GMT+7 26/05/2018 15:12

ຕະລຶງຕາຄ້າງ ໄຮອັນ ເຣຍ໌ໂນລດ໌ ເຊີຣ໌ໄພຣສ໌ ໃນລາຍການ ໜ້າກາກນັກຮ້ອງເກົາຫລີ

 

ຕະລຶງຕາຄ້າງ ໄຮອັນ ເຣຍ໌ໂນລດ໌ ເຊີຣ໌ໄພຣສ໌ ເປັນໜ້າກາກຢູນິຄອຣ໌ນ ໃນລາຍການ King of Mask Singer ໜ້າກາກນັກຮ້ອງຂອງເກົາຫລີໃຕ້ ເຜີຍເປັນຄວາມລັບບໍ່ມີໃຜຮູ້

ວັນທີ່ 14 ພຶກສະພາ 2561 ເວັບໄຊຕ໌ເມໂທຣ ມີລາຍງານວ່າ ໄຮອັນ ເຮຍ໌ໂນລຕ໌ ນັກສະແດງຮອລລີວູດຊື່ດັງ ໄດ້ສ້າງເຊີຣ໌ໄພຣສ໌ ໃຫ້ກັບລາຍການໂທລະພາບປະເທດເກົາຫລີໃຕ້ ພາຍຫລັງຈາກໄປແອບເກັບໂຕຢູ່ພາຍໃຕ້ໜ້າກາກຢູນິຄອຣ໌ນ ຮ່ວມໃນລາຍການ King of Mask Singer ຈົນເມື່ອເຖິງເວລາຕ້ອງຖອດໜ້າກາກສະເຫຼີຍຕົວຕົນທີ່ແທ້ຈິງນັ້ນ ຈົນເຮັດໃຫ້ຄະນະກໍາມະການ ຜູ້ເບິ່ງຜູ້ຊົມໃນສະຕູດີໂອ ແລະ ທາງບ້ານ ຕື່ນຕະລຶງຮືຮາອ້າປາກຄ້າງໄປຕາມໆ ກັນແຕ່ລະຄົນເກືອບບໍ່ເຊື່ອສາຍຕາໂຕເອງ

ໂດຍລາຍການອອກອາກາດເມື່ອວັນທີ່ 13 ພຶດສະພາ ທີ່ຜ່ານມາທາງສະຖານີໂທລະພາບຊ່ອງ MBC ຂອງເກົາຫລີໃຕ້ ໄຮອັນ ເຣຍ໌ໂນລດ໌ (ເຊິ່ງໃນຕອນນັ້ນຍັງບໍ່ມີໃຜຮູ້ຕົວຕົນທີ່ແທ້ຈິງ) ມາໃນຊຸດໜ້າກາກຢູນິຄອຣ໌ນຫວານຟຸ້ງຟິ້ງ ອອກມາຮ້ອງເພງ Tomorrow ຂອງສິນລະປິນ Annie ເຊິ່ງໄດ້ສ້າງຄວາມແປກໃຈໃຫ້ທາງຂະນະກໍາມະການດ້ວຍສໍານຽງພາສາອັງກິດທີ່ເປ໊ະຄືເຈົ້າຂອງພາສາ ແຕ່ກໍ່ບໍ່ມີໃຜຄາດເດົາໄດ້ວ່າເປັນໃຜບໍ່ຮູ້ຊໍ້າວ່າຈະເປັນຊາວຕ່າງຊາດ ແລະ ຍິ່ງໄປກວ່ານັ້ນ ບໍ່ມີໃຜຄາດຄິດວ່າຈະເປັນນັກສະແດງຊື່ດັງລະດັບນີ້

ລາຍການເຜີຍວ່າ ເປັນເລື່ອງທີ່ໜ້າແປກໃຈເປັນຢ່າງຍິ່ງເນື່ອງຈາກ ເຣຍ໌ໂນລດ໌ ເຊີຣ໌ໄພຣສ໌ ພະເອກສຸດກວນຈາກໜັງ Deadpool  ມັກຈະບໍ່ຄ່ອຍໄປປາກົດຕົວໃນລາຍການໂທລະພາບພໍ່ເທົ່າໃດ ໂດຍການມາປາກົດຕົວທີທີ່ລາຍການບັນເທີງຂອງເກົາຫລີຄັ້ງນີ້ ເປັນສ່ວນໜຶ່ງຂອງການໂປຣໂມດໜັງເລື່ອງ Deadpool 2 ທີ່ກໍານົດຈະເຂົ້າສາຍໃນວັນທີ່ 16 ພຶດສະພາ 2561

