GMT+7 26/05/2018 14:58

ລະນຶກ 23 ປີ ການຈາກໄປຢ່າງບໍ່ມີວັນກັບຂອງ “ເຕິ້ງ ລີ່ຈວິນ” ຜູ້ຮ້ອງເພງ “ຖຽນມີ່ມີ່”

 

ຫາກເວົ້າເຖິງບົດເພງຈີນທີ່ແສນຫວານ ແລ້ວຄົງບໍ່ມີໃຜບໍ່ຄິດເຖິງ “ເຕິ້ງ ລີ່ຈວິນ” ຫຼື ເທເຣຊາ ເຕິ້ງ ຜູ້ໄດ້ຮັບສົມຍານາມວ່າ ເປັນລາຊີນີແຫ່ງເພງຈີນ. ນໍ້າສຽງຂອງນາງສ້າງຄວາມສຸກ ແລະ ປອບປະໂລມຫົວໃຈຂອງແຟນເພງຈໍານວນມະຫາສານ. “ເຕິ້ງ ລີ່ຈວິນ” ເລີ່ມເຂົ້າສູ່ວົງການເພງຄັ້ງທໍາອິດໃນປີ 1967 ເພງຂອງນາງຍັງຄົງຖືກຟັງມາຕະຫລອດດົນກວ່າເຄິ່ງສະຕະວັດ. ເວົ້າໄດ້ວ່າບ່ອນໃດທີ່ມີຊາວຈີນ ບ່ອນນັ້ນຍ່ອມໄດ້ຍິນເພງຂອງ “ເຕິ້ງ ລີ່ຈວິນ”
“ເຕິ້ງ ລີ່ຈວິນ” ມີຊື່ສຽງຈາກບົດເພງຮັກ ແລະ ເພງພຶ້ນເມືອງພາສາໜິ່ນໜານ (ພາສາຮັກກ້ຽນ) ເພງທີ່ໂດ່ງດັງຈົນຄົນຮູ້ຈັກກັນໄປທົ່ວເອເຊຍ ໄດ້ແກ່ເພງ ຖຽນມີ່ມີ່ (ແປວ່າ ຫວານປານນໍ້າເຜິ້ງ) ແລະ ເພງເຢວ໋ຫຼຽງໄຕ້ປ່ຽວຫວໍເຕີຊິນ (ແປວ່າ ພະຈັນແທນໃຈຂ້ອຍ) ບໍ່ພຽງແຕ່ເພງພາສາຈີນເທົ່ານັ້ນ ແຕ່ນາງຍັງເຄີຍມີຜົນງານເພງພາສາໄຕ້ຫວັນ, ພາສາກວາງຕຸ້ງ, ພາສາຍີ່ປຸ່ນ, ພາສາອິນໂດເນເຊຍ ແລະ ພາສາອັງກິດອີກດ້ວຍ.
ວັນທີ 8 ພຶດສະພາ 1995 ຫລືເມື່ອ 23 ປີກ່ອນ ນັກຮ້ອງສາວຜູ້ສ້າງຕໍານານເພງຈີນຄົນນີ້ ໄດ້ເສຍຊິວິດລົງໃນໄວ 42 ປີ ຢູ່ໂຮ=ແຮມແຫ່ງໜຶ່ງໃນແຂວງຊຽງໃໝ່ຂອງປະເທດໄທ ດ້ວຍອາການຫອບຫືດ ເຖິງວ່າຈະຈາກໂລກນີໄປແລ້ວ ແຕ່ເຊື່ອວ່າ ດາວເດັ່ນດວງນີ້ຈະຍັງຄົງສະຫວ່າງສະໄຫວຢູ່ໃນຄວາມຊົງຈໍາຂອງໃຜຫລາຍຄົນຜ່ານບົດເພງທີ່ເປັນອໍາມະຕະນິລັນການ.

 

 

 

ຂໍ້ມູນຈາກ: sanook

ຄວາມຄິດເຫັນຂອງຜູ້ອ່ານ (0)