GMT+7 26/05/2018 15:03

ເຢຍລະມັນ ທະລາຍແກ້ງລັກລອບນຳເຂົ້າຊາວຫວຽດນາມ

 

 

ຕຳຫລວດເຢຍລະມັນບຸກຈູ່ໂຈມຫ້ອງເຊົ່າ 20ແຫ່ງ ໃນກຸງເບີລິນ ແລະ ລັດແບນເດນບວກເມື່ອວັນອັງຄານຈັບກຸມຊາຍ 3ຄົນເຊິ່ງຕ້ອງສົງໄສເປັນສະມາຊິກຂະບວນການຄ້າລັກລອບຳຊາວຫວຽດນາມເຂົ້າສູ່ເຢຍລະມັນ

ສຳນັກຂ່າວຣອຍເຕີລາຍງານຈາກກຸງເບີລິນ ປະເທດເຢຍລະມັນເມື່ອວັນທີ 15ພຶດສະພາວ່າ: ຜູ້ຖືກຈັບກຸມຊາຍ 2ຄົນ ອາຍຸ 57ປີ ແລະ 35ປີ ຈາກຫວຽດນາມ ແລະ ຊາວເຢຍລະມັນອາຍຸ 36ປີ ຕ້ອງສົງໄສເປັນຜູ້ຈັດການແຕ່ງງານປອມ ແລະ ອອກໃບສະແດງຄວາມເປັນພໍ່ປອມ ເພື່ອຊ່ວຍໃຫ້ປະຊາຊົນໄດ້ໃບອານຸຍາດຢູ່ອາໄສໃນເຢຍລະມັນ

ການກວດຄົ້ນຕຳຫລວດຍຶດແຫວນແຕ່ງງານຫລາຍວົງ ລວມທັງເອກະສານປະຈຳຕົວບຸກຄົນ, ໂລະສັບມືຖື ແລະ ເງິນສົດຈຳນວນຫລາຍກວ່າ 26,000ຍູໂຣ, ການສອບສວນຈົນນຳໄປສູ່ການຈັບກຸມ ເລີ່ມຕັ້ງແຕ່ເດືອນມີນາ 2560 ແລະ ຈົນເຖິງຂະນະນີ້ເຈົ້າຫນ້າທີ່ສາມາດລະບຸໂຕຜູ້ຕ້ອງສົງໄສທັງຊາວເຢຍລະມັນ ແລະ ຊາວຫວຽດນາມໄດ້ແລ້ວ 10ຄົນ

 

 

ຂໍ້ມູນຈາກ: ເດລິນີວ

 

ຄວາມຄິດເຫັນຂອງຜູ້ອ່ານ (0)