ໂດຍພາຍຫລັງເປີດໜ້າກາກສະເຫຼີຍຕົວຕົນ ໄຮອັນ ເຣຍ໌ໂນລດ໌ ໄດ້ກ່າວວ່າ “ສະບາຍດີທຸກໆ ຄົນຂ້ອຍຕ້ອງຂໍໂທດສໍາຫລັບການຮ້ອງເພງຂອງຂ້ອຍ” ພ້ອມກັນນັ້ນ ເຂົາໄດ້ເຜີຍເຖິງເບື້ອງຫລັງໃນການມາອອກລາຍໃນຄັ້ງນີ້ວ່າ ເຂົາໄດ້ເດີນທາງມາເກົາຫລີໃຕ້ 2 ມື້ກ່ອນໜ້ານີ້ ແລະ ຕ້ອງເກັບໂປຣແກຣມການເຮັດວຽກໄວ້ເປັນຄວາມລັບ ແມ້ກະທັ້ງ ເບລຄ ໄລຟ໌ລີຍ໌  ພັນລະຍາຂອງເຂົາກໍ່ບໍ່ຮູ້ເລີຍເຊັນກັນ

“ຂ້ອຍຂໍຂອບໃຈທຸກໆ ຄົນທີ່ໃຫ້ຂ້ອຍມາຮ່ວມລາຍການນີ້ ມັນເປັນປະສົບການທີ່ໜ້າຕື່ນເຕັ້ນຫລາຍ ເປັນກຽດຢ່າງຍິ່ງສໍາຫລັບຂ້ອຍ ທີ່ພວກທ່ານພັກດັນໃຫ້ຂ້ອຍກ້າວຂ້າມຂີດຈໍາກັດຂອງຕົວເອງ ແລະ ຂ້ອຍຂອບໃຈແທ້ໆ” ໄຮອັນ ເຣຍ໌ໂນລດ໌ ກ່າວເທິງເວທີ

ທັງນີ້ພາຍຫລັງຈາກລົງເວທີ ໄຮອັນ ເຣຍ໌ໂນລດ໌ ໄດ້ໃຫ້ສໍາພາດວ່າ ຄັ້ງນີ້ນັບເປັນຄັ້ງທໍາອິດໃນຊີວິດຂອງເຂົາທີ່ອອກມາຮ້ອງເພງເທິງເວທີຕໍ່ໜ້າຜູ້ຄົນຈໍານວນຫລາຍ ເຖິງແມ່ນວ່າຈະມີໜ້າກາກປິກບັງຕົວຕົນ ກໍ່ບໍ່ໄດ້ຊ່ວຍໃຫ້ສຽງຮ້ອງຂອງຕົນເອງດີຂຶ້ນກວ່າເດີມ “ຂ້ອຍເປັນໜຶ່ງໃນທັອບ 5 ຂອງຜູ້ທີ່ຮ້ອງເພງບໍ່ມ່ວນທີ່ສຸດໃນຈັກກະວານ” ໄຮອັນ ເຣຍ໌ໂນລດ໌ ກ່າວເວົ້າໃຫ້ໂຕເອງຢ່າງໜ້າຕະຫຼົກ ສ່ວນໜ້າກາກຢູນິຄອຣ໌ນທີ່ໃສ່ນັ້ນ ໄຮອັນ ເຣຍ໌ໂນລດ໌ ເຜີຍວ່າ “ມັນໃສ່ງ່າຍກວ່າໜ້າກາກ Deadpool ຫລາຍເທົ່າມີລົມພັດຜ່ານໄດ້ ແລະ ຂ້ອຍຈະເອົາມັນກັບບ້ານນໍາ”

 

 

 

ຂໍ້ມູນຈາກ: kapook

ຄວາມຄິດເຫັນຂອງຜູ້ອ່ານ (0)