GMT+7 27/05/2018 12:21

ສຸດຍອດ! ຊາລາ ກວາດລາງວັນໄດ້ 36 ຄັ້ງ ດ້ວຍການປິດສາກຄວ້າລາງວັນເກີບຄໍາ ພຣີເມຍລີກ

 

ຕ້ອງຍອມຮັບແທ້ໆວ່າ ໂມຮາເໝັດ ຊາລາ ກອງໜ້າຊາວເອຢິບ ສ້າງຜົນງານໄດ້ໂດດເດັ່ນກວ່າໃຜ ເບິ່ງໄດ້ຜົນງານໃນປີນີ້ໂດດເດັ່ນສຸດໆກວາດໄປແລ້ວ 36 ລາງວັນດີເດັ່ນ ຫຼ້າສຸດຄວ້າລາງວັນດາວຍິງສູງສຸດ ຫຼື ເກີບຄໍາຂອງ ພຣີເມຍລີກ ອັງກິດ ລະດູການ 2017-2018 ຈາກຜົນງານຍິງໄປ 32 ປະຕູ, ສ່ວນອັນດັບ 2 ປະຂອງ ແຮຣີ ເຄນ ຍິງໄດ້ 30 ປະຕູ.

ສໍາລັບ ຊາລາ ຍ້າຍຈາກ ໂຣມາ ມາຢູ່ກັບ ລິເວີພູລ ລະດູການນີ ກ່ອນຈະລະເບີດຟອມຍິງໄປເຖິງ 43 ປປະຕູໃນທຸກລາຍການ ແລະ ຍິງ 32 ປະຕູໃນ ພຣີເມຍລີກ ອັງກິດ ໂດຍແອັດມິນນົກ ຂາປະຈາລາວອັບເດດ ໄດ້ຮວບຮວມລາງວັນຈາກສື່ຕ່າງປະເທດບວກກັບ ລາງວັນເກີບຄໍາຫຼ້າສຸດ ເຮັດໃຫ້ ຊາລາ ຄວ້າລາງວັນມາຄອງເຖິງ 36 ລາງວັນແລ້ວດັ່ງນີ້:

 

 

ນັກເຕະດີເດັ່ນປະຈໍາອາທິດໄດ້ 3 ອາທິດ ຢູຟາ ແຊ້ມປ້ຽນລີກ.
-ປະຕູດີເດັ່ນອາທິດໄດ້ 2 ຄັ້ງ ຢູຟາ ແຊ້ມປ້ຽນລີກ.
-ນັກເຕະດີເດັ່ນປະຈໍາເດືອນໄດ້ 3 ຄັ້ງ ຂອງ ພຣີເມຍລີກ.
-ນັກເຕະດີເດັ່ນປະຈໍາເດືອນໄດ້ 4 ເດືອນຂອງ ພີເອັຟເອ.

-ນັກເຕະດີເດັ່ນປະຈໍາເດືອນໄດ້ 7 ເດືອນຂອງ ລິເວີພູລ.
-ປະຕູດີເດັ່ນປະຈໍາເດືອນໄດ້ 6 ເດືອນຂອງ ລິເວີພູລ.
-ນັກເຕະດີເດັ່ນແຫ່ງປີຂອງ ພີເອັຟເອ 1 ຄັ້ງ.
-ນັກເຕະດີເດັ່ນແຫ່ງປີຂອງ ລິເວີພູລ 1 ຄັ້ງ.

-ນັກເຕະທະວີບອາຟຣິກາ ດີເດັ່ນຂອງ ຊີເອເອັຟ (ສະຫະພັນບານເຕະອາຟຣິກາ) 1 ຄັ້ງ.
-ນັກເຕະດີເດັ່ນແຫ່ງປີຂອງ ສະມາຄົມນັກຂ່າວບານເຕະອັງກິດ 1 ຄັ້ງ.
-ນັກເຕະດີເດັ່ນຂອງ ລິເວີພູລ ຈາກເພື່ອນຮ່ວມທີມ 1 ຄັ້ງ.
-ນັກເຕະອາຟຣິກາ ດີເດັ່ນຂອງ ບີບີຊີ 1 ຄັ້ງ.

-ນັກເຕະອາຣັບ ດີເດັ່ນແຫ່ງປີ 1 ຄັ້ງ.
-ນັກເຕະດີເດັ່ນຂອງ ພຣີເມຍລີກ ປະຈໍາລະດູການ 2017-2018 1 ຄັ້ງ.
-ຕິດທີມດີເດັ່ນຂອງ ພີເອັຟເອ ລະດູການ 2017-2018 1 ຄັ້ງ.
-ຕິດທີມດີເດັ່ນແຫ່ງປີຂອງ ຊີເອເອັຟ 1 ຄັ້ງ.
-ລາງວັນດາວຍິງສູງສຸດ ຫຼື ເກີບຄໍາຂອງ ພຣີເມຍລີກ ອັງກິດ 1 ຄັ້ງ.

 

 

ຂໍ້ມູນມາຈາກ : ລາວອັບເດດ

 

ຄວາມຄິດເຫັນຂອງຜູ້ອ່ານ (0)