GMT+7 26/05/2018 14:42

ປັດຈຸບັນທົ່ວປະເທດມີຜູ້ໃຊ້ໂທລະສັບ 4,7 ລ້ານ ເລກໝາຍ ແລະ ນຳໃຊ້ອິນເຕີເນັດ 2,4 ລ້ານບັນຊີ

 

 

ກະຊວງໄປສະນີ ໂທລະຄົມມະນາຄົມ ແລະ ການສື່ສານ (ປທສ) ເປີດເຜີຍວ່າມາຮອດປັດຈຸບັນຈຳນວນລົງທະ ບຽນນຳໃຊ້ໂທລະສັບ ລວມທັງ ຕັ້ງໂຕະ ແລະ ມືຖືມີ 4,7 ລ້ານ ເລກໝາຍ ,  ລົງທະບຽນ ນຳໃຊ້ອິນເຕີເນັດທັງໝົດ 2,4 ລ້ານບັນຊີ ກວມ37,5% ຂອງ ປະຊາກອນ.ພື້ນທີ່ໃຫ້ບໍລິການ ໂທລະສັບມືຖື ກວມ 91% ຂອງຈຳນວນບ້ານທັງໝົດ.

ກອງປະຊຸມວຽກງານໄປ ສະນີ, ໂທລະຄົມມະນາຄົມ ແລະ ການສື່ສານ ແລະ ກອງ ປະຊຸມວຽກງານໄອຊີທີປີ 2017 ໄດ້ໄຂຂຶ້ນໃນວັນທີ 23 ມັງກອນນີ້ ທີ່ສູນການຄ້າລາວ- ໄອເຕັກ ພາຍໃຕ້ຄຳຂວັນທີ່ວ່າ: “ສົ່ງເສີມ, ນຳໃຊ້ໄອຊີທີ (ICT) ເຂົ້າໃນ ເອັດເອັມອີ (SME) ແລະ ສະຕາດອັບ (Start up) ເພື່ອຂັບເຄື່ອນເສດຖະກິດດີຈີ ຕອນ” ຊຶ່ງໄດ້ດຳເນີນເປັນໄລ ຍະເວລາ 2 ວັນ (ລະຫວ່າງວັນ ທີ 23-24 ມັງກອນ 2018) ໂດຍການເປັນປະທານຂອງ ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ ໂທລະຄົມມະນາຄົມ ແລະ ການສື່ສານ (ປທສ), ມີພາກ ສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ກຳນົດ ອອກເປັນ 2 ພາກຄື: ພາກທີ 1 ແມ່ນກອງປະຊຸມວຽກງານໄປ ສະນີ, ໂທລະຄົມມະນາຄົມ ແລະ ການສື່ສານ ປະຈຳປີ 2017 ແລະ ທິດທາງແຜນ ການສົກປີ 2018 ຊຶ່ງໄດ້ຫວນ ຄືນຜົນສຳເລັດໃນການປະຕິ ບັດໜ້າທີ່ຂອງຂະແໜງການ ໄປສະນີ, ໂທລະຄົມມະນາຄົມ ແລະ ການສື່ສານ ຄື:

(1) ກ່ອນ ອື່ນກະຊວງໄດ້ໃຫ້ຄວາມສຳ ຄັນເປັນບຸລິມະສິດທີໜຶ່ງແກ່ ວຽກງານການເມືອງ-ແນວຄິດ ເພາະແມ່ນປັດໄຈຕັດສິນຜົນ ສຳເລັດຂອງການປະຕິບັດໜ້າ ທີ່. ໃນນັ້ນ ພະນັກງານລັດຖະ ກອນ ມີຄວາມເອກະພາບກັບ ອຸດົມການຂອງພັກ, ເຊື່ອໝັ້ນ ພັກ, ຕັດສິນໃຈເຮັດໜ້າທີ່ດ້ວຍ ຄວາມຮັບຜິດຊອບສູງ.

