GMT+7 26/05/2018 14:48

ມິນລ່າ ໂຈໂວວິຊ ນໍາທີມ Monster Hunter ພ້ອມເດີນໜ້າ ປີ 2018 ນີ້

 

ປະກາດສ້າງໃຫ້ແຟນໆ ຕິດຕາມລຸ້ນມາຫລາຍປີ ໃນທີ່ສຸດ ໂປຣເຈັກທ໌  Monster Hunter ກໍ່ເປັນຮູບເປັນຮ່າງ ເມື່ອມີຂ່າວລາຍງານຈາກເວັບໄຊຕ໌  Variety ອອກມາວ່າ ຫນັງຈາກເກມດັງສະບັບຜູ້ກໍາກັບ ພອລ ດັບເບິລ ຢູ. ເອສ. ແອນເດອຣ໌ສັນ (Paul W.S. Anderson) ແລະ  ມິນລ່າ ໂຈໂວວິຊ (Milla Jovovich) ພ້ອມເດີນໜ້າສ້າງເຕັມທີ່ແລ້ວພາຍໃນເດືອນກັນຍາ ປີ 2018

 

 

ໂດຍ Monster Hunter ຈະກ່ຽວກັບສົງຄາມລະຫວ່າງມະນຸດ ແລະ ສັດປະຫລາດຮ່າງຍັກໃນຕໍານານ ທີ່ທີມງານຕັ້ງໃຈຍົກກອງໄປຖ່າຍທໍາກັນໄກ ເຖິງແອຟຣິກາໃຕ້ ແລະ ຕ້ອງຂຽນເລື່ອງລາວລວມເຖິງຕົວລະຄອນນໍາຂຶ້ນມາໃຫ່ມຄ້າຍຄືກັບຕອນສ້າງຫນັງຊຸດ Resident Evil ທັງຍັງມີແຜນສ້າງພາກ 2 ກຽມຂະຫຍາຍໂລກສັດປະຫລາດກຽມໄວ້ຮຽບຮ້ອຍແລ້ວ

 

 

ເບື້ອງຕົ້ນຫນັງຍັງບໍ່ມີກໍານົດມື້ສາຍຢ່າງເປັນທາງການ ແລະ ແຟນໆ ຄົງຕ້ອງຖ້າກັນໄປອີກຈັກໜ້ອຍໜຶ່ງເນື່ອງຈາກ ສະຕູດີໂອ Constantin ກໍາລັງຢູ່ໃນລະຫວ່າງການສ້າງ  Resident Evil ສະບັບຣີບູຕຢູ່ ແຕ່ເຊື່ອວ່າ  Monster Hunter ຈະຕ້ອງບູ໊ກະໜໍ່າ ແລະ ຍິ່ງໃຫ່ຍສົມການລໍຖ້າຢ່າງແນ່ນອນ ກາຣັນຕຣີດ້ວຍຊຶ່ຂອງຜູ້ກໍາກັບ ພອລ ດັບເບິລ ຢູ. ເອສ. ແອນເດອຣ໌ສັນ ຜູ້ສ້າງໃຫ້ຜີຊີວະກາຍເປັນຕໍານານຫນັງຊຸດຈາກເກມ ກວດລາຍໄດ້ລວມທຸກພາກສູງເຖິງ 1,200 ລ້ານຫຼຽນສາຫະລັດ
          ສໍາຫລັບເກມ Monster Hunter ປ່ອຍອອກມາຄັ້ງທໍາອິດທາງ PlayStation 2 ເມື່ອປີ  2004 ໂດຍຜູ້ຫຼີ້ນຈະສວມບົດເປັນນັກລ່າສັດປະຫລາດ ທີ່ຕ້ອງເຮັດກິດຈະກໍາຕ່າງໆ ໃຫ້ບັນລຸເປົ້າມາຍ ຊຶ່ງຜູ້ຫຼີ້ນຈະມີອາວຸດປະຈໍາຕົວເປັນຊຸດເກາະ ມີດດາບ ຂວານ ຫລືອື່ນໆ ແລະ ສາມາດສະສົມໄວເທມຈາກການລ່າສັດປະຫລາດໄປແລກເປັນອາວຸດໄດ້ອີກ.

 

 

 

ຂໍ້ມູນຈາກ: kapook

ຄວາມຄິດເຫັນຂອງຜູ້ອ່ານ (0)