມຫຼ່ຽມຄຳ, ທ່ານ ເຄື່ອນ ເພັດ ວົງຈັນ ເລຂາພັກເມືອງ ເຈົ້າ ເມືອງຕົ້ນເຜິ້ງ, ທ່ານ ອຸດົມພອນ ຈິນດາຮັກ ຕາງໜ້າບໍລິສັດສີເມືອງ ກຣຸບ, ບັນດາຫົວໜ້າພະແນກການ ຕ່າງໆອ້ອມຂ້າງເມືອງຕົ້ນເຜິ້ງ ເຂົ້າຮ່ວມ.

ໃນພິທີ, ທ່ານຜູ້ອຳນວຍ ການໃຫຍ່ ທະນາຄານຮ່ວມ ພັດທະນາ ໄດ້ກ່າວເຖິງການ ຂະຫຍາຍຕົວ ແລະ ທິດທາງ ໃນຕໍ່ໜ້າຂອງທະນາຄານຮ່ວມ ພັດທະນາ ທີ່ຈະບໍລິການດ້ານ ການເງິນທີ່ທັນສະໄໝແບບຄົບ ວົງຈອນ ເພີ່ມທາງເລືອກໃຫ້ ກັບລູກຄ້າໃນຂອບເຂດທົ່ວປະ ເທດ ໃນການເຮັດທຸລະກຳ ດ້ານການເງິນ ແລະ ລູກຄ້າ ສາມາດເລືອກໃຊ້ຜະລິດຕະ ພັນດີໆ ຂອງທະນາຄານຮ່ວມ ພັດທະນາ, ນັບແຕ່ປີ 2013 ເປັນຕົ້ນມາ ທະນາຄານຮ່ວມ ພັດທະນາ ຫຼື JDB ໄດ້ມີການ ຂະຫຍາຍຕົວຢ່າງບໍ່ຢຸດຢັ້ງໄດ້ ປ່ຽນຮູບແບບການບໍ ລິຫານໃຫ້ ເປັນມືອາຊີບໄດ້ເອົາໃຈໃສ່ ວຽກງານການບໍລິການໃຫ້ເປັນ ທີ່ເພິ່ງພໍໃຈຂອງລູກຄ້າທຸກລະ ດັບ ໂດຍການຊີ້ນຳຂອງທ່ານ ເອກະພັນ ພະພິທັກ ປະທານ ສະພາບໍລິຫານທະ ນາຄານ ຮ່ວມພັດທະນາ ຜູ້ມີວິໄສທັດ ເບິ່ງກວ້າງເຫັນໄກ ໄດ້ມອບໝາຍໜ້າທີ່ໃຫ້ຄະນະບໍລິຫານ ແລະ ຄະນະທີ່ປຶກສາພັດທະ ນາທະນາຄານໃຫ້ກາຍເປັນ ທະນາຄານທີ່ທັນສະໄໝໄດ້ ມາດຕະຖານສາກົນ.

ໃນໂອກາດນີ້ ທ່ານຮອງ ສະພາບໍລິຫານເຂດເສດຖະ ກິດພິເສດສາມຫຼ່ຽມຄຳ ໄດ້ຕີ ລາຄາສູງ ແລະ ຍ້ອງຍໍຊົມເຊີຍ ຕໍ່ຜົນງານຂອງທະນາຄານ ຍາດມາໄດ້ໄລຍະຜ່ານມາ ແລະ ການຕັດສິນໃຈຂອງຜູ້ບໍລິ ຫານທະນາຄານຮ່ວມພັດທະ ນາ ທີ່ໄດ້ເລືອກເອົາເຂດເສດ ຖະກິດພິເສດສາມຫຼ່ຽມຄຳເປັນ ບ່ອນຕັ້ງໜ່ວຍບໍລິການທະນາ ຄານຮ່ວມພັດທະນາເພື່ອເພີ່ມ ທາງເລືອກໃຫ້ແກ່ປະຊາຊົນ ບັນດາເຜົ່າ ແລະ ນັກທຸລະກິດ ໄດ້ເຂົ້າເຖິງການບໍລິການທາງ ດ້ານການເງິນຂອງທະ ນາຄານ ຮ່ວມພັດທະນາ ຊຶ່ງເປັນສ່ວນ ໜຶ່ງໃນການສ້າງສາພັດທະນາ ເຂດເສດຖະກິດພິເສດສາມ ຫຼ່ຽມຄຳ ໃຫ້ເປັນເມືອງໃໝ່ ທີ່ມີ ຄວາມສວຍງາມເປັນແຫຼ່ງທ່ອງ ທ່ຽວທີ່ມີຄວາມປະທັບໃຈ.

ອາຄານດັ່ງກ່າວ ແມ່ນບໍລິສັດສີ ເມືອງກຣຸບ ເປັນຜູ້ຮັບເໝົາກໍ່ ສ້າງທັງໝົດ ຄາດວ່າພາຍໃນ 18 ເດືອນຈະສຳເລັດໃນການ ປຸກສ້າງ ແລະ ຕົບແຕ່ງອາຄານ ແລະ ສາມາດນຳໃຊ້ໄດ້. ໃນພິທີ, ບັນດາທ່ານຜູ້ ແທນທີ່ເຂົ້າຮ່ວມໄດ້ພ້ອມກັນ ຕັດແຖບຜ້າ ແລະ ປ່ອຍປູມ ເປົ້າ ເພື່ອເປັນສັນຍາລັກເປີດ ໂຄງການກໍ່ສ້າງອາຄານທະນາ ຄານຮ່ວມພັດທະນາຢ່າງເປັນ ທາງການ. 

 

 

ຂໍ້ມູນຈາກ: ຫນັງສືພິມປະຊາຊົນ

ຄວາມຄິດເຫັນຂອງຜູ້ອ່ານ (0)