GMT+7 26/05/2018 14:53

ແຫຼມເກົາຫລີ ກັບມາວຸ້ນອີກ! ເມື່ອສປປ.ເກົາຫຼີ ປະກາດຢຸດຕິການເຈລະຈາລະດັບສູງລະຫວ່າງ​ເໜືອ​ໃຕ້ ຫຼັງອາເມລິກາກັບສ.ເກົາຫລີໃຕ້ຈັດການຊ້ອມຮົບຂະໜາດໃຫຍ່

 

 

ວັນທີ 16 ພຶດສະພານີ້, ສຳນັກຂ່າວສານ​ສູນ​ກາງເກົາຫຼີໄດ້​ແຈ້ງ​ຂ່າວວ່າ: ເນື່ອງຈາກສ.ເກົາຫຼີ ແລະອາເມລິກາເປີດການຊ້ອມຮົບຮ່ວມຂະໜາດໃຫຍ່ທີ່ເປັນການກະທຳ​ເກາະ​ຜິດ ​ແລະ​ເປັນ​ປໍ​ລະ​ປັກ​ຕໍ່ສປປ.​ເກົາຫຼີ​ໃນ​ຫວ່າງໆ​ນີ້, ​ເຮັດ​ໃຫ້​ສປປ.​ເກົາຫຼີ​ຈຳ​ເປັນ​ຕ້ອງ​ຢຸດຕິການ​ເຈລະຈາ​ລະດັບ​ສູງ​ລະຫວ່າງ​ສປປ.ເກົາຫຼີ​ ​ແລະ​ສ.ເກົາຫຼີ​​ໃນ​ວັນ​ທີ 16 ພຶດສະພາ​ນີ້. ​ແລະ​ອາ​ເມ​ລິ​ກາກໍ​​ຄວນ​ເປັນ​ຫ່ວງ​ຕໍ່ການ​ພົບ​ປ​ະລະຫວ່າງ​ຜູ້ນຳ​ສປປ.​ເກົາຫຼີ ​ແລະ​ອາ​ເມ​ລິ​ກາ​ທີ່​ຈະ​ມາ​ເຖິງ​ນີ້.

ຕາມ​ຂ່າວ​ແຈ້ງ​ວ່າ: ສ.​ເກົາຫຼີ ​ແລະ​ອາ​ເມ​ລິ​ກາ​ໄດ້​ເລີ່​ມການ​ຊ້ອມ​ຮົບ​ຮ່ວມ​ຂະ​ໜາດ​ໃຫຍ່​ພາຍ​ໃນ​ທົ່ວ​ປະ​ເທດສ.​ເກົາຫຼີ​ທີ່​ແນ​ໃສ່​ສປປ.​ເກົາຫຼີ​ແຕ່​ວັນ​ທີ 11 ພຶດສະພາ​ນີ້ ​ເຊິ່ງ​ເປັນ​ການກະ​ທຳ​ຜິດ​ຕໍ່ “​ຖ​ະ​ແຫຼ​ງການ​ປານ​ມູນ​ຈອມ” ​ແລະ​ເປັນ​ການທ້າ​ທາຍ​​ເກາະ​ຜິດທາງ​ການ​ທະຫານ​ໃນ​ທິດ​ທາງ​ທີ່ກົງກັນຂ້າມ​ກັບ​ທ່າອ່ຽງຕໍ່​ສະພາບການ​ພັດທະນາ​ທີ່​ດີ​ຂອງ​ແຫຼມ​ເກົາຫຼີ.

ກ່ອນຫນ້ານີ້ ວັນທີ 15 ພຶດສະພາ, ສ.ເກົາຫຼີ ແລະ ສປປ.ເກົາຫຼີ ໄດ້ເຫັນດີຈັດການເຈລະຈາຂັ້ນສູງໃນວັນທີ 16 ພຶດສະພາ, ຢູ່ຫໍສັນຕິພາບ (ຂຶ້ນກັບຜືນແຜ່ນດິນຂອງສ.ເກົາຫຼີ) ຢູ່ບ້ານຢຸດຮົບ ​ປານ​ມູນ​ຈອມ Panmunjom.

ຈຸດປະສົງຂອງການພົບປະຂັ້ນສູງແມ່ນເພື່ອແນໃສ່ປຶກສາຫາລືບັນດາມາດຕະການປະຕິບັດ “ຖະແຫຼງການຮ່ວມ Panmunjom” ເພື່ອສັນຕິພາບ, ເອກະພາບ ແລະ ຄວາມວັດທະນາຖາວອນໃນແຫຼມເກົາຫຼີ ເຊິ່ງທ່ານປະທານາທິບໍດີ ສ.ເກົາຫຼີ Moon Jae in ແລະ ການນຳສປປ.ເກົາຫຼີ ບັນລຸໄດ້ໃນການພົບປະຄັ້ງປະຫວັດສາດເມື່ອວັນທີ 24 ເມສາ.

ຄະນະຜູ້ແທນສປປ.ເກົາຫຼີ ລວມມີ 5 ຄົນ, ໂດຍທ່ານປະທານຄະນະກຳມະການສັນຕິພາບ ແລະ ເອກະພາບສປປ.ເກົາຫຼີ Ri Son kwan ນຳໜ້າ. ໃນຂະນະນັ້ນ, ຄະນະຜູ້ແທນສ.ເກົາຫຼີ ລວມມີ 5 ຄົນເຂົ້າຮ່ວມ ໂດຍທ່ານລັດຖະມົນຕີ ກະຊວງເອກະພາບ Cho myong kyun ນຳໜ້າ.

 

 

ຂໍ້ມູນຈາກ: ລາວອັບເດດ

ຄວາມຄິດເຫັນຂອງຜູ້ອ່ານ (0)