(2) ກະ ຊວງໄດ້ປັບປຸງນິຕິກຳອັນເກົ່າ ແລະ ສ້າງນິຕິກຳອັນໃໝ່ໃນ ການຄຸ້ມຄອງມະຫາພາກ ເພື່ອ ໃຫ້ເໝາະສົມກັບສະພາບການ ຂະຫຍາຍຕົວທາງດ້ານໄອຊີທີ ໃນປັດຈຸບັນ ຊຶ່ງໃນສົກປີຜ່ານ ມາໄດ້ສຳເລັດກົດໝາຍ 2 ສະ ບັບ (ກົດໝາຍຄື້ນຄວາມຖີ່ວິ ທະຍຸສື່ສານ ແລະ ກົດໝາຍ ປົກປ້ອງຂໍ້ມູນເອເລັກໂຕຣນິກ), ດຳລັດ 1 ສະບັບ ແລະ ຂໍ້ຕົກ ລົງ 8 ສະບັບ.

(3) ການພັດທະ ນາ ແລະ ຂະຫຍາຍພື້ນຖານ ໂຄງລ່າງເຕັກນິກລະບົບໄອຊີ ທີ ເປັນຕົ້ນແມ່ນການຄຸ້ມຄອງ ລວມສູນລະບົບສື່ສານ ທາງ ດ້ານເຕັກໂນໂລຊີການສື່ສານ ແລະ ຂໍ້ມູນຂ່າວສານ, ການຄຸ້ມ ຄອງນຳໃຊ້ສັງຄົມອອນລາຍ (ຫຼື Social media), ການ ຕ້ານ ແລະ ສະກັດກັ້ນການໂຈມຕີ ທາງໄຊເບີ, ການຄຸ້ມຄອງ ແລະ ຈັດສັນຄື້ນຄວາມຖີ່ໃນຂອບ ເຂດທົ່ວປະເທດ, ການຄຸ້ມ ຄອງລະບົບສາຍສົ່ງດ້ານໂທ ລະຄົມມະນາຄົມ (ສາຍໄຍ ແກ້ວ), ການດຳເນີນທຸລະກິດ ດາວທຽມລາວ,

(4) ການສ້າງ ສະພາບແວດລ້ອມທີ່ຈູງໃຈຕໍ່ ການລົງທຶນໃຫ້ບໍລິການດ້ານ ໄອຊີທີ ແລະ ຊຸກຍູ້ບັນດາບໍລິ ສັດ ໃຫ້ເສຍພັນທະປະກອບ ສ່ວນໃນການພັດທະນາປະ ເທດຊາດ, ສົ່ງເສີມໃຫ້ປະຕິບັດ ຕາມນະໂຍບາຍຂອງລັດຖະ ບານ ໃນການຂະຫຍາຍເຄືອ ຂ່າຍຂອງຕົນສູ່ເຂດຊົນນະບົດ ໃນຂອບເຂດທົ່ວປະເທດ,

(5) ການສ້າງບຸກຄະລາກອນໃຫ້ ມີຄວາມສາມາດນຳໃຊ້ອຸປະ ກອນໄອຊີທີຢ່າງເປັນລະບົບ ແລະ ຕໍ່ເນື່ອງ.

