GMT+7 26/05/2018 14:56

ເຫຼືອພຽງຂໍ້ດຽວ! ບາເຊໂລນາ ຄິດທຸ້ມ 115 ລ້ານເອີໂຣດຶງ ກຣີິຊມັນ ແລະ ນັກເຕະກໍ່ເປັນໃຈ

 

ບາເຊໂລນາ ສະໂມສອນ ລາລີກາ ສະເປນ ພ້ອມທີ່ຈະຈ່າຍເງິນໃຫ້ ແອັດເລຕິໂກ ມາດຣິດ ເປັນເງິນຈໍານວນ 115 ລ້ານເອີໂຣ ເພື່ອຊື້ ອ໊ອງຕວນ ກຣີຊມັນ ກອງໜ້າຊາວຝຣັ່ງ ມາຮ່ວມທີມຕາມການລາຍງານຂອງສື່ໃນສະເປນ.

ບາເຊໂລນາ ຕົກເປັນຂ່າວກັບ ກຣີຊມັນ ມາໂດຍຕະຫຼອດ ໂດຍກ່ອນໜ້ານີ້ມີກະຂ່າວລືວ່າ ກຣີຊມັນ ເຮັດຂໍ້ຕົກລົງກັບ ບາເຊໂລນາ ໄປແລ້ວ. ຂະນະທີ່ ປະທານຂອງ ບາເຊໂລນາ ບອກໄດ້ລາວໄດ້ເຈລະຈາກັບ ຜູ້ຈັດການສ່ວນຕົວຂອງ ນັກເຕະຄົນດັ່ງກ່າວ ເປັນທີ່ຮຽບຮ້ອຍແລ້ວ.

ຢ່າງໃດກໍ່ຕາມ, ບັນຫາທີ່ນັກເຕະຍັງໄປບໍ່ໄດ້ຄື ແອັດເລຕິໂກ ມາດຣິດ ບໍ່ພໍໃຈກັບການກະທໍາຂອງ ບາເຊໂລນາ ໃນກໍລະນີທີ່ຕາມດືງ ກຣີຊມັນ ມາໂດຍຕະຫຼອດ ໂດຍພວກເຂົາເຖິງກັບຟ້ອງ ສະຫະພັນບານເຕະນາໆຊາດ (ຟີຟາ). ຂະນະທີ່ ປະທານຂອງ ແອັດເລຕິໂກ ມາດຣິດ ກໍ່ອອກມາຕໍາໜິອີກຝ່າຍຢ່າງຮຸນແຮງ.

ຈາກເຫດການດັ່ງກ່າວ ເຮັດໃຫ້ຄວາມສໍາພັນຂອງ ບາເຊໂລນາ ກັບ ແອັດເລຕິໂກ ມາດຣິດ ຈະຢູ່ໃນຂັ້ນບໍ່ດີປານໃດ, ເຊິ່ງ ສະປອດ ລະບຸວ່າ: ບາເຊໂລນາ ກໍ່ຢາກໃຫ້ສະຖານະການດັ່ງກ່າວກັບມາດີຄືເກົ່າ ຈົນຄິດຈະຢື່ນຂໍ້ສະເໜີຊື້ ກຣີຊມັນ ຈໍານວນ 115 ລ້ານເອີໂຣ ເພື່ອການຍ້າຍທີມຄັ້ງນີ້ເປັນຄືການຍ້າຍທີມແບບປົກກະຕິ.

ສໍາລັບ ສັນຍາປັດຈຸບັນຂອງ ກຣີຊມັນ ກັບ ແອັດເລຕິໂກ ມາດຣິດ ມັນມີການລະບຸເງື່ອນໄຂໄວ້ວ່າ ພໍເຖິງເດືອນກໍລະກົດນີ້ ກຣີຊມັນ ຈະມີຄ່າຈີກສັນຍາ 100 ລ້ານເອີໂຣ, ເຊິ່ງນັ້ນໝາຍຄວາມວ່າ ບາເຊໂລນາ ບໍ່ຕ້ອງເສຍເງິນເຖິງຫຼັກ 115 ລ້ານປອນ, ແຕ່ພວກເຂົາກໍ່ຕ້ອງຍອມທີ່ຈະຈ່າຍເພີ່ມ ເພື່ອໃຫ້ສາຍສໍາພັນລະຫວ່າງທັງສອງທີມເປັນໄປດ້ວຍດີ.

ສື່ດັ່ງກ່າວລາຍງານອີກວ່າ: ກຣີຊມັນ ຢາກຍ້າຍຢູ່ກັບ ບາເຊໂລນາ ຈົນເຖິງຂະໜາດບໍ່ຄິດທີ່ຈະພິຈາລະນາຂໍ້ສະເໜີຈາກທີມອື່ນໆແລ້ວ ໂດຍລາວຍາກໃຫ້ທຸກຢ່າງມັນສໍາເລັດລົງກ່ອນ ການແຂ່ງຂັນບານໂລກ ຈະເລີ່ມຂຶ້ນອີກດ້ວຍ.

 

 

ຂໍ້ມູນມາຈາກ : ລາວອັບເດດ

 

ຄວາມຄິດເຫັນຂອງຜູ້ອ່ານ (0)