GMT+7 27/05/2018 12:09

ຊ່ວຍເຫຼືອກັນ! ລາວໂຕໂຢຕ້າ ຮ່ວມກັບ ຂອນແກ່ນ ຈັດບານເຕະການກຸສົນລະດົມທຶນຊ່ວຍຮັກສານັກເຕະເຈັບໜັກ


 

ລາວໂຕໂຢຕ້າ ເອັຟຊີ ທີມນໍາໃນ ເປບຊີ ລາວພຣີເມຍລີກ 2018 ຖືກຮັບເຊີນໄປຮ່ວມການແຂ່ງຂັນບານເຕະການກຸສົນກັບ ຂອນແກ່ນ ຢູໄນເຕັດ ສະໂມສອນໃນປະເທດເພື່ອນບ້ານ ໃນວັນອັງຄານທີ 22 ພຶດສະພາ 2018 ເວລາ 18:00 ໂມງ ທີ່ສະໜາມອົງການບໍລິຫານສ່ວນຈັງຫວັດຂອນແກ່ນ.

ສໍາລັບ ຈຸດປະສົງຂອງການແຂ່ງຂັນແມ່ນ ເພື່ອຄວາມສາມັກຄີແນ່ໃສ່ ລະດົມທຶນ ແລະ ລາຍໄດ້ທັງໝົດ ຫຼັງຫັກຄ່າໃຊ້ຈ່າຍແລ້ວມອບໃຫ້ ອາມ ອິຊະຖາ ຫວ່ອງຈະເລີນ ນັກເຕະສະໂມສອນ ບີຊີຊີ ເອັຟຊີ ທີ່ກໍາລັງປ່ວຍຢ່າງໜັກ ແລະ ຕ້ອງຢຸດຫຼິ້ນບານເຕະອາຊີບ ໄປຢ່າງໜ້າເສຍດາຍ.

ເຊີນຊວນພີ່ນ້ອງທັງຊາວລາວ ແລະ ໄທ ຮ່ວມຊົມເຊຍນັດດັ່ງກ່າວ ເພື່ອເປັນການຊ່ວຍເຫຼຶືອເພື່ອນມະນຸດດ້ວຍກັນ ດ້ວຍການຊີ້ບັດເຂົ້າຊົມການແຂ່ງຂັນພຽງ 20 ບາດເທົ່ານັ້ນ, ສ່ວນນັກເຕະຈາກສະໂມສອນລາວ ນໍາໂດຍ ກາຊູໂອ ໂຮມມະ ດາວຍິງສຸງສຸດຂອງ ລາວພຣີເມຍລີກ 2 ສະໄໝ ແລະ ນັກເຕະເດັ່ນໆອີກຫຼາຍໆຄົນ.

 

 

ຂໍ້ມູນມາຈາກ : ລາວອັບເດດ

 

ຄວາມຄິດເຫັນຂອງຜູ້ອ່ານ (0)