ໃນປີ 2017 ຜ່ານມາ ກະ ຊວງໄດ້ສຳເລັດການຕິດຕັ້ງອຸ ປະກອນເຕັກນິກລະບົບຕ່າງໆ ເປັນຕົ້ນຂະຫຍາຍລະບົບສູນ ກາງໂທລະສັບ ແລະ ອິນເຕີ ເນັດລະຫວ່າງປະເທດ ສາມາດ ຮອງຮັບບໍລິມາດການເຊື່ອມຕໍ່ ພາຍໃນປະເທດ ແລະ ກັບຕ່າງ ປະເທດໄດ້ 100%, ຂະຫຍາຍ ລະບົບເຊີເວີທີ່ສາມາດໃຊ້ຮ່ວມ ກັນໄດ້ ຫຼື ຄລາວ (Cloud) ໃໝ່ ສາມາດຮອງຮັບເຊີເວີຈຳລອງ ໄດ້ຈຳນວນໜຶ່ງ ແລະ ໄດ້ມີ ການໃຫ້ບໍລິການຝາກເວັບໄຊ ຈາກພາກລັດ ແລະ ອົງການ ຕ່າງໆຫຼາຍກວ່າ 200 ເວັບໄຊ ແລ້ວ, ປັບປຸງຫ້ອງເຕັກນິກຮັບ ຝາກອຸປະກອນເຊີເວີພາກລັດ ສາມາດຮອງຮັບໄດ້ 200 ເຊີ ເວີ ຊຶ່ງປັດຈຸບັນໄດ້ມີກະຊວງ ຈຳນວນໜຶ່ງມາຝາກໄວ້ແລ້ວ ແລະ ຂະຫຍາຍລະບົບເຊື່ອມ ຕໍ່ລະຫວ່າງສູນກາງອິນເຕີເນັດ ແລະ ສູນຝາກຂໍ້ມູນ ເພື່ອຮອງ ຮັບບໍລິມາດຂໍ້ມູນທີ່ນັບມື້ນັບ ເພີ່ມຂຶ້ນ ເພື່ອຕອບຮັບກະແສ ການຊົມໃຊ້ທີ່ເພີ່ມຂຶ້ນໄວ ແລະ ຕໍ່ເນື່ອງ, ບັນດາບໍລິສັດໂທລະ ຄົມ/ອິນເຕີເນັດ ຈຶ່ງໄດ້ເອົາໃຈ ໃສ່ລົງທຶນຍົກລະດັບ ແລະ ຂະ ຫຍາຍເຄືອຂ່າຍເຕັກນິກຂອງ ຕົນ ເປັນຕົ້ນແມ່ນການວາງ ສາຍໄຍແສງໃນຂອບເຂດທົ່ວ ປະເທດໄດ້ 7 ພັນກິໂລແມັດ, ລວມທັງໝົດ 75 ພັນກິໂລ ແມັດ, ສົມທຽບປີກ່ອນເພີ່ມ ຂຶ້ນ 11%, ກວມ 18 ແຂວງ 148 ເມືອງ.

ຈຳນວນລົງທະ ບຽນນຳໃຊ້ໂທລະສັບ ລວມທັງ ຕັ້ງໂຕະ ແລະ ມືຖືມີ 4,7 ລ້ານ ເລກໝາຍ ແລະ ລົງທະບຽນ ນຳໃຊ້ອິນເຕີເນັດທັງໝົດ 2,4 ລ້ານບັນຊີ, ມີອັດຕາການຊົມ ໃຊ້ອິນເຕີເນັດ 37,5% ຂອງ ປະຊາກອນ.ພື້ນທີ່ໃຫ້ບໍລິການ ໂທລະສັບມືຖື ກວມ 91% ຂອງຈຳນວນບ້ານທັງໝົດ, ໃນ ນີ້ 3G ແລະ 4G ຄວບຄຸມພື້ນ ທີ່ໄດ້ 67% ແລະ 13%ຕາມລຳດັບ, ເຮັດ ໃຫ້ມີອັດຕາການຊົມໃຊ້ໂທລະ ສັບມືຖືສູງເຖິງ 120% ຢູ່ໃນ ເຂດເທດສະບານຕົວເມືອງ ໃຫຍ່, ລວມແລ້ວລາຍຮັບທັງ ໝົດຂອງທົ່ວຂະແໜງ ປທສ ຄາດຄະເນໝົດປີ ປະຕິບັດໄດ້ 3.640 ຕື້ກີບ ທຽບໃສ່ປີ 2016 ເພີ່ມຂຶ້ນ 14%, ຄາດຄະເນ ມອບພັນທະເຂົ້າງົບປະມານ ແຫ່ງລັດ ໃນປີ 2017 ຈະປະ ຕິບັດໄດ້ 881,4 ຕື້ກວ່າກີບ.

