GMT+7 27/05/2018 12:09

ປາກຽວ ສົນໃຈຂຶ້ນຊົກກັບ ໂລມາເຊນໂກ ເຖິງຄູ່ແຂ່ງຈະຢູ່ໃນລຸ້ນໃຫຍ່ກວ່າ

 

ແມນນີ ປາກຽວ ນັກມວຍຊາວອາຊີ ເປີດເຜີຍວ່າ: ຕົວເອງສົນໃຈທີ່ຈະຂຶ້ນຊົກກັບ ວາຊິລ ໂລມາເຊນໂກ ແຊ້ມລຸ້ນໄລທ໌ເວດຂອງສະມາຄົມມວຍໂລກ (ດັບເບິລຢູບີເອ) ຫຼັງຈາກທີ່ ໂລມາເຊນໂກ ຫາກໍ່ເອົາຊະນະ ຮໍເກ້ ລິນາເຣສ ນັກມວຍຊາວເວເນຊຸເອລາ ມາໄດ້.

ໂລມາເຊນໂກ ໄດ້ຮັບການຍົກຍ້ອງວ່າເປັນ 1 ໃນນັກມວຍທີ່ເກັ່ງທີ່ສຸດ ເມື່ອທຽບກັນນໍ້າໜັກລຸ້ນດຽວກັນ ໂດຍນອກຈາກະເປັນແຊັມລຸ້ນ ໄລທ໌ເວດຂອງ ດັບເບິລຢູບີເອ ແລ້ວ ລາວຍັງເປັນແຊ້ມລຸ້ນດຽວກັບ ປາກຽວ ແລະ ແຊ້ມລຸ້ນ ຈູເນຍ ໄລທ໌ເວດ ຂອງອົງກອນມວຍໂລກ (ດັບເບິລຢູບີໂອ).

ປາກຽວ ລະບຸວ່າ: “ ແນ່ນອນຂ້ອຍສົນໃຈຈະຂຶ້ນຊົກກັບ ວາຊິລ ໂລມາເຊນໂກ ແລະ ລາວຫາກໍ່ເອົາຊະນະ ຮໍເກ້ ລິນາເຣສ ມາໄດ້ ແລະ ຕອນນີ້ລາວກໍ່ມີສາຍແອວແຊ້ມລຸ້ນ ໄລທ໌ເວດ ຢູ່ໃນຄອບຄອງອີກດ້ວຍ ເຮັດໃຫ້ຂ້ອຍເຫັນເຖິງການທີ່ຈະໄປຊົກທີ່ ອາເມລິກາ ອີກຄັ້ງ ”.

 

 

ຢ່າງໃດກໍ່ຕາມ, ນັກມວຍອາຍຸ 39 ປີຍອມຮັບວ່າ ຕົວເອງຈະຕ້ອງເມື່ອຍ ໃນການເພີ່ມນໍ້າໜັກ ເພື່ອຂຶ້ນໄປຊົກກັບນັກມວຍຄົນດັ່ງກ່າວ ໂດຍກ່າວວ່າ: “ ຂ້ອຍຈະໄປຊົກກັບ ໂລມາເຊນໂກ ທີ່ນໍ້າໜັກ 135 ກິໂລກຣາມ, ແຕ່ມັນຈະເຮັດໃຫ້ຕ້ອງເຮັດງານໜັກຂຶ້ນໄປອີກ ”.

ປັດຈຸບັນ ປາກຽວ ມີແຜນຂຶ້ນຊົກກັບ ລູຄັສ ແມັດທິສເຊ ແຊ້ມໂລກລຸ້ນເວລເຕີເວດ ຂອງດັບເບິລຢູບີເອ ທີ່ນະຄອນຫຼວງກົວລາລໍາເປີ ປະເທດມາເລເຊຍ ໃນວັນທີ 15 ກໍລະກົດ 2018 ຖ້າຜ່ານກໍ່ມີໂອກາດເປັນໄປໄດ້ໃນໄຟທ໌ຕໍ່ໄປ.

 

 

ຂໍ້ມູນມາຈາກ : ລາວອັບເດດ

 

 

ຄວາມຄິດເຫັນຂອງຜູ້ອ່ານ (0)