GMT+7 26/05/2018 15:02

ລັດເຊຍ ເປີດຂົວເຊື່ອມຕໍ່ຄາບສະຫມຸດໄຄເມຍ

 

 

ປະທານາທິບໍດີວະລາດີເມຍ ປູຕິນ ຜູ້ນຳລັດເຊຍ ຂັບລົດບັນທຸກຫນັກດ້ວຍຕົວເອງລະຫວ່າງເປັນປະທານໃນພິທີເປີດໃຊ້ຂົວເຊື່ອມຕໍ່ພາກໃຕ້ລັດເຊຍກັບຄາບສະຫມຸດໄຄເມຍ ເມື່ອວັນອັນຄານທີ່ຜ່ານມາ 4ປີຫລັງຈາກລັດເຊຍຍຶດ ດິນແດນຂອງຍູເຄນ

ສຳນັກຂ່າວເອພີ ແລະ ເອເອັບພີ ລາຍງານຈາກກຸງມອສໂກ ປະເທດລັດເຊຍເມື່ອວັນທີ 15ພຶດສະພາວ່າ: ຂົວຄວາມຍາວ 19ກິໂລແມັດ ມູນຄ່າກໍ່ສ້າງ 3,700ລ້ານໂດລາສະຫະລັດ ເຊື່ອມຕໍ່ພູມມີພາກກາສໂນດາ ທາງພາກໃຕ້ຂອງລັດເຊຍ ກັບເມືອງເຄິຣ ຂອງຄາບສະຫມຸດໄຄເມຍ ທີ່ກັ້ນແຍກທະເລດຳກັບທະເລອາຊັອບ ຈະກາຍເປັນຂົວທີ່ມີຄວາມຍາວຫລາຍທີ່ສຸດຂອງທະລີບຍູໂຣບ ແທນຂົວວາສໂກດາ ກາມາ ໃນກຸງລິສບອນ ໂປຕຸເກດ

ຂົວແຫ່ງໃຫມ່ເປັນໂຄງການເຊີງສັນຍາລັກຂອງປູຕິນ ທີ່ຕ້ອງການສະແດງໃຫ້ເຫັນວ່າຄາບສະຫມຸດໄຄເມຍ ເຂົ້າຮ່ວມເປັນດິນແດນສ່ວນນື່ງຂອງລັດເຊຍຍ່າງຖາວອນ ກ່ອນຫນ້ານີ້ການຄົມມະນາຄົມເຊື່ອມຕໍ່ໄປສູ່ໄຄເມຍຍໍ້າແຍ່ລົງ ຫລັງຈາກລົດໄຟຂ້າມໄປແຜ່ນດິນໃຫຍ່ຍູເຄນຖືກຍົກເລີກ ແລະ ກອງທັບຂອງທັງ 2ປະເທດຕ່າງຕັ້ງດ່ານຕາມຈຸດຂ້າມເຂົ້າສູ່ໄຄເມຍ

ປູຕິນເດີນທາງໄປພາກໃຕ້ຂອງລັດເຊຍເມື່ອວັນອັງຄານ ເພື່ອກວດຍ້ຽມສະຖານທີ່ກໍ່ສ້າງ ແລະ ຂື້ນລົດບັນທຸກຫນັກຄາມາສີສົ້ມ ໂດຍມີວິສະວະກອນ 2ຄົນນັ່ງຂ້າງ ປູຕິນຂັບລົດນຳຂະບວນຂ້າມຂົວ ແລະ ມີຂະບວນລົດບັນທຸກ ຕາມຫລັງອີກຫລາຍກວ່າ 10ຄັນ

ລັດເຊຍຍຶດດິນແດນຄາບສະຫມຸດໄຄເມຍຈາກຍູເຄນໃນເດືອນມີນາ 2557 ທ່າມກາງສຽງປະນາມຈາກລັດຖະບານເຄຍ ແລະ ກຸ່ມຊາຕິຕາເວັນຕົກ ເຊິ່ງກ່າວວ່າເປັນການຍຶດດິນແດນໂດຍຜິດກົດຫມາຍ ແລະ ຕາເວັນຕົກປະກາດມາດ ຕະການຄວໍ້າບາດລັດເຊຍ ເພື່ອເປັນການລົງໂທດໃນກໍລະນີນີ້

ຍູເຄນກ່າວວ່າໂຄງການກໍ່ສ້າງຂົວແຫ່ນີ້ ທຳລາຍສິ່ງແວລ້ອມ ແລະ ເຮືອຂະຫນາດໃຫຍ່ບໍ່ສາມາດຜ່ານເຂົ້າສູ່ທ່າເຮືອຫລາຍແຫ່ງແຄມທະເລອາຊັອບຂອງຍູເຄນ, ໃນວັນອັງຄານ ກຸ່ມສະຫະພາບຍູໂຣບ ອອກຖະແຫລງການຈາກສຳ ນັກງານໃຫຍ່ໃນກຸງບຣັສເຊລ ເບລຍ້ຽມ ກ່າວວ່າ: ຄວາມເຄື່ອນໄຫວຂອງລັດເຊຍຖືເປັນການໂຈມຕີຄັ້ງໃຫມ່ ຕໍ່ເອກະພາບແຫ່ງດິນແດນຂອງຍູເຄນ ສະຫະພັນລັດລັດເຊຍກໍ່ສ້າງຂົວເຄິຣ ໄປສູ່ຄາບສະຫມຸດໄຄເມຍໂດຍບໍ່ໄດ້ຮັບຄວາມ ຍິນຍອມຈາກຍູເຄນ ນີ້ເທົ່າກັບລັດເຊຍລະເມີດອຳນາດອະທິປະໄຕ ແລະ ຄວາມເປັນເອກະພາບແຫ່ງດິນແດນຂອງຍູເຄນອີກຄັ້ງ

 

 

 

 

 

 

ຂໍ້ມູນຈາກ: ເດລິນີວ

ຄວາມຄິດເຫັນຂອງຜູ້ອ່ານ (0)