ສຳລັບແຜນການປະຈຳ ປີ 2018 ແມ່ນເລັ່ງໃສ່ພັດທະ ນາຂະແໜງການໄປສະນີ, ໂທ ລະຄົມມະນາຄົມ ແລະ ການ ສື່ສານໃຫ້ທັນສະໄໝ, ມີພື້ນ ຖານໂຄງລ່າງດີຈີຕອນດ້ວຍ ລະບົບຄວາມໄວສູງ, ປອດໄພ ທົ່ວເຖິງ ແນໃສ່ປະກອບສ່ວນ ຢ່າງຕັ້ງໜ້າເຂົ້າໃນວຽກງານ ພັດທະນາຊົນນະບົດ ແລະ ແກ້ໄຂຄວາມທຸກຍາກ ແລະ ເປັນຈຸດເຊື່ອມໂຍງກັບພາກ ພື້ນ ແລະ ສາກົນຢ່າງມີຄຸນນະ ພາບສູງ, ສ້າງບຸກຄະລາກອນ ໃຫ້ມີຄວາມຮູ້ ແລະ ມີຫົວຄິດ ປະດິດສ້າງດ້ານຂໍ້ມູນຂ່າວ ສານ ແລະ ການສື່ສານ, ສືບຕໍ່ ຢູ່ແຖວໜ້າໃນການສ້າງລາຍ ຮັບໃຫ້ແກ່ງົບປະມານ ຊຶ່ງຈະ ເປັນສິ່ງຢັ້ງຢືນການປະກອບ ສ່ວນສຳຄັນຕໍ່ການພັດທະນາ ເສດຖະກິດ-ສັງຄົມ ໃນສົກງົບ ປະມານ 2018, ເປັນປີແຫ່ງ ບາດລ້ຽວການຫຼຸຸດພົ້ນຈາກບັນ ຊີປະເທດດ້ອຍພັດທະນາຂອງ ສປປ ລາວ ໃນປີ 2020.

ສຳລັບກອງປະຊຸມວຽກ ງານໄອຊີທີ ປີ 2017 ໄດ້ປຶກ ສາຫາລືແລກປ່ຽນຄວາມຄິດ ຄວາມເຫັນກ່ຽວກັບສະພາບ ການພັດທະນາ, ການຄຸ້ມຄອງ, ສົ່ງເສີມ ແລະ ການນຳໃຊ້ໄອ ຊີທີ ເຂົ້າໃນການພັດທະນາ ເສດຖະກິດ-ສັງຄົມ ຊຶ່ງໃນປັດ ຈຸບັນນີ້ ຫຼາຍໆປະເທດທີ່ມີ ການພັດທະນາດ້ານໄອຊີທີສູງ ນັ້ນ ໄດ້ຖືເອົາວຽກງານໄອຊີທີ ເປັນເຄື່ອງມືທີ່ສຳຄັນໃນການ ສ້າງສັງຄົມທັນສະໄໝ (Smart Society) ແລະ ຂັບເຄື່ອນ ເສດຖະກິດດີຈີຕອນ (Digital Economy).

