GMT+7 26/05/2018 15:01

ໂສມແດງຢຸດຕິການປະຊຸມ2ເກົາຫລີ ບໍ່ພໍໃຈການຊ້ອມຮົບ ຂູ່ຍົກເລີກກະສັບມິດຄິມ-ທຮັມ

 

 

ເກົາຫລີເໜືອຍົກເລີກການປະຊຸມເຈົ້າຫນ້າທີ່ລະດັບສູງລະຫວ່າງສອງເກົາຫລີເຫດບໍ່ພໍໃຈສະຫະລັດ-ເກົາຫລີໃຕ້ຊ້ອມຮົບທາງອາກາດພ້ອມຂູ່ຈະຢຸດຕິການປະຊຸມສຸດຍອດຜູ້ນຳສະຫະລັດກັບເກົາຫລີເໜືອ

ເກົາຫລີເຫນືອໄດ້ຍົກເລີກການປະຊຸມລະດັບສູງກັບເກົາຫລີໃຕ້ມື້ນີ້ (16ພຶດສະພ່າ2018)ເນື່ອງຈາກບໍ່ພໍໃຈການຊ້ອມຮົບທາງອາກາດ ແມັກ ຮັນເດີ ລະຫວ່າງສະຫະລັດອາເມລິກາກັບເກົາຫລີໃຕ້ທີ່ມີຂື້ນມາຕັ້ງແຕ່ວັນທີ11 ພຶດສະພາ ທີ່ຜ່ານມາພ້ອມຂູ່ຈະຍົກເລີກການປະຊຸມສຸດຍອດຜູ້ນຳສະຫະລັດກັບເກົາຫລີເຫນືອທີ່ຈະຖືກຈັດຂື້້ນທີ່ສິງກະໂປໃນວັນທີ່12ມິຖຸນານີ້ອີກນຳ

ການປະຊຸມຂອງເຈົ້າຫນ້າທີ່ລະດັບສູງສອງເກົາຫລີຊື່ງຈະຈັດຂື້ນທີ່ພົມແດນເຂດປອດທະຫານບໍລິເວນຫມູ່ບ້ານປັນມຸນຈອມກ່ອນຖືກຍົກເລີກໄປໂດຍລັດຖະບານປຽງຢາງສຳລັບການປະຊຸມດັ່ງກ່າວຈະເປັນການເວົ້າໃນເລື່ອງແຜນບັງຄັບ ໃຊ້ຂໍ້ຕົກລົງທີ່ເກີດຂື້ນຫລັງການປະຊຸມສຸດຍອດເກົາຫລີວັນທີ27ເມສາເພືອນຳໄປສູ່ສັນຕິພາບເທີງຄາບສະມຸດເກົາຫລີ

ໃນເວລາທີ່ສຳນັກຂ່າວກາງບ່ອນໜື່ງເກົາຫລີ(KCNA)ລາຍງານການຊ້ອມຮົບແມັກ ຮັນເດີມີຍົນຮົບຖືກສົ່ງເຂົ້າຮ່ວມປະມານ100ລຳ ລວມທັງຍົນຖີ້ມລະເບີດB-52ແລະຍົນຮົບRaptor F-22 ໂດຍກອງທັບສະຫະລັດແລະເກົາຫລີໃຕ້ ຈະຮ່ວມຊ້ອມຮົບດັ່ງກ່າວຈົນຮອດວັນທີ25ພຶດສະພານີ້

ແຕ່ຢ່າງໃດກໍ່ຕາມເກົາຫລີເຫນືອເບີ່ງວ່າການຊ້ອມຮົບຄັ້ງນີ້ເປັນການສະທ້ອນໃຫ້ເຫັນທ່າທີກົດດັນຢ່າງສູງສຸດແລະການຕໍ່ຕ້ານຕໍ່ລັດຖະບານໂສມແດງ ສ່ວນສະຫະລັດແລະເກົາຫລີໃຕ້ຢືນຢັນວ່າການຊ້ອມຮົບດັ່ງກ່າວມີ ເປົ້າຫມາຍເພື່ອປ້ອງກັນໂຕເທົ່ານັ້ນ

ດ້ານກະຊວງການຕ່າງປະເທດສະຫະລັດເປີດເຜີຍວ່າບໍ່ພົບການປ່ຽນແປງຈຸດຢືນຂອງເກົາຫລີເໜືອແລະຍັງຕຽມໂຕການສຳລັບການພົບປະກັນລະຫວ່າງທ່ານໂດນັດ ທຮັມ ປະທານາທິບໍດີສະຫະລັດອາເມລິກາກັບທ່ານຄິມ ຈອງອິນ ຜູ້ນຳສູງສຸດເກົາຫລີເໜືອ

 

 

ຂໍ້ມູນຈາກ: ຄິດອອກ

ຄວາມຄິດເຫັນຂອງຜູ້ອ່ານ (0)