GMT+7 26/05/2018 15:11

ເຈົ້າເມືອງໆປາກທາ ມອບເຄື່ອງຊ່ວຍເຫລືອ ໂຮງຮຽນປະຖົມ ສົມບູນບ້ານ ຫ້ວຍລຳແພນ

 

 

ເມື່ອບໍ່​ດົນ​ມາ​ນີ້,  ທ່ານ ສຸໄລ ດວງຜາຄຳ ເຈົ້າເມືອງໆ ປາກທາ ພ້ອມດ້ວຍຄະນະໄດ້ລົງມອບເຄື່ອງ ຊ່ວຍເຫລືອ ໃຫ້ໂຮງຮຽນອະນຸບານ, ປະຖົມສົມບູນ ຫ້ວຍລຳແພນ  ເມືອງປາກທາ ແຂວງບໍ່ແກ້ວ, ໃນນັ້ນ ປະກອບມີ ໂສ້ງ, ເສື້ອເດັກອະນຸບານຈຳນວນ 2 ກະເປົາ  ​ເຊິ່ງເຄື່ອງທີ່ນຳມາມອບໃນຄັ້ງນີ້  ແມ່ນໄດ້ປຸກລະດົມຈາກພໍ່ຄ້າຊາວຂາຍ,  ນັກທຸລະກິດພາຍໃນເມືອງປາກທາ,  ທີ່ໃຫ້ໃນການບໍລິຈາກ,

ການ​ມອບ​ເຄື່ອງ​ຊ່ວຍ​ເຫລືອ​ຄັ້ງ​ນີ້  ກໍເພື່ອ​ເປັນ​ການກະຕຸກຊຸກຍູ້,  ສົ່ງເສີມຊ່ວຍເຫລືອທາງດ້ານເຄື່ອງນຸ່ງຫົ່ມ ໃຫ້ກັບຄອບຄົວ ແລະ  ນັກຮຽນທີ່ຍັງຂາດເຂີນ,  ຍັງຕ້ອງການຄວາມຊ່ວຍເຫລືອ ທາງດ້ານເຄື່ອງນຸ່ງຫົ່ມ ໃຫ້ກັບຄອບຄົວ  ແລະ ຍັງເປັນການຊຸກຍູ້ໃຫ້ນ້ອງນ້ອຍນັກຮຽນ  ໄດ້ເອົາໃຈໃສ່ໃນການສຶກສາຮໍ່າຮຽນ  ເປັນຄົນດີຂອງພໍ່ແມ່ ແລະ ເປັນນັກຮຽນດີ ຂອງຄູ-ອາຈານ ເພື່ອຊ່ວຍເປັນແຮງດັນ ໃຫ້ນ້ອງນ້ອຍນັກຮຽນ  ຮຽນເກັ່ງເສັງໄດ້ ແລະ ມີອານາຄົດທີ່ດີ ແລະ ສົດໃສໃນຕໍ່ໜ້າ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)