ສະນັ້ນ ພວກເຮົາ ຕ້ອງອອກແຮງສົ່ງເສີມການ ນຳໃຊ້ນະວັດຕະກຳໃໝ່ຂອງ ໄອຊີທີຢ່າງສະຫຼາດ ແລະ ກວ້າງຂວາງ ເພື່ອບັນລຸເປົ້າ ໝາຍໃນການສ້າງປະເທດ ໃຫ້ຫຼຸດພົ້ນອອກຈາກສະຖາ ນະພາບດ້ອຍພັດທະນາໃນປີ 2020 ໂດຍມີເສດຖະກິດດີຈີ ຕອນເປັນທ່າແຮງ. ພ້ອມທັງລົງ ທຶນພັດທະນາເຄືອຂ່າຍເຕັກ ໂນໂລຊີການສື່ສານຂໍ້ມູນຂ່າວ ສານທີ່ທັນສະໄໝເປີດໂອກາດ ແລະ ເອື້ອອຳນວຍໃຫ້ທຸກພາກ ສ່ວນຂອງສັງຄົມ ສາມາດເຂົ້າ ເຖິງຮຽນຮູ້ ແລະ ນຳໃຊ້ຂໍ້ມູນ ຂ່າວສານທາງວິຊາການຂອງ ທຸກຂະແໜງການ ທີ່ເປັນປະ ໂຫຍດຢ່າງມະຫາສານໄດ້ຢ່າງ ສະດວກສະບາຍ ດ້ວຍລາຄາ ທີ່ສົມເຫດສົມຜົນ ແລະ ຕິດ ພັນກັບ 3 ຜົນປະໂຫຍດ ນີ້ ແມ່ນສິ່ງອຳນວຍຄວາມສະ ດວກໜຶ່ງທີ່ຂາດບໍ່ໄດ້ ໃນຂະ ບວນຍູ້ແຮງນະໂຍບາຍຫັນ ເປັນອຸດສາຫະກຳ ແລະ ທັນ ສະໄໝຂອງພັກ ແລະ ລັດຖະ ບານລາວ. ດັ່ງນັ້ນ ປະເທດ ລາວເຮົາ ຕ້ອງກຽມຄວາມ ພ້ອມດ້ານພື້ນຖານໂຄງລ່າງ ດີຈີຕອນ ແລະ ພັດທະນາບຸກ ຄະລາກອນ ທີ່ມີທັກສະສູງໃນ ດ້ານນີ້ ເພື່ອປູພື້ນຖານໄປສູ່ ເສດຖະກິດດີຈີຕອນດັ່ງກ່າວ.

ພ້ອມດຽວກັນນັ້ນ ໃນ ກອງປະຊຸມຍັງມີຜູ້ຕາງໜ້າ ຈາກຫຼາຍພາກສ່ວນ ທັງພາກ ລັດ ແລະ ເອກະຊົນ ໄດ້ສະ ເໜີບົດກ່ຽວກັບສະພາບການ ພັດທະນາ, ການຄຸ້ມຄອງ, ການນຳໃຊ້ໄອຊີທີ ໃນຂົງເຂດ ຂອງຕົນ, ຂໍ້ສະດວກ-ສິ່ງຫຍໍ້ທໍ້ ຕ່າງໆໃນການນຳໃຊ້ ແລະ ດຳເນີນທຸລະກິດດ້ານໄອຊີທີ. ນອກນັ້ນ ກອງປະຊຸມກໍເປີດ ໂອກາດໃຫ້ຜູ້ເຂົ້າຮ່ວມມີສ່ວນ ຮ່ວມໃນການປະກອບຄວາມ ຄິດເຫັນ ເພື່ອໃຫ້ການພັດທະ ນາຂະແໜງການໄອຊີທີຂອງ ສປປ ລາວ ໃຫ້ເຕີບໃຫຍ່ຂະ ຫຍາຍຕົວຢ່າງໜັກແໜ້ນເຂັ້ມ ແຂງ ແລະ ຍືນຍົງຕາມທິດ ຫັນເປັນທັນສະໄໝຂອງລັດ ຖະບານ ເພື່ອສະໜັບສະໜູນ, ສົ່ງເສີມບັນດາຂະແໜງການ ຕ່າງໆນຳໃຊ້ເຕັກໂນໂລຊີສື່ ສານຂໍ້ມູນຂ່າວສານເປັນເຄື່ອງ ມືບໍລິຫານ ແລະ ຄຸ້ມຄອງຂະ ແໜງການຂອງຕົນ ໂດຍສະ ເພາະໃນຂະແໜງທຸລະກິດຂະ ໜາດນ້ອຍ ແລະ ຂະໜາດ ກາງ ຫຼື ເອັດເອັມອີ (SME).

 

 

 

ຂໍ້ມູນຈາກ: ລາວອັບເດດ

ຄວາມຄິດເຫັນຂອງຜູ້ອ່ານ (0)