GMT+7 27/05/2018 12:06

ສູນການສຶກສານອກໂຮງຮຽນ ແຂວງອັດຕະປື ໄດ້ຮັບອາຄານຮຽນ ຫລັງໃໜ່

 

ເມື່ອ​ບໍ່​ດົນ​ມາ​ນີ້, ​ໄດ້​ມີພິທີມອບ-ຮັບອາຄານຮຽນຫລັງໃໜ່ ຂອງສູນການສືກສານອກໂຮງ ຮຽນແຂວງ ອັດຕະປື ພາຍຫລັງ​ໄດ້ເລີ່ມລົງມືກໍ່ສ້າງ ມາແຕ່ເດືອນກັນຍາ 2017 ມາເຖິງເດືອນ 4 ປີ 2018  ຈຶ່ງສຳເລັດ 100% ໂດຍແມ່ນ ທ່ານ ວໍຮ້າຍ (ຄົນຫວຽດນາມ) ເປັນຜູ້ຮັບ ເໜົາການກໍ່ສ້າງ. ເປັນອາຄານ 2 ຊັ້ນ ເຮັດດ້ວຍເບຕົງເສີມເຫລັກ , ປະກອບມີ 5 ຫ້ອງຮຽນ, 1 ຫ້ອງການ, 2 ຫ້ອງນອນ, 1 ຫ້ອງຄົວ ແລະ ຫ້ອງນໍ້າຍິງ 4 ຫ້ອງ, ແຕ່ລະຫ້ອງ ມີເຄື່ອງເຟີນີເຈີຄົບຊຸດ, ພ້ວມດ້ວຍລະບົບນໍ້າຄົບຊຸດ.  ລວມມູນຄ່າການກໍ່ສ້າງທັງໜົດ 6,4 ຕື້​ດົງ ໂດຍແມ່ນທຶນຊ່ວຍ​ເຫລືອ​ລ້າ ຈາກນະຄອນດາໜັງ ສສ ຫວຽດນາມ.

ໂອກາດ​ນີ້, ທ່ານ ຄໍາພູນ ແກ້ວມາລາ ກໍ​ໄດ້ສະແດງຄວາມຂອບອົກ​ຂອບໃຈ ຢ່າງລົ້ນເຫລືອຕໍ່ ການນຳ ແລະ ປະຊາຊົນດາໜັງ  ທີ່ໄດ້ໃຫ້ການຊ່ວຍເຫລື​ອທຶນຮອນ ​ໃນ​ການກໍ່ສ້າງອາຄານຮຽນ ໃຫ້ກັບແຂວງອັດຕະປື ເຊິ່ງເປັນການປະກອບສ່ວນ ອັນໃຫຍ່ຫລວງ ໃນການສ້າງ ຊັບພະຍາກອນມະນຸດ, ປະກອບສ່ວນເຂົ້າໃນການຈັດຕັ້ງ ຂອງລັດ ໃນການພັດທະນາເສດຖະກິດ -ສັງຄົມຂອງຊາດ ໃຫ້ມີຄວາມເຂັ້ມແຂງ, ອາຄານຮຽນຫລັງໃໝ່ນີ້  ຈະເປັນການອໍານວນຄວາມສະດວກ ໃຫ້ແກ່ການຮຽນ-ການສອນ ຂອງຄູອາຈານ ແລະ ນັກຮຽນ ເຊິ່ງຈະຖືກນຳໃຊ້ເຂົ້າ ໃນການຮຽນ-ການສອນຂອງຄູອາຈານ ແລະ ນັກຮຽນ  ໃນສົກປີ 2017-2018 ເປັນຕົ້ນໄປ.

 

ແຫຼ່ງຂ່າວ: ຂ່າວສານປະເທດລາວ

 

 

ຄວາມຄິດເຫັນຂອງຜູ້ອ່ານ (0)