GMT+7 27/05/2018 12:10

ຂາດບໍ່ໄດ້! ເນມາ ນໍາທີມຊາດບຣາຊິນ ລຸຍບານໂລກ 2018 ອັລເວສ ບໍ່ມີຊື່ຕາມຄາດ

 

ຕີເຕ ຜູ້ຈັດການທີມຊາດບຣາຊິນ ປະກາດຊື່ຂອງ 23 ນັກເຕະ ຊຸດລຸຍບານໂລກ 2018 ຮອບສຸດທ້າຍ ທີ່ປະເທດຣັດເຊຍ ທີ່ຈະເປີດສາກຂຶ້ນໃນວັນທີ 14 ມິຖຸນານີ້ ອອກມາເປັນທີ່ຮຽບຮ້ອຍ ໃນວັນທີ 14 ພຶດສະພາ 2018 ນໍາໂດຍ ເນມາ ກອງໜ້າຈາກສະໂມສອນ ປາຣີສ ແຊງແຊກແມງ. ຂະນະທີ່ ດານີ ອັລເວສ ກອງຫຼັງຄົນດັ່ງກ່າວ ບໍ່ມີຊື່ຢູ່ໃນທີມຕາມຄາດ ຫຼັງໄດ້ຮັບບາດເຈັບໜັກທີ່ຫົວເຂົ່າຈາກນັດຊີງຊະນະເລີດ ເຟຣັນ ຄັບ ໃນວັນທີ 8 ພຶດສະພາ ຜ່ານມາ.

ແພດປະຈໍາທີມຊາດບຣາຊິນ ຢືນຢັນວ່າ: ເນມາ ຈະກັບມາລົງຊ່ວຍທີມຊາດໄດ້ຕັ້ງແຕ່ນັດອຸ່ນເຄື່ອງນັດທໍາອິດກ່ອນລຸຍບານໂລກ ພົບກັບ ໂຄຣເອເຊຍ ໃນວັນທີ 3 ມິຖຸນານີ້, ສ່ວນ ອັລເວສ ເຈັບໜັກຈະໝົດສິດຊ່ວຍທີມຊາດລຸຍບານໂລກ ຄັ້ງນີ້ເປັນທີ່ແນ່ນອນແລ້ວ

23 ນັກເຕະທີມຊາດບຣາຊະນະ ຊຸດບານໂລກ 2018 ຮອບສຸດທ້າຍມີດັ່ງນີ້:
-ຜູ້ຮັກສາປະຕູ: ອາລິສຊົງ ຈາກໂຣມາ, ເອແດຊອນ ຈາກແມນເຊັສເຕີ ຊິຕີ້ ແລະ ກັສຊີໂອ້ ຈາກໂຄຣິນທຽນສ໌.

 

 

-ກອງຫຼັງ: ດານີໂລ ແມນຊິຕີ້, ຟັກເນີ ຈາກໂຄຣິນທຽນສ໌, ມາເຊໂລ ຈາກຣີລ ມາດຣິດ, ຟິລິເປ້ ລຸຍ ຈາກແອັດເລຕິໂກ ມາດຣິດ, ມິຣັນດາ ຈາກອິນເຕີ ມິລານ, ມາກິໂນໂຢສ ຈາກປາຣີສ, ຕິອາໂກ ຊິລວາ ຈາກປາຣີສ ແລະ ເຊໂຣເມລ ຈາກເກຣມິໂອ.

-ກອງກາງ: ກາເຊມິໂຣ ຈາກຣີລ ມາດຣິດ, ແຟນັນດິນໂຢ ຈາກແມນຊິຕີ້, ເປົາລິນໂຢ ຈາກບາເຊໂລນາ, ເຣນາໂຕ້ ອໍກຸສໂຕ ຈາກປັກກິ່ງ ກົວອັນ, ເຟຣັດ ຈາກຊັກຕາໂດເນັດ, ຟິລິບເປ ຄູຕິນໂຢ ຈາກບາເຊໂລນາ ແລະ ວິລລຽນ ຈາກເຊລຊີ.

-ກອງໜ້າ: ເນມາ, ກາບຽລ ເຊຊຸສ ຈາກແມນຊິຕີ້, ໂຣແບໂຕ ຟິມີໂນ ຈາກລິເວີພູລບ, ດັກລາສ ຄອສຕ້າ ຈາກຢູເວນຕຸສ ແລະ ໄທສັນ ຈາກຊັກຕາໂດເນັດ.

 

 

ຂໍ້ມູນມາຈາກ : ລາວອັບເດດ

 

 

ຄວາມຄິດເຫັນຂອງຜູ້ອ່ານ (0)