GMT+7 27/05/2018 12:21

ຍິງຄົນນີ້ເກັ່ງແທ້! ສາວລົດແກ້ວ ບໍ່ຫຼຸດອັນດັບ 3 ຫຼ້າສຸດຄວ້າອັນດັບ 2 ປະເພດອິນເຕີ ແລະ ອັນດັບ 1 ກຸ່ມ ລຸ້ນອາຍຸ 15-29 ປີຍິງ ທີ່ໄທ

 

ກ່ອນໜ້ານີ້ ສາວ ລົດແກ້ວ ອິນທະກຸມມານ ນັກແລ່ນຍິງມື 1 ຂອງລາວ  ຄວ້າ 1 ຫຼຽນເງິນ ໃນແລ່ນ 1.500 ແມັດ ໃນການແຂ່ງຂັນແລ່ນ ໄທແລນ ໂອເພັນ 2018  ແລະ ໃນວັນທີ 7 ພຶດສະພາ 2018 ສາມາດຄວ້າໄດ້ອີກ 1 ຫຼຽນທອງ ປະເພດ 800 ແມັດຍິງ.

ຫຼ້າສຸດ ຄວ້າອັນດັບ 2 ປະເພດອິນເຕີ ແລະ ໄດ້ທີ 1 ກຸ່ມ ລຸ້ນອາຍຸ 15-29 ປີຍິງ ໃນລາຍການ Supper sports 10 miles International Run 2018 ທີ່ນະຄອນຫຼວງບາງກອກ ປະເທດໄທ ໃນວັນທີ 13 ພຶດສະພາ 2018.

ສໍາລັບ ລົດແກ້ວ ສ້າງຜົນງານຢ່າງໂດດເດັ່ນທີ່ສຸດໃນປີ 2018 ລົງແຂ່ງຂັນເກືອບ 10 ລາຍການ ແລະ ຜົນງານທີ່ອອກມາບໍ່ຫຼຸດອັນດັບ 3 ຖືເປັນນັກແລ່ນລາວທີ່ໄຟແຮງສຸດໆໃນຕອນນີ້, ໂດຍສະເພາະ 2 ລາຍການໃຫຍ່ຢ່າງ ສິງກະໂປ ໂອເພນ ສາມາດຄວ້າ 1 ຫຼຽນຄໍາ ແລະ 1 ຫຼຽນເງິນ ກ່ອນທີ່ອີກລາຍການໃຫຍ່ຢ່າງ ໄທແລນ ໂອເພັນ ຄວ້າ 1 ຫຼຽນເງິນ ແລະ 1 ຫຼຽນທອງ.

 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)